سوق يطالب ببضاعة بشراهة ومنتجون لا يهتمون به ويشكون الكساد

**نور القمر** · 02-07-2009 05:07 PM

نفس المشكلة واجهتني يا بسكوتة في فرح اختي نزلت 3 مرات ومش لاقيه حاجة محتشمة وشيك في نفس الوقت
حتى لما سافرنا المنيا لفيت يوم الحنة هناك وفي الاخر لبست طقم قديم
بس السواريهات مش مشكلة كبيرة يعني لان كل فين وفين لما تيجي مناسبة
لكن الملابس اليومية العادية هي اللي بقت مشكلة بجد
حتى الخامات وحشة جدا يا اما الاقمشة اللي عاملة زي اقمشة التبشرتات يا اما اقمشة لا تصلح الا كبدل رقص
والمشكلة دي اكبر واكبر مع البنات او السيدات اللي بيعانوا من السمنة

واعتقد فعلا هم قاصدين ينتجوا ملابس بدون كم وقصيرة علشان نضطر نشتري اكثر من قطعه
واي طقم دلوقت بيتكون على الاقل من 2 ايشارب+ شميز + بودي او معصم+ جيبة او بنطلون دي غير الشنطة والصبو

**هيثم** · 02-07-2009 05:18 PM

المشاركة الأصلية كتبت بواسطة نور القمر

واي طقم دلوقت بيتكون على الاقل من 2 ايشارب+ شميز + بودي او معصم+ جيبة او بنطلون دي غير الشنطة والصبو

بتتعبو يا جماعه والله
والله انتو صعبانين عليا
ايه ده كله
حاجات كتير اوى

الحمد لله الذى خلقنا رجالا

**elpasha009** · 02-07-2009 05:31 PM

أنا مش هرد على حضرتك غير في الجزء اللي يخصني علشان ميتحولش الموضوع عن هدفه الأساسي وندخل في جدالات لا فائدة منها.
حضرتك بتقول (انا قلت الموضوع من باب النصح فقط لا غير و اللهم بلغت اللهم فاشهد) وكمان (خامسا و دي من عندي ...... اني احبكم جميعا في الله ....... بلاش تاخد كلامي بحساسية الله يخليك ..... و لو انا غلطان صححني و مش هازعل ......)

أنا رديت عليك في البداية خالص علشان معجبنتيش طريقة النصيحة بتاعت حضرتك ( يا ريت تقول لها ان كل تصميم عريان او مكشوف بتعمله بتاخذ وزر كل واحدة اشترته و لبسته و كل واحد بص لها و هي لابساه معاهم )

معلش في كلامي بس حضرتك لما تعوز تتكلم أو تنصح إنصحني أنا ووجه كلامك ليا مباشرة بطريقة ألطف من كده ياريت أو حتى بنفس الطريقة.حضرتك لا تعرفها ولا تعرفني علشان تتكلم معانا بطريقة (قولها) وأنا لما أقتنع بالنصيحة أبقى أقنع بيها من هم مسؤليين مني.

**sab3aawy** · 02-07-2009 06:08 PM

المشاركة الأصلية كتبت بواسطة elpasha009

أنا مش هرد على حضرتك غير في الجزء اللي يخصني علشان ميتحولش الموضوع عن هدفه الأساسي وندخل في جدالات لا فائدة منها..

هذا ما اتمناه فعلا، الا يتحول الموضوع عن هدفه، وما زلت اذكر الجميع اننا هنا بصدد مناقشة عدم وجود ازياء مناسبة لمن اخترن الحجاب ، واشكرالجميع لتفهمهم

**MTAK** · 02-07-2009 07:05 PM

المشاركة الأصلية كتبت بواسطة AK1981

لا هما مش زي الورد

هما زي البنات و انت الصادق

انا ما قلتش انهم زى الورد

انا قولت انهم زى الوردة

و المعنى فى بطن الشاعر

**أحمد كمال** · 02-07-2009 08:30 PM

المشاركة الأصلية كتبت بواسطة elpasha009

أنا مش هرد على حضرتك غير في الجزء اللي يخصني علشان ميتحولش الموضوع عن هدفه الأساسي وندخل في جدالات لا فائدة منها.
حضرتك بتقول (انا قلت الموضوع من باب النصح فقط لا غير و اللهم بلغت اللهم فاشهد) وكمان (خامسا و دي من عندي ...... اني احبكم جميعا في الله ....... بلاش تاخد كلامي بحساسية الله يخليك ..... و لو انا غلطان صححني و مش هازعل ......)

أنا رديت عليك في البداية خالص علشان معجبنتيش طريقة النصيحة بتاعت حضرتك ( يا ريت تقول لها ان كل تصميم عريان او مكشوف بتعمله بتاخذ وزر كل واحدة اشترته و لبسته و كل واحد بص لها و هي لابساه معاهم )

معلش في كلامي بس حضرتك لما تعوز تتكلم أو تنصح إنصحني أنا ووجه كلامك ليا مباشرة بطريقة ألطف من كده ياريت أو حتى بنفس الطريقة.حضرتك لا تعرفها ولا تعرفني علشان تتكلم معانا بطريقة (قولها) وأنا لما أقتنع بالنصيحة أبقى أقنع بيها من هم مسؤليين مني.

و حضرتك شايف اني أسأت لحضرتك او لخطيبة حضرتك في ايه؟؟؟؟؟؟

راجع اللي انا قلته و لو لقيت اساءة انا اول واحد بيطلب من الادارة اتخاذ اللازم بشأني

حضرتك بتقول انصحني انا و وجه كلامك ليا مباشرة .......... هو "قول لها" معناها اني باوجه كلام لحضرتك و لا لحد تاني؟ ماهو اكيد لحضرتك ..... و انا اصلا ما رحتش وجهت كلام لحد تاني لاني ماعرفش حضرتك و لا خطيبة حضرتك و لا هي معانا هنا في المنتدى عشان اكون وجهت الكلام لها ......

بالنسبة للاقتناع بالنصيحة من عدمه او توصيلك للنصيحة من عدمه فده - مع احترامي التام - لا يخصني ...... اللهم بلغت اللهم فاشهد ..... . و انا لم ارد بالنصيحة غير مرضاة الله .....

سيدي الفاضل

احنا هنا في منتدى يعني مجتمع افتراضي يعني الناس بشكل كبير ما تعرفش بعضها زي الحياة الواقعية

فأكيد أي حوار بين أي اتنين بالغين ما يعرفوش بعض هو اولا و اخيرا حوار هادف و بناء

و الحمد لله ده منتدى سيارات يعني كلنا بالغين عالاقل 18 سنة يعني مخنا كبير

مفيش داعي ناخد كلام بعض بحساسيات ...... انا قلت لك نصيحة لوجه الله في حكم شرعي من احكام الله ...... مفيش داعي اننا نجادل بالباطل فيما شرعه الله لمجرد ان النصيحة مش عاجباك ...... و مفيش داعي لشخصنة الحوار و الهجوم الشخصي و انا اصلا رسالتي الاولانية و ردي على ردك الأول ماكانوش فيهم اي هجوم شخصي على حد

كل اللي عملته اني قلت شوية Facts و دعمتها بالأدلة

ارجو منك اننا نقفل الحوار في النقطة دي و نسيب ال Thread يستمر في غرضه الأساسي

**M.Osman** · 02-07-2009 08:59 PM

أنا بخش محل الجينز أقول للبايع "عايز جينز مش dirty ولا used ولا washed ولا مرقع ولا برسومات ولا بترتر".
زي ما بقوللك كده، برصهملو.
يحط ايده على ذقته ويقول لي مفيش. اعدي على عشر محلات غيرة لغاية ما الاقي واحد مناسب.

انا بدوووووخ زيك بالظبط...
والله بقت حاجة تقرف ... انا بجد بستغرب اوي من "العيال" اللي بيلبسوا الجينزات دي .. شكلها مقرف..
واضح ان الذوق العام متجه إتجاه مهبب!! (سواء رجال او سيدات)

**Karim_Monir** · 03-07-2009 02:47 AM

والله يا خالد هو فيه محلات
بس غالبا مكلفة
ومكلفة جدا
اكتر من الطبقة المتوسطة
بتلاقي فيها الاحتشام مع الذوق مع الخامات الجيدة
بس للاسف غالية
وللاسف علينا احنا مش عليهم
طبعا انا مابقتش الجألهم غير لما كعوبي اتكسرت من كتر المشي الي انا بكره اصلا
وتبقي مضطر انك في طقمين بمشتملاتهم مع الاللاقتصاد النسبي تدفع مرتب شهر كامل

-

الموضوع: سوق يطالب ببضاعة بشراهة ومنتجون لا يهتمون به ويشكون الكساد

LinkBack

أدوات الموضوع

عرض

-

-

-

-

-

المواضيع المتشابهه

كورسا 2005 بتاكل بنزين بشراهة

اغيثوني النوبيرا بتاكل بنزين بشراهة

هل هي بالفعل حمله أما أنها هيصة مع الكساد الطبيعي في كل السلع

الكلمات الدلالية لهذا الموضوع

المفضلات

المفضلات

ضوابط المشاركة