الموضوع: حادث:وفاة سائق تجارب بورش اثناء تجربة الموديل الجديد من

السرعةالزيادة عن الحد خطر جدا جدا واكيد دة كان ماشى فوق ال200 كليو اقل حاجة عشان كدة راح ومرجعش

خلاص انا و اخد قراري مفيش سرعه فوق 120 كأقصي حد يمكن الوصول اليه و ده طبعا في السفر و ربنا يستر

المشاركة الأصلية كتبت بواسطة jisso82

مش لازم نستغرب لأن دى أعمار و الموت مش لازمله أسباب منطقية و فى الغالب ربنا بيحب دايما يذكرنا بأن الموت ما بيجيش عشان سبب معين أو تقصير من الإنسان فى حاجة و أكتر ناس بتموت غرقانة هما السباحين

لا يا باشا الموت له أسباب ........
و من أهم أسباب الموت في السيارات هي حوادث السيارات
و من أهم أسباب حوادث السيارات هي السرعة الزائدة و الرعونة في القيادة اللي بتميز بيها الشعب المُبجل اللي هو الشعب المصري .... شعب دولة من العالم الثالث بإمتياز .

الأسباب شئ ......... و التهور شئ ....... و الأيمان بالقدر شئ تاني .

من أكتر ما تسمع من أكتر سواقين مصر بعد تجربة قيادة متخلفة فوضاوية سريعة أنه يقولك

محدش بيموت ناقص عُمر و التفسيرات الخاطئة للقرآن و الفهم الخاطئ لمعنى كلمة قدر .

و إلا كان كل واحد حط نفسه تحت القطار و قالك مش هاموت إلا إذا كان ربنا رايد أن أموت !!!!!!!!!!!!!!!


بلاش يا جماعة الكلام ده اللي بيشجع الناس تفكر بغباء في السواقة و تقول محدش بيموت ناقص عُمر .
لأن الأنتحار له أشكال كثيرة
و التهور و الرعونة هو شكل من أشكال الأنتحار الغير مقصود .....

ربنا يهدينا جميعا و يغفر لنا .

ممكن أقول مثال ....... نسيته أنا آسف

نسبة الحوادث في دولة زي أنجلترا من أقل نسب الحوادث في العالم أجمع !!!!
و نسب الحوادث في مصر و السعودية مثلا من أعلى نسب الحوادث في العالم أجميع !!!!

طيب هل بتوع أنجلترا ....... قدرهم ما يموتوش في حوادث و قدرنا أحنا اللي نموت في حوادث ؟

طبعا لاءة ........

أنجلترا أعلى سرعة فيها ( و بيتم تطبيقها ) هي 110 كم - س على الطرق الحُرة اللي مش موجودة في مصر .
و الطرق السريعة هي من 80 إلى 90 كم - س
و المدن الداخلية من 35 إلى 45 كم - س حسب المنطقة ووجودة مدارس ..... الخ .

نيجي بقى لمصر و السعودية ......
أولا مفيش حد للسرعة على أرض الواقع ..........
و الكل ماشي بمزاجه و ياريتها بتيجي على السرعة و بس ده كمان كل واحد عاملي فيها على حلبة سباق و ماشي غرز و أخر قلة أدب ...... بجد أخر قلة أدب ....... و تخطي و لا اخطر منه و حشر العربية في كل سم مربع على الطريق و الكل فاكر نفسه بيلعب أتاري .
و في النهاية نسبة حوادث رهيبة .......... و عدد أموات رهيب ......... و عاهات رهيبة و خسارة مادية رهيبة ........

من شروط الايمان التوكل و عدم التواكل ........ و التوكل هو الأخذ بالأسباب و الأيمان أن كل شئ في يد المولى عز و جل ....... و لكن يجب الأخذ بالأسباب .
لذلك نسبة الحوادث في أنجلترا أقل من نسب الحوادث في العالم أجمع .
و السعودية و مصر من أكثر نسب الحوادث في العالم أجمع
علشان هما أخذوا بالأسباب ...............

و أحنا ......... تواكلنا .......... و تخلفنا عن ركب الحضارة و بنقتل نفسنا بأيدينا و بنعقد حياتنا بأيدينا ..........

و الموضوع كبير قوي ........