لقيت فى الاسواق سخانات غاز كتيرة 5 و 6 و 10 لتر بضمان 5 سنين شبة كل الاسعار متقاربة بفرق 10 او 20 او 30 جنية
طيب اى الاحسن و الافضل؟
يا ريت حد يفيدنى
عرض للطباعة
لقيت فى الاسواق سخانات غاز كتيرة 5 و 6 و 10 لتر بضمان 5 سنين شبة كل الاسعار متقاربة بفرق 10 او 20 او 30 جنية
طيب اى الاحسن و الافضل؟
يا ريت حد يفيدنى
هات يونيفرسال 10 ليتر جامد جداااا اشعال ذاتي عن طريق البطاريات
دة غير انة امان جداااا
يونيفرسال 6 او10 لتر حسب استخدامك انا مركب ال6 وممتاز . ولو حصل عطل تتصل بمركز الخدمة تلاقيهم بسرعة
مانصحكش بيونيفرسال خالص
خليك في ايديال 10 لتر الفضي
انا مجرب يونيفرسال في بيت والدي و ايديال في بيتي
فرق السما من الارض
1- ايديال تسخينه اسرع
2- ايديال اشعاله الذاتي انضف
3- ايديال ما بيفصلش بسهولة لما تزود المية الساقعة (يعني اما تبقى بتاخد دش و تزود المية الساقعه شوية عشان تظبط المية, يونيفرسال بيفصل و لازم تطفي المية و تفتح من الاول ...... ايديال ما بيعملش كده)
4- خدمة عملاء يونيفرسال زي الزفت ...... باظ عند والدي كذا مرة و كل مرة يكلمهم يدوله معاد بعيد بعد اسبوع مثلا في عز الشتا طيب نعيش ازاي؟؟؟؟؟..... ايديال عمره ما عطل بس مش عايز اقول لك مرة الغسالة الايديال عطلت في العيد يوم الجمعة بالليل كلمتهم بعتوا لي الفني تاني يوم
5- ممكن تكلم الكول سنتر بتاع ايديال و تشتريه و انت زي الباشا في بيتك و ييجي لك بتوصيل مجاني اطلب 19999
6- انا عندي بوتاجاز يونيفرسال و مش طايقة .... الكواليتي بتاعتهم زفت
7- ايديال ال 10 لتر فيه منه لونين .... ابيض و فضي ميتاليك ..... الفضي الميتاليك اغلى عشرة جنيه بس ..... بس شكله شيك جدا
8- ايديال ضمانه احسن و لو باظ في الضمان الخدمة مجانية ..... يونيفرسال بياخدوا 16 جنيه انتقالات حتى لو في الضمان
غاز دلوقتى بقى أمان ... بس مش عارف رجة امانه اد إيه بالضبط ..ز
أنا شغال بالكهرباء هنا فى البيت ... بس إستحمل فواتير الكهرباء بتوصل 400 جنيه فى الشهر شتاءا
+11111111111111اقتباس:
مانصحكش بيونيفرسال خالص
عن تجربه بلاااااااااااااش
ايديال ممتاز
توكل على الله
ناشونال يابانى ممتاز بس لو لقيته
مش عارفة لسة موجود منه ولا لأ
بشكركم جدا على المشاركة الجميلة دى
بس بردة مقولتوليش الاسعار فى حدود كام و الفرق بين ال 5 و ال 6 و ال 10 لتر اى بالظبت؟
طيب ناشونال اليابانى دا جبتية منين فى اسكندرية؟
جيبته من هنا من اليكس
من محطة الرمل فى شارع فؤاد بعد سنيما امير بشوية فى معرض اجهزة كهربائية عالجهه المقابلة لسنما امير بس الكلام ده من فترة طويلة اكتر من 5 سنين بس هو غالى شوية بالمقارنة باسعار الباقيين
ابن خالتى جابه قريب من السعودية
الفرق بين 5 و10 لتر هو سرعة كمية المياة اللى بيسخنها على ما اعتقد
اوعى تجيب يونيفرسال
انا جبته وعطل بعد شهرين غير انه مش عاجبنى رغم امكانياته
افضل سخان غاز هو سخان غاز المصانع الحربيه
مش هتصدق لو قلت لك انه الافضل وافضل من الجميع كمان رغم انه صناعه مصريه لكن ممتاز ورائع وبيتحمل وفيه نفس الامكانيات
انا عندى سخان تكنو 10 لتر ماعرفش سعره كام دلوقتى هو كان بـ 635 جنيه وشغال عندى ممتاز ولا أنصحك بيونيفرسال فى أى حاجة لا بوتاجاز ولا سخان ولا شفاط ، الناشيونال اليابانى و كان بـ 1250 جنيه وده شغال عند أختى منذ عدة سنوات بكفاءة عالية وفيه منه نوعين شعلة وإشعال ذاتى
سبق السيف العزل
نزلت المكان الى قولتى علية محدش عندة
فجبت اولمبيك لقيت ضمانه 5 سنوات و بشاشة ديجيتل و يشتغل على ضغط المية الضعيف و فية تشغيل صيفى و تشغيل شتوى
الحلو بقى انى دفعت 50.9 جنية ضريبة مبيعات علية علشان جبته من توكيل ايديل الى على ناصية صفية زغلول
10% كاملة ضريبة مبيعات
انا لقيت طبعا سخان ايديل بفرق 100 جنية بس ملقتش فية مؤشر للحرارة ولا موضوع ضغط المية ولا النظام الصيفى و الشتوى و لقيت ضمانه 3 سنين بس
انا عندى بردة فى البيت هنا بتاع المصنع الحربى و عدى ال10 سنين
و ايام ما جبناة الى ركبة قال مكوناته المانى (دا زمان طبعا) اما حاليا اكيد كل مكوناته مصرى
هو دلوقتى ب 850 او ما شابة
بس عيبة انه ما يشتغلش على ضغط المية الضعيف و درجة حرارة متباعدة يا سخن خالص يغلى يا عادى الباقى فى الضياع
فيه نوع ألمانى كدة اسمه valiant دة الأفضل على الإطلاق بس مش لاقى أى معلومات عنه ولا عن توكيله فى مصر.
ياجماعة كل السخانات الغاز دلوقتى زبالة ووحشة جدااا
مفيش أحسن من المصانع بتاع زماااان الأبيض القديم
لاكن كل ألى موجود سيء ومنصحكش بية هات سخان كهرباء أفضل وأممن
تحياتى
انا كان نفسى اجيب الباناسونيك ساعة ماكنت بتجوز ورحت التوكيل بتاعهم فى شركة مصر حلوان على كورنيش المعادى وساعتها مكنش موجود وقالولى هنجبهولك كان اسبوع وبعديها قالولى كمان عشر ايام وبعديها قالولى كمان شهر... فا ساعتها اتخنقت ورحت جبت اليونيفيرسال ال 10 ليتر... هوا اليونيفيرسال شغال حاله لكن طبعآ لا يقارن بال نياشونال بناسونيك اللى كنت عايز اجيبه وساعتها كان الباناسونيك ب 1200 جنيه... بس يستاهل كل جنيه يدفع فيه... نصيحة... أتعب شوية ولو ليك حد فى السعودية خليه يجبهولك من هناك... لأنه بصراحة سخان ميتعوضش
عن تجربة عندي في البيت بلاش ينيفرسال
عن تجربة أنا عندى سخان المصانع و أشتغل 15 سنة زى الفل و كانت مكوناته من شركة يونكرز بألمانيا و تجميع مصرى, و لما عملنا تجديدات فى الشقة جبنا برضه سخان المصانع الجديد و الحمد لله شغال كويس بقاله 5 شهور.
هو مفهوش حركات زى العدادات الديجيتال و شكله عادى بس صناعة محترمة و تعيش .