مشكلتى

**ASKAFRAWY** · 02-07-2009 05:21 PM

المشاركة الأصلية كتبت بواسطة نور العمر

أسألني أنا
... اكبس الموتور في بنزينة كالتكس ب 40 ج بس ..

هو ايه كبس الموتور دة؟؟؟؟دة غير الكشف عن حالة الموتور؟؟
طبعا عن تجربة مع اختى فى عربية فيورا 85:

مصاريف قليقلة جدا مقارنا باى عربية جديدة
حاجتها موجودة فى كل مكان و مش هندوخ عليها خالص
اسأل عن ميكانيكى بيفهم و يكون عنده ضمير عشان ميفتحلكش فى شغل بدون داعى
يستحسن لو هتعمل فيها حاجة عند اى صنايعى يكون معاك

فى المجمل توكل على الله و ماتترددش و ان شاء الله هتبدأ واحدة واحدة تتعلم عليها و على التعامل مع الصنايعية

**أبو إياد** · 02-07-2009 05:34 PM

المشاركة الأصلية كتبت بواسطة نور العمر

الميكانيكي بيقول حالة الموتور كويسة

لكن كبس الموتور بيوضح حالة السلندرات الاربعة بنسب مئوية

وبيحدد كفاءة الموتور كام % فعليا ككل

وده ميعملوش ميكانيكيابدا

هو اسهل حاجة يقولها .... بعيد عن السامعين

( نحل الموتور ) ونشوف ربع واللا نص واللا كل عمرة ... وده بيكون عرضة للنصب فيه طبعا

إلا لو واحد سمعة وثقة ومعرفة وطيدة

هيييييييه دنياااا

على فكره انتى كسبتى خبره جامده بسبب السفنتينا
ماشاءالله انا مش بحسد بس لازم الواحد يكون عارف كل حاجه طبعا

**ASKAFRAWY** · 02-07-2009 05:39 PM

المشاركة الأصلية كتبت بواسطة نور العمر

الميكانيكي بيقول حالة الموتور كويسة

لكن كبس الموتور بيوضح حالة السلندرات الاربعة بنسب مئوية

وبيحدد كفاءة الموتور كام % فعليا ككل

وده ميعملوش ميكانيكيا بدا

هو اسهل حاجة يقولها .... بعيد عن السامعين .. لو ظهرت أي مشكلة

( نحِل الموتور ) ونشوف ربع واللا نص واللا كل عمرة ... وده بيكون عرضة للنصب فيه طبعا

إلا لو واحد سمعة وثقة ومعرفة وطيدة

هيييييييه دنياااا

معلش توضيح اكتر لان معرفش عنه كتير؟ازاى بيتعمل يعنى بيوصل الموتور بالكمبيوتر وعنده البرنامج اليقول حالة الموتور؟
انا بصراحة معملتهاش بس هى موجودة فى محطات كالتكس كلها و لا فروع منها؟
لان انا فى اسكندرية ماشوفتش الموضوع دة بصراحة!انا اللى اعرفه توصيل مستشعر sensor فى الشكمان و من نواتج العادم بيتم معرفة حالة الموتور وضبط الخليط(هواء+بنزين) مع الكهرباء
لكن حالة كل وحدة(سيلندر)دى بيعرفها ازاى يانور؟انت عملتى الموضوع دة قبل كدة؟

**ابو حسين** · 03-07-2009 12:58 AM

توكل على الله وجرب وهتتعلم بالتجربة

**Mzeid** · 03-07-2009 01:48 AM

حضرتك بالنسبة للقيادة نفسها شئ طبيعي ان حضرتك تكون في البداية بس للأسف الشارع ماشي بمبدأ البلطجة فأحسن حاجة لحضرتك أن تلتزم تماما بميادئ المرور بحيث تتفادى اي اخطاء ممكن تصدر منك علشان لو غلط يكون من الغير ..

أما بالنسبة للميكانيكية و الصنايعية حضرتك ممكن تعرف من الاخوة في المنتدى بيتعاملوا مع مين ثقة و تتعامل معهم و لو ممكن توصية من حد برضه ..

أما بالنسبة للركن فدي مشكلة الجمهورية كلها مش مشكلة شارع حضرتك بس ..

فتوكل على الله و اعمل بنصايح الأخوة و خصوصا من المجربين زي الاخت نور العمر ..
و اشتري و لا تضع الخوف و القلق في قلبك ..