الموضوع: سوق يطالب ببضاعة بشراهة ومنتجون لا يهتمون به ويشكون الكساد

انت جيت عالجرح فعلا تخيل انى لهذا السبب كرهت فكرة شراء الملابس
واكتر حاجة اكرهها فى حياتى موضوع الترقيع او تكمله الملابس

وكل ما تروح تتفرج وتقولهم دى مش ملابس محجبات يقولوا البسى تحتيها بادى

بس انا الحمد لله لسة عند موقفى لحد دلوقتى ومش بشترى غير الملابس اللى اساسا بكم طويل حتى لو ادى ذلك انى اقعد فترة ماشتريش
لدرجة انى لفيت اكتر من شهرين عشان اشترى فستان سواريه البسه فى فرح اخويا لانى كنت مصرة يكون فستان سواريه بكم ومصمم اساسا للمحجبات ورفضت موضوع الترقيع ده

ومع الاسف مش بحب لبس العبايات وهو غير عملى بالنسبة ليا

ممكن يكونوا بيعملوا كده عشان يوفروا فلوس بانهم يوفروا فى القماش

ويزودوا الربح باننا مضطرين نشترى اكتر من قطعة عشان نكمل طقم واحد
بس الحل ايه فى المشكلة دى
لازم يهتموا شوية ويصمموا ملابس تلائم المحجبات
افتكر وانا صغيرة الملابس كانت افضل بكتير وكنت تتفرج عالمحلات تلاقى التايير والفستان الانيق دلوقتى كله كاجوال حاجة بقت تخنق

المشاركة الأصلية كتبت بواسطة elpasha009

أولا أعتقد الموضوع ده مش معمول عشان نقول حلال وحرام.

تاني حاجة ده إسمه علم حضرتك ولا حياء في العلم ولا حياء في الدين.

تالت حاجة محدش قال إنهم بيعملوا تصميمات علشان تنفذ في الحقيقية ده مجرد تصميمات للتدريب وعلشان يتعلموا قواعد التصميم ليس إلا.وإلا كانت الكلية ده بقى حرام وكلية الطب حرام وكلية العلوم حرام وكلية مش عارف إيه حرام......... وهلم جره بقى.

رابعا أنا كتبت الموضوع علشان أقول إن نفسي إنهم يستغلوا الطلبة في تصميمات تليق بالمجتمع وتنفذ في الحقيقة بحكم علاقة الكلية بأغلب المصانع الموجودة في البلد بدل مبيعملوا تصميمات خيالية لمجرد أخذ درجات فقط لا غير.

ردي على مداخلة حضرتك

أولا: الحرام و الحلال دول جزء لا يتجزأ من حياتنا ما ينفعش نقول ماتدخلهمش في دي او دي

ثانيا: مقولة لا حياء في العلم و لا حياء في الدين دي لا صحة لها

و اقرأ هنا الفتوى

http://islamqa.com/ar/ref/12370/

و لو العلم هو تصميم ملابس عارية يبقى علم لا ينفغ

و النبي صلى الله عليه و سلم كان يدعو "اللهم إني أعوذ بك من علم لا ينفع" و ده دعاء من السنة النبوية الشريفة


ثالثا: انا مش شايف علاقة التصميمات بان طب و علوم يبقوا حرام الصراحة

انا اللي شايفه ان تصميم تصميمات زي دي لو اتنفذ صاحب التصميم هياخذ وزر كل من لبسته


رابعا: مفيش تعارض بين غرض حضرتك من الموضوع و ردي علي المشاركة ....... انا قلت الموضوع من باب النصح فقط لا غير و اللهم بلغت اللهم فاشهد




خامسا و دي من عندي ...... اني احبكم جميعا في الله ....... بلاش تاخد كلامي بحساسية الله يخليك ..... و لو انا غلطان صححني و مش هازعل ......