ح يعرف يروح الحرفيين منيين؟؟؟
و يا ريت لو موقعها على جوجل إيرث..
أنا من سكان المهندسين
عرض للطباعة
ح يعرف يروح الحرفيين منيين؟؟؟
و يا ريت لو موقعها على جوجل إيرث..
أنا من سكان المهندسين
متابع بأهتمام
مدام انت من المهندسين يبقي في طريقين
أولا اطلع كوبري اكتوبر لحد مدينه نصر وانزل النزله بتاعت المنصه (الشمال)
وخد طريق النصر لأخره هتلاقي كوبري الكيلو 4.5 اطلع وكمل زي ما انت
لحد ماتلاقي الطريق بقي اجباري يمين كمل زي ما انت واوعي تطلع الكوبري هتفضل ماشي جنب شريط الترام (هيكون علي شمالك)
تفضل ماشي لحد ماتلاقي الطريق اجباري يمين هتكمل يمين زي ما انت جنب سور المطار (هيكون علي يمينك)
هتفضل ماشي لحد مايقابلك كوبري
ماتطلعوش وهتنزل من تحتيه شمال هتلاقي نفسك بتعدي فوق مزلقان ومن بعد كده هتطلع علي الشارع الرئيسي (اللي هو جسر السويس) هتروح لافف وراجع تاني وداخل اول دخله يمين في اول يمين ومع الطريق وانت كده بقيت في الحرفيين
بس نصيحه مني اول ما تعدي المزلقان أسأل علي الطريق علشان هي كام لفه ورا بعد هتلاقي نفسك توهت علشان بتكون زحمه شويه
تاني طريق :
هتطلع اكتوبر باردو بس هتنزل نزله طريق العروبه (صلاح سالم )
وتفضل ماشي فيه وهتطلع كوبري وهتنزل نفق
وفي الأخر هتلاقي كوبري المطار اطلعه وانزل اول نزله شمال (خلي بالك الملف بتاعها رخم قوي ماتجريش)
لما هتنزل هتلاقي نفسك جنب سور المطار (هيكون علي يمينك)
وهتفضل ماشي لحد مايقابلك كوبري ماتطلعوش وخليك من تحت من عند المزلقان وأسأل بقي زي ما قلتلك
وتم اضافه صوره كيفيه التحرك بعد المزلقان
انا ممكن اوصفلك من مدينة نصر
او لو تيجى من المهندسين من كوبرى اكتوبر وتنزل نزلة الاوتوستراد (المنصة) هتفضل ماشى فى شارع المنصة على طول
هتعدى رابعة و عباس العقاد و مكرم عبيد كل ده على يمينك آخر حاجة هيبقى النادى الاهلى كمل سيادتك على طول لحد متلاقى كوبرى على الشمال هتطلع الكوبرى هينزلك على مساكن شيراتون كمل فى الطريق على طول وبعد كدة هيبقى يمين اجبارى هتلاقى تفرعات شوارع على يمينك ومطلع كوبرى كمل زى مانت على طول و هيبقى على شمالك شريط مترو بعد كدة ادخل يمين امشى فى الشارع ده على طول هيبقى على يمينك فى الشارع ده المطار من بعيد والطائرات باينة هتلاقى كوبرى مش هتطلعه هتلف من تحته و ترجع فى مبنى التوحيد والنور هيبقى على يمينك الحته دى زحمة دايما و تدخل اول يمين فى يمين كمان فى شمال هتلاقى الحرفيين فى الوش والمسجد الى بالطوب الاحمر وفى ورش على الشمال
(وصفة طويلة و تتوه بس انشاء الله توصل ممكن حد من الاعضاء يوصفلك اسهل من كدة)
للاسف مش هفيدك فى جوجل ايرث
شكرا ليكو جميعا ...
ألف شكر بجد
محمد بيه عزت وصفك اكتر من رائع انا كنت عايز اعرف الحرفيين دي فين ربنا يبعدنا عنهم بس من باب الاحتياط ربنا يجازيك خير
المسافة من المهندسين للحرفيين عن طريق هذا الوصف الدقيق المذكور من الإخوة الأعزاء حوالي 35 كم
المسافة من المهندسين عبر الطريق الدائري حتى الحرفيين نفس المسافة بالضبط 32 كم من مطلع ميدان لبنان حتى مخرج مدينة السلام ، وحوالي ثلاثة كم حتى الحرفيين ..
أنا شايف الأصلح تطلع الدائري من ميدان لبنان (أول طلعة يمين ) وطوالي حتى مخرج مدينة السلام ..
ثم الخروج في اتجاه مصر الجديدة (إجباري ) لحد ما تلاقي بنزينة شل على يمينك .. تحضن يمين ، وأول ما تشوف كوبري الهايكستب خش أي يمين من تحته .. أنت في قلب الحرفيين تماماً بدون لف ولا دوران ..
وتوصل بالسلامة .. وخالص تقديري لجميع الإخوة المشاركين بالموضوع