يا ريت حد يفيدنى فى احسن سخان غاز و الاسباب

**JAM** · 05-07-2009 02:17 AM

انا كان نفسى اجيب الباناسونيك ساعة ماكنت بتجوز ورحت التوكيل بتاعهم فى شركة مصر حلوان على كورنيش المعادى وساعتها مكنش موجود وقالولى هنجبهولك كان اسبوع وبعديها قالولى كمان عشر ايام وبعديها قالولى كمان شهر... فا ساعتها اتخنقت ورحت جبت اليونيفيرسال ال 10 ليتر... هوا اليونيفيرسال شغال حاله لكن طبعآ لا يقارن بال نياشونال بناسونيك اللى كنت عايز اجيبه وساعتها كان الباناسونيك ب 1200 جنيه... بس يستاهل كل جنيه يدفع فيه... نصيحة... أتعب شوية ولو ليك حد فى السعودية خليه يجبهولك من هناك... لأنه بصراحة سخان ميتعوضش

**ahmed1981** · 10-07-2009 02:29 PM

عن تجربة عندي في البيت بلاش ينيفرسال

**pharohtemo** · 10-07-2009 02:56 PM

عن تجربة أنا عندى سخان المصانع و أشتغل 15 سنة زى الفل و كانت مكوناته من شركة يونكرز بألمانيا و تجميع مصرى, و لما عملنا تجديدات فى الشقة جبنا برضه سخان المصانع الجديد و الحمد لله شغال كويس بقاله 5 شهور.
هو مفهوش حركات زى العدادات الديجيتال و شكله عادى بس صناعة محترمة و تعيش .