الموضوع: رخصة القيادة ... من نايل موتورز..!!!

فكرة ممتازة عاوزين المتخصصين يدرسوا الموضوع بعناية ودقة و نشوف البداية هتكون ازى واكيد المشروع ده عشان يشوف النور هيحتاج وقت ممكن يكون طويل نسبياً ومجهود كبير بس كله يهون في سبيل قيادة امنه والحفاظ على ارواح وممتلكات كل الناس و بالتوفيق

أحيي حضرتك على فكرك الرائع ..
بش المشكلة هي جذب الناس للمشاركة في الدورة التعليمية دي ..
و لا أظن أن حكاية الرخصة المعتمدة من نايل موتورز هتكون رسمية ..

هو مشروع ممتاز بس فيه مشكلة

دلوقتى لما يتم المشروع ويعلم الناس السواقة المحترمة وبعدين حينزل الشارع حيجد نفسه انه بيحتك مع سائقى الميكروباسات والتريلات والتكاسى والحناطير وكمان التوك توك وكل دول ملهمش فى السواقة من اساسه فالمتعلم دا لازم حيسلك نفسه باى طريقه عشان يقدر يتعامل معاهم فسيجد نفسه تدريجيا يتنازل عن ما تعلمه عشان يقدر يتعايش معاهم

والحل
انه يكون فيه قانون موازى وسارى ويطبق بفاعلية ويكون هدفه فعلا تحقيق الامان على الطريق وليس سبوبه للظابط والامين وغيرهم

المشاركة الأصلية كتبت بواسطة ainshouka

هو مشروع ممتاز بس فيه مشكلة

دلوقتى لما يتم المشروع ويعلم الناس السواقة المحترمة وبعدين حينزل الشارع حيجد نفسه انه بيحتك مع سائقى الميكروباسات والتريلات والتكاسى والحناطير وكمان التوك توك وكل دول ملهمش فى السواقة من اساسه فالمتعلم دا لازم حيسلك نفسه باى طريقه عشان يقدر يتعامل معاهم فسيجد نفسه تدريجيا يتنازل عن ما تعلمه عشان يقدر يتعايش معاهم

والحل
انه يكون فيه قانون موازى وسارى ويطبق بفاعلية ويكون هدفه فعلا تحقيق الامان على الطريق وليس سبوبه للظابط والامين وغيرهم

مش المرور اللي هايخلينا نسوق كويس
الحمد لله ربنا اكرمني في موضوع السواقة ده بإني بشتغل في شركة خدمات بترولية اجنبية خارج مصر (حاليا سلطنة عمان) وعشان تسوق عربيات الشركة لازم تاخد كورس يسمى ب(القيادة الوقائية defensive driving) تحت إشراف مدربين بريطانيين وبيدولك رخصة بعد اختبار كتابي وعملي بالقيادة في الشوارع والإختبار دا صعب جدا ويتم تجديد الإختبار دا كل سنتين ومش كل الناس بتنجح فيه
ولتعريف الناس بمصطلح القيادة الوقائية، هو فن القايدة بسلام مع تجنب الوقوع في اخطاء القيادة بجانب تجنب اخطاء الغير مع استخدام نمط القيادة الملائم للطريق والجو والمستخدمين الأخرين للطريق

مفيش حادث (بإذن الله) لا يمكن تلافيه
بكررها مرة تانية مفيش حادث (بإذن الله) لا يمكن تلافيه
لو بتتوقع اخطاء الغير هايكون مفيش حاجة بالنسبة ليك مفاجأة وهانلغي الكلمة دي من القاموس الشهير للحوادث (فجأة)
الحمد لله بيعلمونا ازاي نتجنب الحوادث وفعلا طريقة سواقتي اتغيرت جدا بعد الكورسات دي

و باختلف مع حضرتك في موضوع التنازل ده لأني باجي مصر في الأجازات وبمشي بالطريقة اللي بسوق بيها سواء في بريطانيا او امريكا او دول الخليج والحمد لله مفيش حد فرض عليا اني اكسر اشارة او اخد غرزة او امشي عكسي او امشي اسرع من السرعة المقررة التنازل اللي ممكن تعمله انك تكبر دماغك عن المهاترات مع المجانين اللي عاوزين يعدوك او اللي يشدو معاك او يكسروا عليك
حاول تفسحلهم مجال انهم يبعدوا عنك بطريقة امنة ووقائية


المهم محاولة مني اني اساهم في المشروع ده
انا اخدت نسخة من المدرب الإنجليزي من الكورس اللي بيشرحهولنا
وانشاء الله اكون في مصر خلال اسبوعين لو اي حد عاوز النسخة دي. ولو النسخة دي حازت الإعجاب ممكن تكون نواة للكورس اللي هايكون في معهد نايل موتورز لتعليم القيادة (الوقائية)
وشكرا للأستاذ موحا موحا على الفكرة الرائعة

فكرة ممتازة طبعاً وموضوع حضرتك -كالعادة- رائع جزاك الله كل خير
أعتقد إن جزء كبير من مشاكل القيادة في مصر سببه عدم وجود مدارس محترمة لتعليم القيادة، انا شخصيا عانيت من هذه المشكلة لما كنت عاوز اتعلم السواقة حيث اشتركت بمدرسة المرور على افتراض انها المفروض هاتعلمني السواقة زي الكتاب ما بيقول وجاءت النتيجة مخيبة للأمال، فقلت اجرب مدرسة من المدارس الخاصة المنتشرة بالقاهرة ولكن النتيجة لم تكن مرضية أيضاً
لذلك اعتقد ان نايل موتورز بخبرات أعضائه الكبيرة ومعلوماتهم قادر على تأسيس مدرسة رائدة لتعليم القيادة -وأعتقد إن هو ده الشكل اللي ممكن تخرج بيه الفكرة للنور- وتبقى من ضمن خدماتها التعليم النظري والعملي وأيضاً خدمة الاختبار والتقييم لمن يرغب في تقييم أداؤه ومنحه رخصة "[OVERLINE]نايل موتورز[/OVERLINE]"
انا مهندس مدني بالأساس يعني دارس هندسة طرق ومرور -بس من زمان شوية!!- وحالياً اعمل بمجال نظم المعلومات الجغرافية مش عارف ممكن أساعد ازاي، صحيح مش خبير في السواقة والمسائل الفنية بس نفسي أشارك معاكم بأي مجهود

المشروع فكرته رائعة و بالتأكيد فرضا أنه خرج للنور فى مصر و بدأ تنفيذه يجن أن نؤمن أن نتائجه لن تكون ملموسة من أول يوم فى إطار العشوائية التى اجتاحت سلوك الشعب و القائمين على تنظيم المرمر و الطرق. أى أن المشروع لن تظهر فوائده إلا بعد خمس إلى عشر سنوات ، و لكن يجن أن تتم عدة إجراءات بالتوازى مع المشروع منها:

• تخطيط الشوارع الرئيسية و الفرعية (خطوط تقسيم الحارات و التجاوز و المشاه فى كل شوارع البلد)
• زيادة استخدام اشارات المرور الرقمية
• نشر الوعى المرورى بين الجيل الجديد فى المدارس
• اشراك الداخلية فى هذا المشروع (إدارة العلاقات العامة)
• استخدام الدوريات الصديقة لارشاد المشاه و السائقين

و ممكن أن نأخذ تجارب من سبقونا من الدول العربية المتقدمة عنا بمراحل، فمثلا فى الامارات توزع cd عيها ارشادات لقواعد القيادة الآمنة و كيفية التعامل مع الظروف المختلفة للطريق و معرفة معنى الخطوط و الآشارات و العلامات المرورية و كيفية استخدام اشارات السيارة و أنوارها و المرايا و المفاجئة أن هذا كله باستخدام مادة فيلمية تعليمية باستخدام برنامج فلاش و بالفعل شيق جدا و مفيد إلى أقصى درجة، و مع نهاية كل جزء توجد اسئلة تقييم فهم المتقدم للإختبار للتعليمات.

أنا عندى هذه ال cd و لكن لا أعتقد أنى أقدر أنشرها احتراما لحقوق الملكية الفكرية،و لكن الفكرة ممكن تطويرها كما يلى:

بما أن فى هذه الأيام يعقد مؤتمر عن "نزيف الأسفلت" و وجود حملة كبيرة تمتد على مدى 18 أسبوع أو شهر _غير متأكد- ممكن أن نتصل بالقائمين على هذا المؤتمر و نقدم اقتراحتنا و نعرض عليهم الcd .

ماذا ترون ؟ هل من اقتراحات أخرى؟ و إضافات؟