الموضوع: سوق يطالب ببضاعة بشراهة ومنتجون لا يهتمون به ويشكون الكساد

اختلف معك فى التفسير....... انت هنا تحاول "عقلنة" ما تراه من ظواهر و تحاول تفسيرها بقرائن و معلومات تستمدها من مشاهداتك للواقع من حولك....... لكن التفسير الذى اراه ابسط من ذلك بكثير..... و يتماشى تماما مع الطبيعة الانثوية....... الفكرة ببساطة هى فكرة ال reveal & conceal اى الاظهار و الاخفاء(وهو بالمناسبة اسم كتاب اصدرته مطبعة الجامعة الامريكية قام بعمل مسح لازياء المصريين فى كافة ارجاء مصر، اصدار منتصف تسعينات القرن الماضى)........ هذه الفكرة عموما معناها ببساطة هو رغبة حواء (تحوطا، ايا كانت جنسيتها)فى لفت الانظار الى ما ترتديه من خلال الشد و الجذب بين ما تظهره و ما تخفيه من مساحات جسدية........ لكن لان الحجاب يفرض ان يتم تغطية الجسد بالكامل لذلك تم الموائمة بين هذا المتطلب و بين فكرة الاظهار و الاخفاء السابق ذكرها عن طريق تلك الطبقات التى تقصر احداها عن الاخرى فما تكاد احداها الخارجية القصيرة تنتهى حتى تجد ما خلفها (ما يسمى بالبادى) يمثل الطبقة الخلفية الطويلة التى تمتد لتستكمل تغطية الجسد....... وهكذا اذا دققت فى التفاصيل ستجد تنويعات كثيرة لكن على نفس الفكرة و تأخذ مسميات مختلفة (بلورو ذو اكمام قصيرة ومن تحته بادى يمتد ليغطى بقية الاكتاف و الاذرع، وهكذا......)........ اذن الفكرة ليست فى العرض و الطلب بقدر ما هى الطبيعة الانثوية التى ترغب فى الموائمة بين الاحتشام الذى يفرضه الحجاب و بين رغبة حواء الدائمة و الابدية فى التزين و ان تبدو جميلة، والملابس احدى اهم ادوات اظهار ذلك.......

المشاركة الأصلية كتبت بواسطة sab3aawy

ربما ان لرؤيتك نصيب من الصحة فيما يتعلق بالبعض من الفتيات والسيدات، لكن الشق الآخر من الموضوع انه بالفعل لا يوجد فى السوق ملابس مناسبة للبعض الآخر اللى انا طرحت مشكلته لأن انا بالفعل بشوف المشكلة دى بشكل موسمى مع معاناه زوجتى وشقيقتى وكل الفتيات والسيدات فى الوسط المحيط بى ممن تخطين تلك المرحلة ومع ذلك لاذلن فى سن شابة تتطلب ملابس بسيطة ومحتشمة وعملية وانيقة فى ذات الوقت، وهذة الفئة (فئة الفتاه العاملة والأم صغيرة السن فى مرحلة العشرينات والثلاثينات) بالفعل فئة ضخمة ولا تجد ما يناسبها

عندك حق 100 فى ال 100

السبب الحقيقي على ما اعتقد هو الجري وراء الموضه والتقليد الاعمى بدون التفكير في طلب السوق
انا عيشت في الامارت حوالي 10 سنين جيت ي اخر كام سنة مكنتش بعرف اشتري ملابس خروج من هناك لنفس الاسباب وكنت بشتري ملابسي من مصر في الاجازات بعد ما رجعت مصر لقيت نفس العدوى اتنقلت لمصر جربت موضوع التفصيل مرة واحدة وفشلت ومكررتهاش
يعني لو قلت لك اني علشان اجيب طقم ممكن انزل 4 مشاوير كل مرة الف في منطقة مختلفة وانا بصراحة مجنونة شرا لبس والموضوع بقه متعب جدا
مبقاش قدامي غير اني استسلم واختار انسب المعروض ومش بالضرورة اكون مقتنعة به 100 % واحيانا كتير بشتري لبس ومش بستخدمه لما اجربه في البيت واخد رأي المحيطين بيا عليه
اكتر حاجة بكرهها البوديهات خصوصا في الصيف اولا شكلها مش بيعجبني تحت الحمالات ثانيا تخنق لكن لا مفر ثالثا شايفه انها مش مناسبة الا للبنات في سن المراهقة
بالنسبة للعبايات سواء بمتاريس ودروع او عادية مفكرتش البسها ابدا غير مناسبة لي ومش عملية
وغير الملابس انا بتواجهني مشكله في الاحذيه بئالي سنتين تلاتة
كل الموجود بالسوق يا اما كعب عالي اوي يا اما فلات والكعب الوسط خلاص انقرض
والفلات له وقته في الاستخدام لكن مش مناسب في كل الاوقات ولا مع كل الملابس وبقيت مضطرة البس عالي مع اني طويلة وببقه ماشية عاملة زي النخلة

الرجالة والله مرتاحين جدا هو قميص او تيشرت وبنطلون ويغير في كام لون وخلاص لا فيه موديلات موضه ولا الوان موضه ونفس الوضع بالنسبة للاحذية

أنا هحكي قصة حصلت معايا بس مبدأيا أنا متفق مع سبعاوي في كل كلمة قالها ويمكن ده كان سبب سؤالي لي خطيبتي أول ما إتخطبنا ومازالنا على خلاف لحد النهاردة (هي بتدرس فنون تطبيقية قسم ملابس) وهو إن كل التصميمات اللي بيطلبوها منهم في الكلية بتكون حاجات قصيرة ومفتوحة ولا تناسب أبدا المجتمع اللي عايشيين فيه وكنت كل مرة أقولها ليه مش بتعملوا حاجات تناسب المجتمع مع العلم إن كل المعيدات والدكتورات اللي في الكلية محجبين ولبسهم كويس جدا.

المهم أقنعتها في يوم تعمل تصميمات تناسب المجتمع وراحت بيهم الكلية وكان يوم غريب:) اللي حصل إن كل التصميمات إترفضت منها وأخدت صفر في التقييم وقالولها فيما معناه يإما تتوبي من الحاجات ديه يا إما تقعدي في بيتكم:) طبعا مش بنفس الطريقة كده بس كان فيما معنى أحداث اليوم يعني.

شوفت تناقض أكتر من كده؟؟؟يعني بنات القسم كلهم محجبين وكمان المعيدات والدكتورات وكلهم عندهم نفس المشكلة ديه ومع ذلك برضه بيعلموا الطلبة تصميم الملابس الغير لائقة.

طيب يجماعة متستغلوا الفرصة الرهيبة ديه وتستغلوا طاقة الطلبة دول في تصميم ملابس مناسبة ممكن تعمل إنقلاب في عالم ملابس المحجبات في المنطقة كلها مش بس في مصر وكمان بحكم الكلية وعلاقتها بأغلب مصانع الملابس في مصر ممكن بجد يعملوا حاجات تحفة.
بس للأسف هنقول إيه!!!!حسبي الله ونعم الوكيل