دورة التبريد في الجين تو ت

**MuhammedSoliman** · 02-07-2009 10:41 AM

صباح الفل هتكلم دلوقتى على طرمبة الميه فى الجين تو بالصور ودور التبريد بتاعت الجين2 ببساطه او اي عربية تبريد ماء بيكون ليها نفس السستم تقريبا ولنقل الخبره والنقاش حولها

الأول أدى صورة دور التبريد فى السياره :

زي ما احنا شايفين المايه أو سائل التبريد بيطلع من الريدياتير عبر الكوعه إلى طرمبة الميه أو بمعنى اصح طرمبة الميه بتسحب الميه من الريدياتير إلى الماتور عشان تمشي فى مواسير رفيعه فى جسم الماتور عشان تبرده
وبعدين بترجع تانى على الريدياتير بعد ما بتعدى على التريموستات اللى بيقيس درجة الحاره وبيبان عندك فى أمبير الحرارة
فبالتالى لو فى اي عطل فى الطرمبه فمش حتسحب الميه من الريدياتير فالحراره تعلى طبعا
ده غير طبعا لو حصل تسرب ماء من أى حته أخري زي خرم فى الريدياتير او طبه فى الماتور أوغير ذلك
انا عارف ان ديه معلومات بدائيه بالنسبه لكم بس حبيت ابسط الموضوع
وديه صور العلبيه بتاعت الطرمبه اللى غيرتها

والغربيه إنى لقيت عليها صنع فى تايلند وهيه جينون بارتس يعنى مش ماليزى وده وارد

وديه طرمبة الميه القديمة للى طلعت من العربية
والاسود ده الأويسيل بتعها لإتمام الإحكام
والتاره الصغيره ديه ام تلات اخرام هيه اللى بيركب عليها من بره واللى بنشوفها التاره اللى عليها السير اللى بيمشي مع التكيف والدينمو وعامود الكرنك

وديه صورتها من جوه والمرحه اللى بتعمل رفع للميه من الريدياتور وتحتها بقا من جوه رمان بيلى وهو ده اللى فرط عندى فبالتالي المروحه ديه أفشت ووقفت الموتور لأنه مرتبط بسير مع المجموعه اللى قلنا عليها

فالطرمبه بتبوظ للأسباب:
1. اتخرمت من الطبه اللى موجوده فيها مثلا
2. الرومبيل فرط ( وده الشائع )
3. الأويسيل ضرب وبالتالى تسريب ( وفى الحاله ديه ممكن يتغير الأويسيل ده بس )

وفى الأخر تحياتى لييكم واتمنى إنى اكون أفدكم ونقلت التجربه ليكم ولو أى عضو عنده معلومه أو تصحيح معلومات ياريت يتفضل ويشارك

تحياتى

**Osama.shihata** · 02-07-2009 12:31 PM

شكرا لنقل التجربة د محمود سليمان
وربنا يباركلك فيها ويحفظهالك

**m.3abdel3al** · 02-07-2009 01:06 PM

الله يا دكتور ؟؟؟؟؟؟!!!!!!!!!!!!! دا ولا بتوع هندسة

**kloda** · 02-07-2009 07:22 PM

جامد اوي يا دكتور ميرسي علي الافادة الجميلة دي

**ahmad alshaaer** · 03-07-2009 07:29 AM

ربنا يجعلها اخر الاعطال يادكتور

تحياتي

**مصطفى_صديق** · 03-07-2009 11:59 AM

د . محمد
شرح جميل وسهل...وتجربة مفيده لينا كلنا
الجميل فى الموضوع ان حضرتك افتكرتنا وانت بتغير الطرمبة (وانت أكيد كنت مضايق من العطل والفلوس اللى هاتدفع وعطلة الوقت) وبدل ماترمى قطعة الغيار وميبقاش ليها أى لازمة أصبحت ذات قيمة كبيرة لينا كلنا و شئ جميل انى اشوفها وأخد فكرة عنها و ده هايشجعنا كلنا ان أى حد فينا يغير حاجة فى عربيته ينقل تجربته لباقى الزملاء للافادة
جزاك الله خيرا ...وجعله الله فى ميزان حسناتك
بالمناسبة...هو حضرتك دكتور فى ايه ؟
وتقبل تحياتى

**A. Ibrahim** · 03-07-2009 12:07 PM

تقرير هايل و الصور معبرة فعلا و ربنا ما يعدها تاني

**Ayman_52** · 03-07-2009 07:24 PM

التقرير رائـــع .... وفكره الطرح اكتر من مميزه

ربنا يباركلك فى العربيه يارب ... ويحفظهالك ... ويخفف زياراتك من عالتوكيل

تحيــــــــــــــــــــات ــنــا يا دكتـــور

**gagareen** · 03-07-2009 08:04 PM

الف شكر لحضرتك على نقل التجربه والشرح مع الصور
الحمد لله ان الموضوع اتحل ووقفت عند المضخه
بس استفسار لو تكرمت:
هل المضخه القديمه اللى كانت راكبه هى هى من نفس بلد المنشا والمصنع للمضخه الجديده ولا لأ؟
ايه الاسباب اللى تخلى رولمان البلى يفرط ؟هل ممكن تكون المياه تسربت ليه وحلت محل الشحم وبالتالى مع الوقت البلى يسخن ويفك من مكانه وهل كده يبقى فى مشكله من جلب عامود الدوران بتاع المروحه انها مع الوقت بتسرب مي ولا فيه سبب تانى

تحياتى لحضرتك

**MuhammedSoliman** · 03-07-2009 11:43 PM

المشاركة الأصلية كتبت بواسطة mohamed_3abdel3al

الله يا دكتور ؟؟؟؟؟؟!!!!!!!!!!!!! دا ولا بتوع هندسة

يابشا ده من ذوقك تسلملى

المشاركة الأصلية كتبت بواسطة kloda

جامد اوي يا دكتور ميرسي علي الافادة الجميلة دي

يا ريت بجد اكون افدتكم زي ما استفدت انا منكم كلكم تحياتى

المشاركة الأصلية كتبت بواسطة tweety26980

ربنا يجعلها اخر الاعطال يادكتور

تحياتي

شكرا يا باشا ويسمع منك ربنا تحياتى

المشاركة الأصلية كتبت بواسطة مصطفى_صديق

د . محمد
شرح جميل وسهل...وتجربة مفيده لينا كلنا
الجميل فى الموضوع ان حضرتك افتكرتنا وانت بتغير الطرمبة (وانت أكيد كنت مضايق من العطل والفلوس اللى هاتدفع وعطلة الوقت) وبدل ماترمى قطعة الغيار وميبقاش ليها أى لازمة أصبحت ذات قيمة كبيرة لينا كلنا و شئ جميل انى اشوفها وأخد فكرة عنها و ده هايشجعنا كلنا ان أى حد فينا يغير حاجة فى عربيته ينقل تجربته لباقى الزملاء للافادة
جزاك الله خيرا ...وجعله الله فى ميزان حسناتك
بالمناسبة...هو حضرتك دكتور فى ايه ؟
وتقبل تحياتى

والله يا استاذ مصطفى وقبل ما تطلع قلت لازم اخونا فى المنتدى يشوفوا الموضوع ده عشان يبقا عندهم خبره فى الموضوع وربنا يبارك لك يا رب على الدعوه الحلوه ديه وانا معايا دكتوراه الآداب - لغة عربية

المشاركة الأصلية كتبت بواسطة a. Ibrahim

تقرير هايل و الصور معبرة فعلا و ربنا ما يعدها تاني

شكرا يا ابو حميد ويارب ما تكرر تحياتى

المشاركة الأصلية كتبت بواسطة ayman_52

التقرير رائـــع .... وفكره الطرح اكتر من مميزه

ربنا يباركلك فى العربيه يارب ... ويحفظهالك ... ويخفف زياراتك من عالتوكيل

تحيــــــــــــــــــــات ــنــا يا دكتـــور

مون ده تقرير صغيره كده ما يجيش جنبك حتجه ياعم ويجعل كلمنا خفيف على التوكيل خالص مودتى

المشاركة الأصلية كتبت بواسطة gagareen

الف شكر لحضرتك على نقل التجربه والشرح مع الصور
الحمد لله ان الموضوع اتحل ووقفت عند المضخه
بس استفسار لو تكرمت:
هل المضخه القديمه اللى كانت راكبه هى هى من نفس بلد المنشا والمصنع للمضخه الجديده ولا لأ؟
ايه الاسباب اللى تخلى رولمان البلى يفرط ؟هل ممكن تكون المياه تسربت ليه وحلت محل الشحم وبالتالى مع الوقت البلى يسخن ويفك من مكانه وهل كده يبقى فى مشكله من جلب عامود الدوران بتاع المروحه انها مع الوقت بتسرب مي ولا فيه سبب تانى

تحياتى لحضرتك

جاجارين بص والله انا مش عارف الطرمبه الاصليه من تايلند زي الجديده ولا لأ ( مع إنى أرجح هذا) و إن شاء الله الصبح اشوف مكتوب عليها حاجه ولا لأ وارد على حضرتك ؟
بالنسبه لموضوع فرط الرومبيل ليه اكثر من سبب من ضمنها معا حراره وسرعه عاليه مسفات طويله واوقات كثيره تتسبب فى حل الشحم اللى فيه وتروح لزجته فيبدأ فى الاحتكاك بجدران الرومبيل فبالتالى مع كثرة الاحتكاك مجري الرومبيل يبدأ فى التآكل مما يجعل البلى يعطل بعضهة ويأرصوا على بعض فيفرط وده اللى حصل معايا مع ان من الممكن ان تكون الخامات اللى متصنع منها المعدن ضعيفه او رديئه

والسبب اللى حضرتك قلت عليه وارد بس صعب شويه لإن الموضوع محكم وفى زور كده يبعده عن الميه وفى الاغلب بيحصل من السبب الأول على حسب خبرتى وكمان فى ناس بتعمل حشو للطرمبه بأنها تغير الرومبيل لو الأكس والمروحه سلام .. بس بقى عمرها اقل طبعا

تحياتى وانا تحت امرك فى اي استفسالا اقدر اجاوب عليه

الموضوع: دورة التبريد في الجين تو ت

LinkBack

أدوات الموضوع

عرض

-

-

-

-

-

-

-

المواضيع المتشابهه

كيفيه تغير مياة التبريد وعمل غسيل للدوره للبولو وما يشابهها فى دورة التبريد

كبس دورة التبريد ؟؟

دورة التبريد

دورة التبريد

صدأ في دورة التبريد

الكلمات الدلالية لهذا الموضوع

المفضلات

المفضلات

ضوابط المشاركة