كل واحد يقولي لو مكاني هايتصرف ازاي
عاوز نصيحة يعني يا ريت كل واحد يقولي لو هو مكاني يعمل ايه
انا عندي مشكلة في الاسكاترا طبعا سالت على الجديد و لغيت فكرة الجديد علشان التكلفة عالية
سالت على الاستيراد وجد الاتي تمن الاسكاترا 700 جنيه فك و تركيب وجدت الاتي
رمضان 250 جنيه
احمد فرج 250
حمدي 150
يعني تكلفة تغيرها بواحدة تانية استيراد 850 - 950 و في حالة لو العلبة طلعت مضروبة و هاتتغير و ده في خلال 48 ساعة
المصنعية تاني عليا
سالت على الحشوا عند واحد الناس في الورشة بتشكر فيه اوي قالي الموضوع كامل شامل طقم الاصلاح و الفك و التركيب و الزيت و كل شئ 450 جنيه
دلوقتي فيه ناس قالت ان الحشوا ده حل مؤقت و ناس قالت انها بتحشي على طول و ماشي معاها الموضوع ده و بيعمر
و الاستيراد فيه ناس قالت بتكون العلبة كويسة و ممكن تمشي سنين و ناس تاني قالت انها ممكن تفضل كويسة شهرين تلاتة و بعد كدة الجوانات بتاعتها تضرب و تبقى عاوزة تتغير تاني
يعني الي وصلت ليه ان الحلين مش مضمونين
فياريت لو كل واحد يتخيل نفسة مكاني يقولي اهايعمل ايه
