رمضان والاعياد يفاقمان ازمة سوق السيارات المصرية

**Imhotep** · 02-07-2009 02:11 PM

تنتظر سوق السيارات المصرية حالة من الكساد خلال الربع الثالث من عام 2009، بسبب قدوم شهر رمضان والاعياد لتزيد من تفاقم أزمة المبيعات المتأثرة بتداعيات الأزمة المالية العالمية.
وتوقع عفت عبدالعاطى رئيس شعبة السيارات فى غرفة تجارة القاهرة دخول سوق السيارات في مرحلة الكساد خلال الأشهر الثلاثة المقبلة التى تشهد قدوم شهر رمضان، والأعياد والتى تقل فيها نسبة الإقبال على شراء السيارات، خاصة فى شرائح الراغبين فى تغيير السيارة والذين يمثلون النسبة الأكبر من المتعاملين مع سوق الجديد "الزيرو".
واوضح - في تصريحات لصحيفة المصري اليوم- ان السوق تمر حاليا بأنها ر بأسوأ حالاتها نتيجة استمرار تداعيات الأزمة المالية العالمية.
واشار عبد العاطي الى انه من الصعب حدوث تحسن فى السوق قبل نهاية العام المقبل ٢٠١٠، متوقعا عودة المبيعات إلى معدلاتها الطبيعية بحلول العام ٢٠١١ الذى ينتظر أن تنكسر معه موجة الأزمة العالمية، وتتلاشى تأثيراتها حسب المؤشرات العالمية.
حول التحرك الذي شهده السوق من خلال مشروع احلال التاكسي، اكد رئيس شعبة السيارات فى غرفة تجارة القاهرة أنه لا يعبر عن حركة السوق محليا، مشيرا إلى أن غالبية الشركات خارج هذه الشريحة تواجه صعوبات فى مبيعاتها.
وتراجعت مبيعات السيارات بنسبة تصل إلى نحو ٣٧% فى الفترة من يناير إلى أبريل 2009، مسجلة نحو ٥٤ ألفا و٩٨٠ سيارة، مقارنة بنحو ٨٩ ألفا و٩٨٦ سيارة خلال نفس الفترة من عام ٢٠٠٨، حسب مؤشرات مجلس معلومات سوق السيارات "أميك".
ومن جهته، قال عمر بلبع عضو الشعبة العامة للسيارات باتحاد الغرف التجارية إن هناك انتعاشا فى المبيعات خلال الأشهر القليلة الماضية، خاصة فى الفئات ذات السعة اللترية "١٦٠٠ سى سى".
http://www.egynews.net/wps/portal/!u...11591157200638

**Hacker5** · 02-07-2009 02:20 PM

واللهى كله فى مصلحتنا بس الناس مشتريش و نبطل نشوف مواضيع "بركولى" دى s:

**Samir Elshahawy** · 02-07-2009 02:27 PM

علشان كده لازم كلنا نلتف حول حملتنا "خلوها تصدي و موديلها يعدي" من جديد علشان شهور الصيف دي حاسمة في موضوع الاسعار ده صدقوني لو أمتنعنا عن الشراء ال 3 شهور دول بس , هايضطروا ينزلوا الاسعار و بشكل ملموس و ألا العربيات موديل 2009 و 2008 اللي لسه موجودة فعلا هتصدي و تعفن كمان

**النوبي** · 02-07-2009 05:10 PM

خلوها تصدي و موديلها يعدي

**jisso82** · 02-07-2009 07:50 PM

المشاركة الأصلية كتبت بواسطة Hacker5

واللهى كله فى مصلحتنا بس الناس مشتريش و نبطل نشوف مواضيع "بركولى" دى s:

حضرتك ماتعرفش ظروف الناس اللى بتشترى و ماتعتقدش إنها بترمى فلوسها و إن لو فى وفر مؤكد 1000 جنيه واحدة كان زمانها استنت و أنا عن نفسى هجيب إن شاء لون مش عايزه و ممكن عربية يكون فيها عيوب نسبيا عشان ماخسرش تخفيض كويس عن تمن العربية الأصلى و ظروفى ما تسمحش أستنى من غير عربية أكتر من كده.

و بعدين الكلام اللى فوق ده يا ما سمعناه
سوق العربيات هينهار على أول مارس
نزلة جامدة فى أسعار السيارات على شهر يونيو
كساد غير طبيعى و توقع بانخفاضات كبيرة خلال الصيف
مش هى دى العناوين اللى بنسمعها و أكتر خصم شفته كان كام و على إيه
الأزمة الماية العالمية بدأت من آخر 2008 و احنا قربنا نقفل 2009 و ما حسيناش بأى حاجة لا فى العربيات ولا فى أى سلعة تانية

**Hacker5** · 03-07-2009 12:09 AM

المشاركة الأصلية كتبت بواسطة jisso82

حضرتك ماتعرفش ظروف الناس اللى بتشترى و ماتعتقدش إنها بترمى فلوسها و إن لو فى وفر مؤكد 1000 جنيه واحدة كان زمانها استنت و أنا عن نفسى هجيب إن شاء لون مش عايزه و ممكن عربية يكون فيها عيوب نسبيا عشان ماخسرش تخفيض كويس عن تمن العربية الأصلى و ظروفى ما تسمحش أستنى من غير عربية أكتر من كده.

و بعدين الكلام اللى فوق ده يا ما سمعناه
سوق العربيات هينهار على أول مارس
نزلة جامدة فى أسعار السيارات على شهر يونيو
كساد غير طبيعى و توقع بانخفاضات كبيرة خلال الصيف
مش هى دى العناوين اللى بنسمعها و أكتر خصم شفته كان كام و على إيه
الأزمة الماية العالمية بدأت من آخر 2008 و احنا قربنا نقفل 2009 و ما حسيناش بأى حاجة لا فى العربيات ولا فى أى سلعة تانية

ماشى انا معاك
بس حضرتك المواضيع دى بتخلى اللى مقاطع الشراء او اللى بيفكر يقاطع الشراء يرجع فى قراره اكيد هايقول ما الناس عمالة تشترى يعنى هاتيجى عليا انا
فقصدى ان اللى يجيب عربية مايقولش انه جاب و يعمل موضوع عشان نباركله
ياريت يا جماعة اللى جاب عربية مايقولش انه جاب و ربنا يباركله فيها
لان احنا المفروض اكبر منتدى سيارات مصرى و المفروض نكون احنا اول ناس تقطاع الشراء و لكن للاسف معرفناش نتفق و اكثرنا راحوا اشتروا و ربنا يباركلهم فى عربياتهم