الموضوع: العربية موديل 2005 وعاملة 30 الف أغير السيور ولا لأ

المشاركة الأصلية كتبت بواسطة szrateb

العربية موديل 2005 وعاملة 30 الف أغير السيور ولا لأ علماً باني أخرج بالعربية مرة أو مرتين اسبوعيا واسافر بها مرتين أو ثلاثة بالسنة

وهل أغير السيور في التوكيل ولا بره وما هي التكلفة التقريبية لتغيير السيور داخل وخارج التوكيل
وعرفت ان في صيانة ال 30 ألف يجب تغيير زيت الفرامل هل هذا صحيح أم لا وما هي تكلفته
مع الشكر

أولا مبروك عليك العربية وربنا يديك خيرها ويكفيك شرها..

بالنسبة للسيور غيرها وخصوصا سير الكاتينة لانه بيتغير من 25 ألى 30 ألف

زيت الفرامل تغيره عند 40 الف ويكون زيت دوت 4 (dot 4) وده مكتوب على العلبة. أنا لسه مغيره وحيط زيت ألماني معبأ في الإمارات بتباع في محطات كارجاس وتشتري علبتين منه (أنا اشتريت أربعة واللى اتحط اتنين بس)

بالنسبة لمكان التغيير روح لورشة محمد عبده حتلاقي العنوان والتليفونات في موضوع مثبت بعنوان "كل ما يهمك عن سيارات الدايو" كلمه وروح.

التكلفة حقولك بتاعت النوبيرا واللانوس حتقل نسبة بسيطه

سير كاتينة 65 جنيه
بلية الشداد وبلية اخرى gm ب270 جنيه
سير الدينامو 65 جنيه
فلتر بنزين كوري 35
تيل أمامي ماركة جولد 60 جنيه

دي اسعار أبو الحسن تقريبا كلنا بنجيب من عنده

بالمرة خلى عبده يغسل دورة الميه وحط ميه خضراء وبلاش مية الحنفية

التيل الأمامي المفروض يتغير كل 20 الف فيفضل تغيره.

بس كده وربنا يبارك لك فيها.

غير طبعا عشان ميحصلش حاجه لاقدر الله...خليك فى السليم..ريح نفسك وريح العربيه