الطريق من مدينة العبور الي امبابة بدون سيارة.

**Dr Zezo** · 02-07-2009 09:47 PM

السلام عليكم ورحمة الله و بركاته

ان شاء الله انا رايح مشوار في امبابة قريبا و عرفت ان فيه ميكروباص بيطلع من امام سوق العبور الي امبابة

فكنت عايز اسئل انا رايح منطقة في امبابة بجوار القسم اللي هناك فيا تري هل سيوصلني هذا الميكروباص اليها مباشرة ام ماذا افعل ؟

ام هناك سبل اخري للذهاب من مدينة العبور الي قسم امبابة بدون السيارة
ارجو المساعدة

تقبلوا خالص احترامي

**MoToRiZeR** · 02-07-2009 11:30 PM

انا أعتقد إن طريق الميكروباص هيبقي دائري .. نزلة روض الفرج .. شارع القومية العربية .. شارع الوحدة .. و بعدين لموقف الأوتوبيس .

لو هو كدة فعلاَ (إسأله) .. إنزل عند الكنيسة اللي في إمبابة هي مشهورة جداَ و في نص شارع الوحدة .. و إركب ميكروباص تاني رايح الكيت كات .. أو الجيزة .. هتلاقيه بيحمل من الرصيف اللي في النص قدام الكنيسة بيقول جيزة دقي .. إركب و قوله نزلني عند القسم.

بس كدة .. في الرجوع إسأل سواق الميكروباص بيقف يحمل تاني و هو راجع منين .

**Amo0o0oRa** · 03-07-2009 02:18 AM

بص يا باشا هو لفه طويله شويه بس مش اوى ودى هتوديك عند القسم بالظبط

انت هتركب من عندك اى ميكروباص يوديك موقف العاشر ومن هناك هتاخد ميكروباص هرم وتنزل عند القوميه

اول ما تنزل سلم القوميه هتاخد عربيه بتقول منيرة او امبابه هتقوله ينزلك عند الكنيسه هتنزل وتركب دقى جيزة وده هيوديك عند القسم

بس تركب العربيه دى من عند الكنسيه عشان فى عربيات تانيه بتقول دقى جيزة بس بتاخد طريق تانى غير طريق القسم