ياشباب القاهرة - ارجو اﻻفادة عن كيفية الوصول الى العنوان المذكور بالعربيه - ولكم خالص تحياتى
عرض للطباعة
ياشباب القاهرة - ارجو اﻻفادة عن كيفية الوصول الى العنوان المذكور بالعربيه - ولكم خالص تحياتى
الرد فين - الله يرضى عليكم عايز امشى - وهل ش الجيزة فى الجيزة ولا فى القاهرة - فين العنوان بالضبط
شوف يا اسيدى توصل بالسلامه باذن الله لغايه المؤسسه وبعدين تخش مدخل كورنيش النيل وتفضل ماشى لغايه ما تلاقى كوبرى الساحل تطلعه وتنزل المنزل الشمال هيبقى النيل شمالك وتفضل ماشى فى الطريق ده لغياه ماتقابل جنيه الحيوانات هتلاقى نفسك تقريبا امام البرج واى سوؤال
لو تقدر توصل لحديقه الحيوان هو بعدها علاطول فى اتجاه المنيب
بص يا باشا أنا مش هقدر أفيدك فى الطريق من المنصورة الى القاهرة كتير بس هفترض أنك عارفه و هبتدى أشرح من ميدان التحرير على أساس انك جاى من الزراعى الى شبرا الى التحرير )
هتقف فى التحرير و المتحف المصرى على يمينك و تكمل على طول لحد لما تيجى للصينية اللى فى نض ميدان التحرير و تدخل يمين الى كوبرى قصر النيل و تطلع عليه و بعده على طول هتلاقى ميدان و فى الميدان ده دار الأوبرا المصرية تخليها على يمينك و تكمل شوية كمان قدام لحد لما تلاقى نفسك طلعت كوبرى تانى صغير بيعدى النيل.........بعد الكوبرى على طول هتلاقى على شمالك شيراتون القاهرة
http://i44.tinypic.com/34o3f51.jpg
و هتلاقى ميدان هتدخل من الشارع اللى فيه هيبقى شيراتون على شمالك و هتلاقى على أوله على اليمين قسم شرطة الدقى.
هو ده أول شارع مراد........هتفضل ماشى ماشى ماشى لحد لما تعدى أشارة و التانية ( التانية هتبقى فى ميدان.....و هتلاقى قدام على اليمين سور جنينة الحيوانات ) هتكمل على طول برضه بعد الأشارة.....حوالى 500 أو 600 متر و هتلاقى مبنى فخم معظم واجهاته من الزجاج الأخضر ده الفور سيزون....سيبك منه و خليك فى البرج اللى بعده ( بس بعده بشوية ) هتلاقيه لونه فضى شوية و معظمه زجاج برضه بس عاكس شوية...هو ده برج النيل.
نصيحة منى...........يستحسن تدور على مكان للركن من بعد ما تعدى على أخر أشارة و تمشى لحد البرج عشان الركنة حواليه خلال اليوم تكاد تكون مستحيلة
دى تكمله للخريطه السابقه
حديقة الحيوان على يمينك والمبنى على شمالك
http://www12.0zz0.com/2009/07/02/09/576692951.jpg
شكرا جزيﻻ يارجاله - معلومات كافيه جدا وياراب تفدنى ومضربش لخمه اول مخش على زحمة القاهرة