صيانه 60 الف كيلو (للكليو اوتوماتيك).... استر يارب

يا رجاله المنتدى انشاء الله حاروح مركز العبور لعمل صيانه ال60 الف كيلو للعربيه الكليو اوتوماتيك2005 يوم الثلاثاء القادم و بصراحه كده انا خايف منها مش عارف هل هى فعلا مهمه جدا و بعدين تكلفتها ليه عاليه اوى كده و ايه الحاجات اللى بيغيروها فى الصيانه و هل ممكن اغير حاجات من الصيانه و الباقى معملوش ولا لازم كله يبقى من التوكيل اصل انا مستغرب اوى ان سعر الصيانه غالى انا لسه معرفوش بس تقريبا سمعت انه فى حدود 2500 جنيه فمش عارف ده صحيح و لا ايه و ياريت اعرف عباره عن ايه صيانه ال 60 الف كيلو و بماذا تنصحونى ؟
العربيه معايا الحمدالله لغايه دلوقتى مفيش مشكله و مرتاح و مفيش اعطال فاللى مضايقنى انى حدفع حوالى 2500 جنيه و العربيه برضه هيا هيا ياعنى مغيرتش سماعات او كاسيت او جنوط او جبت dvd فبصراحه انا محتار اوى و يارت تنصحونى بالمفيد من رجاله المنتدى الوحوش
و شكرا ليكم

صيانة ال 60 ألف و ال 120 ألف و 180 ألف هى أهم الصيانات فى رينو و بعض السيارات الأوروبى

بيتم فيها تغيير الأتى
1- طقم الكاتينة بالكامل و ده اللى بيغلى الصيانة
2- تغيير زيوت و فلاتر العربية كلها ( فلتر بنزين و هوا و تكييف أحياناً )
دول اللى فاكرهم دلوقتى بصراحة.

سعر الصيانة حسب الأسعار اللى كانت مكتوبة هنا 1570 جم

أسعـــــار الصيــانة و قطــــع الغيـــــار الأصليـــــة للكليــــو II

بس وارد طبعاً ان الأسعار تكون أتغيرت.

انا ليا صديق معاه كليو 2006 مانيوال

وكان من كام يوم بيقولى انه هيعمل صيانة ال 60 الف

بس هو بيعملها فى المقطم

وقبل مايروح اتصل يسأل الصيانه بكام

قالوله حوالى 1850 جنيه

زى ما قال احمد صيانه 60.000 اهم صيانه هى و ال 120 و سوف يتم تغير التالى :
1-سير كاتينه و بليه كاتينه .
2-سير دينامو.
3-سير التكيف .
4-الزيوت.
5-الكشف على طرمبه المياه و تغيرها فى حاله وجود ترشيح .
6-البوجيهات.
7.الفلاتر.

اهم صيانه هي 60000 وهي كل سيور العربيه ( سير التقسيمه وسير الباور وسير الدينمو ) البوجيهات والفلاتر ( زيت وهوا وبنزين) تغير زيت انا معايا كليو 1200 سعر الصيانه فى التوكيل 1570 بس عندك اكتر عشان اوتوماتيك بس انا لقيت ميكانيكى كويس جدا كان شغال فى التوكيل وفتح ورشه ف هو فاهم كل حاجة فى العربيه وهو بيعمل الصيانه حسيت كأنه بيلعب بالموتور وسريع جدا ومتمكن جدا وكل الصيانه كلفتنى بالمصنعيه 600 جنيه طبعا فرق كبير بينه وبين سعر التوكيل بس على فكرة هتحس بفرق كبير فى سواقه العربيه بعد الصيانه لان صيان ال60000 بترجع العربيه زى الزيرو بالظبط ربنا معاك

اقتباس:

---

المشاركة الأصلية كتبت بواسطة r_gamal1

اهم صيانه هي 60000 وهي كل سيور العربيه ( سير التقسيمه وسير الباور وسير الدينمو ) البوجيهات والفلاتر ( زيت وهوا وبنزين) تغير زيت انا معايا كليو 1200 سعر الصيانه فى التوكيل 1570 بس عندك اكتر عشان اوتوماتيك بس انا لقيت ميكانيكى كويس جدا كان شغال فى التوكيل وفتح ورشه ف هو فاهم كل حاجة فى العربيه وهو بيعمل الصيانه حسيت كأنه بيلعب بالموتور وسريع جدا ومتمكن جدا وكل الصيانه كلفتنى بالمصنعيه 600 جنيه طبعا فرق كبير بينه وبين سعر التوكيل بس على فكرة هتحس بفرق كبير فى سواقه العربيه بعد الصيانه لان صيان ال60000 بترجع العربيه زى الزيرو بالظبط ربنا معاك

---

ممكن عنوان و تيليفون الميكانيكي ده

الميكانيكى دة فى اسكندريه فى مدينه الحرفيين لو انت من اسكندريه قولى وانا ابعتلك رقم التليفون

اقتباس:

---

المشاركة الأصلية كتبت بواسطة r_gamal1

الميكانيكى دة فى اسكندريه فى مدينه الحرفيين لو انت من اسكندريه قولى وانا ابعتلك رقم التليفون

---

فين مدينة الحرفيين دى؟؟

ميكانيكية الرينو في القاهرة:
1- إيمن أسعد ت/ 0105177933 في مسرة -شبرا
2- محمد الشرقاوي ت/ 0104667284 في الحرفيين
3- سيد ت/ 0123689659 في أرض اللواء
والله الموفق

اقتباس:

---

المشاركة الأصلية كتبت بواسطة meko_s

فين مدينة الحرفيين دى؟؟

---

اول الطريق الصحراوى عند مرور محرم بك