حاجة لاحظتها على سرعة 170...نوبيرا

**ahmad--ezzat** · 03-07-2009 08:37 AM

يا جماعة انا لسا جاى من اسكندريه..دلوقتى..(محدش يروح اسكندريه زحمة جدا ورطوبه عاليه :))

المهم...واتنا راجع الفجربه...الطريق كان فاضى جدا والصبح طالع...جبت 180 باعربية..بس لاحظت على سرعه 170 فى زى نغزة كدة فى الموتور زى متكون شوائب كاتمة الموتور وطلعت...

وعلى فكرة جربتها كتير ولا يتها...محدش يعرف دة من ايه..؟
على فكره العربية مجابتش اكتر من 190 ووقف وحلفت ما تمشى (دة عيب ولا عادى) مع انى مرة جبت 200 ...

ربننننننننننننننننننننننن ننننننننننننننننننننننننا يسطر طريقنا...

**M.ABDEEN** · 03-07-2009 10:18 AM

لازم تروح تشيك يا باشا لان المعروف موتور النوبيرا بعد 120 بيجمع بطريقة سريعة جدا وتحس ان الموتور بتاعها بقى عليه موتور نوبيرا تاني .....والمفروض انك تقفل العداد عادي بدون اي مشاكل بس طبعا ربنا يسترها ... انا فاكر مرة كنت راجع من اسكندرية الساعة 3 ونصف الفجر وكنت مخلص تليين العربية والطريق فاضي وشوشو لعب في دماغي اني اجري جامد المهم مشيت لغاية 175 وبعدين الطريق بقى فيه مراجيح فقولت اقلل شوية وكنت ماشي في النصف ولاقيت طلقة جاية من وراء وبيقلب جامد فضربتله اشارة يمين يعني عدي من الشمال وبرده الافندي فضل ضارب العالي ومش عايز يطلع فقررت بعد التراجع في السرعة رحت مزود لاقيته طلع من الشمال ولاقيته نوبيرا فضلنا مع بعض لغاية ماوصلت ل 205 كلم وهو برده مصمم وبصراحة انا خفت وبعده ماشوفتهوش لكن العربية معاي مالاقيتش اي مشكلة في الموتور والسحب جامد جدا لكن كنت ببص في الارض مش عارف اشوف الخطوط من كتر السرعة وقلت توبة ده ربنا سترها فعلا بلاش سرعة ...فيا هندسة ممكن تعمل تشيك وتشوف في ايه اكيد في حاجة عارضة طرئت وربنا يوفقك

**KoDaK_Gti** · 03-07-2009 11:08 AM

ممكن تلاقى كان فى شوائب فى التانك او الرشاشات وطلعت لما قرصت

ممكن يكون الطريق مطلع او الهوا جاى فى وشك وكل ده بيقلل من عزم العربية وطبعا لازم تكون قافل ازاز العربية كله
بس بلاش السرعة دى

انا جبت بعربيتى 215 وهى موديل 2001 وعاملى 135 الف كيلو كتجربة اول لما اشتريتها ومكررتهاش تانى

**Badrawy** · 03-07-2009 12:14 PM

ياله انا العربية لسه جايبها وجبت بيها 100 بس مجبتش اكتر من 100 وبصراحه مش ناوي ازود على 140 وانا مسافر
بس ربنا يستر والعربية متغرنيش انى اجري بصراحه مغرية اوي لاني كنت بسوق 1300

**Fadi Ezzat** · 03-07-2009 03:55 PM

حط منظف الرشاشات واكشف على طقم الكهرباء كلة
وشوف الفلاتر

**ahmad--ezzat** · 03-07-2009 09:03 PM

المشاركة الأصلية كتبت بواسطة محمد فريد

ايه يا ابو حميد انت لسه مصمم على انك تجيب ال200 :))
طيب ايه أخبار البنزين بتحط بنزين ايه 90 ولا 92
والبنزينة محترمة ولا اى كلام؟

لا والله بس الواحد بيحب يكون العربيه كامله مش تقف عن سرعة معينة...هيا حته نفسيه شويه...

انا حطيط من امارات مصر اللى عند الكارتة 92 ...يعنى مفيش احسن من كدة... العربية عامله 13 اللف كيلو والرشاشات كويسه وتمام...

...احتقد ان دة بسبب فلتر الهواء مثلا...متغيرش من صيانة ال الالف...بالاضافة اللى فلتر البنزين...اللى معرفش غيروه ولا لا..

**zocor742** · 04-07-2009 12:39 AM

كنت مسافر مرة القاهرة العربية عملت نفس الحوار تيجى على 140 وتحلف ماهيا متلحلحة زيادة
بس باليل وانا راجع كانت على 160 وبتعمل نفس الحوار ولما رجعت روحت للميكانيكى غيرلى
فلاتر يعنى فلتر هواء وبنزين بالزات البنزين كان جايب اخرة وطلعت جربتها على الدولى لقيتها بتحط جامد بعد 120
لحد موصلت ل160 ولقيتها فايقة عن الاول فامرضيتش ازود واتظبتت شيك على الفلاتر وان شاء الله بسيطة

**Samir Elshahawy** · 04-07-2009 12:08 PM

خلي بالك العربية لما بتمشي كتير داخل المدن بزحامها و أشاراتها بيحصل نتيجة للحمل الجزئي ده مع الرواسب و الشوائب اللي في البنزين ان الرشاشات ببتكتم شوية بالاضافة الي تكون كربون في الشكمان بكتمم الموتور كله

لكن لما بتطلع بالعربية علي الطريق و تجري جامد الرشاشات بتفتح بأقصي طاقة لها و كمان كمية و ضغط العادم بيزيد و بيطرد أي كربون مترسب داخل الشكمان و ده كله نظرا لأن سحب الهواء بيتحسن و بالتالي كفائة الاحتراق بترتفع لذا انا عن نفسي بأعمل الاتي:
- تزويد البنزين من محطات موثوق بها و علي قد ما أقدر أنه يكون بنزين نضيف
- عدم نزول مؤشر البنزين تحت علامة الربع
- كل فترة كده لازم أطلع بالعربية علي طريق سريع و اجريها شوية علي سرعة أعلي من 120 كم/ساعة و ممكن أرفع ال rpm لحد 4000 لفة /دقيقة لمدة 5 أو 10 دقائق حسب حالة الطريق