طلب إحاطة لإنشاء معهد للرقص الشرقي ودينا ترحب للتدريس فيه

**icehearted girl** · 05-07-2009 12:10 PM

يه كل الناس متخيلة إن كل البنات اللي حيدخلوا المعهد ده.. حيشتغلوا رقاصات؟!

* ومين يقدر ينكر إن كل بيت مصري فيه بنت بترقص أو بتحب الرقص..؟!

* وليه منعتبرش المعهد ده زيه زي أي معهد لتعليم أي شيء تاني..

صالات الجيم مثلا وتمارين السويدي أنا شخصيا شفت مدربين كتير فيها بيلجأوا لاستخدام الرقص الشرقي؟!

* وليه متتخيلوش إن معهد الرقص ده ممكن يكون فيه قسم للمحجبات مثلا يتعلموا فيه زي مابيتعلموا

الخياطة في أي معهد تاني؟!

* ومين ينكر وجود مدارس رقص حاليا.. فرقت إيه بقي عن المعهد؟! ويمكن المعهد ده تكون مصاريفه أرخص كمان؟!

* وإزاي بنسمح لاولادنا وبناتنا يتعلموا الباليه في معهد.. بالرغم من أن فتياته شبه العاريات ميفرقوش كتير عن الراقصات.

. وبعدين نرفض معهد الرقص الشرقي؟!

بلاش نخدع روحنا.. الرقص موجود وحيستمر.. والرقاصات موجودات موجودات..

وبدل ما كل واحدة ملهاش عمل شريف تروح تشتغلي رقاصة.. الطيب أحسن.. نقنن المهنة.

أحب أسجل نقطة أخيرة.. الكلام ده موش معناه اني موافقة علي انشاء المعهد.. ده مجرد "تفتيح" نقط كانت غايبة عننا

وسلام كبير لفيلم متيجي نرقص بطولة يصرا :d

**EL_3OMDA** · 05-07-2009 10:32 PM

لا حضرتك اكيد المحجبات مش هترقص يعنى هتبقى هوايه للتنفيث عن النفس فى البيت او لزوجها مثلا معقول صح
او يمكن يكون قسم الراقصات المحجبات علشان الخيم الرمضانيه ممكن بردو معقول ولا ايه

**Lord_Fouad** · 06-07-2009 08:42 AM

المشاركة الأصلية كتبت بواسطة EL_3OMDA

او يمكن يكون قسم الراقصات المحجبات علشان الخيم الرمضانيه ممكن بردو معقول ولا ايه

جاااااااااااااااااااامدة جدااااااااااااااااااااااا ااا

**D . a .\ AYMAN** · 06-07-2009 02:54 PM

المشاركة الأصلية كتبت بواسطة iceheartedgirl

* وليه متتخيلوش إن معهد الرقص ده ممكن يكون فيه قسم للمحجبات مثلا يتعلموا فيه زي مابيتعلموا

الخياطة في أي معهد تاني؟!
:d

المشاركة الأصلية كتبت بواسطة el_3omda

لا حضرتك اكيد المحجبات مش هترقص يعنى هتبقى هوايه للتنفيث عن النفس فى البيت او لزوجها مثلا معقول صح
او يمكن يكون قسم الراقصات المحجبات علشان الخيم الرمضانيه ممكن بردو معقول ولا ايه

لأ هو اللى أكيد إن المحجبات هايبقى ليهم قسم خاص في كل ملهى ليلي للى عايز يشوف ويتفرج على رقص .... محترم

-----------

حسبى الله لا إله إلا هو عليه توكلت وهو رب العرش العظيم

------------------------------

**aif** · 06-07-2009 04:00 PM

انا ليا رأي مختلف شوية
الحكومة عامة ووزارة التربية والتعليم خاصة ....دائما ما يرتبط وجودهم بالفشل الاداري والبيروقراطية وتدني مستوى الخدمات التي يقدمونها ... والدليل كوارث الثانوية العامية ومورجيحة سنة سادسة ابتدائي التي لا تستقر على حال زي مراجيح مولد الطشطوشي اللي ف باب الشعرية ...
..
وبما ان المعاهد دي ح تكون تحت اشراف الوزارة الموقرة .... يبقى اكيد الرقص الشرقي ح يبوظ ومستواه ح تهبط بشدة ....
يبقى كدة القرار ده في صالح القيم والاخلاق الحميدة لأنه سيؤدي الي تدمير وبوظان الرقص الشرقي
....
شوفتم بقى انكم دايما ظالمين الحكومة ......

**seaman** · 06-07-2009 04:18 PM

وعلى كده فى درجات عليا ولا لا.. ماجستير ودكتوراه يعنى..

**TheInfernal** · 06-07-2009 05:49 PM

و يكتبوا في البطاقة لما تتخرج:

الوظيفة: راقصة شرقية

**D . a .\ AYMAN** · 07-07-2009 02:03 AM

المشاركة الأصلية كتبت بواسطة aif

انا ليا رأي مختلف شوية
الحكومة عامة ووزارة التربية والتعليم خاصة ....دائما ما يرتبط وجودهم بالفشل الاداري والبيروقراطية وتدني مستوى الخدمات التي يقدمونها ... والدليل كوارث الثانوية العامية ومورجيحة سنة سادسة ابتدائي التي لا تستقر على حال زي مراجيح مولد الطشطوشي اللي ف باب الشعرية ...
..
وبما ان المعاهد دي ح تكون تحت اشراف الوزارة الموقرة .... يبقى اكيد الرقص الشرقي ح يبوظ ومستواه ح تهبط بشدة ....
يبقى كدة القرار ده في صالح القيم والاخلاق الحميدة لأنه سيؤدي الي تدمير وبوظان الرقص الشرقي
....
شوفتم بقى انكم دايما ظالمين الحكومة ......

حلوة موت الفكرة دي .... طب ولو على حظنا جم في دي بالذات واتعدلوا وظبطوها صح هانعمل إيه بقى