الصيانه ل 5000 ك فى توكيل طنطا
....صيانه 5000 ك( (افيو اوتوماتك 2009) )
بصراحه كنت ناوى اروح القاهره عشان لو كانت العربيه فيها اى حاجه محتاجه تتغيير الاقى الى يقدر يأخذ القرار ويغيرها ( المركز يه ) ولكن نظرا للمشوار قررت اروح توكيل طنطا وكان عندى مشكلتين فى العربيه :-
1) الزجاج الامامى فيه مشكله عدم وضوح رؤيه تحس انه غير نظيف بالمره( حاولت تنظيفه بكل الطرق حتى التنر)
2) كان عندى تخبيط فى المساعد الامامى يمين ( انا قولت يمكن المساعد ضعيف - عيب صناعه )
المهم رحت وقولتلهم على المشكلتين وتم الاتى:-
1) تغيير الزيت والفلتر وغسل الماتور بالاسبريه وتربيط العفشه ( الغسيل مجانا وصيانه 5000 ك ايضا ) يعنى تم دفع ثمن الزيت والفلتر فقط
2) عند الكشف عن مشكله المساعد اتضح ان المشكله ان هناك بوش فى الاسكترا وتم تغييرها بعد اخذ الموافقه من القاهره عن طريق e-mail على حسلبهم وثمنها حوالى 2500 او 3000 ج
3) تم اخذ موافقه على تغيير الزجاج الامامى برضه e-mail ولكن للاسف الزجاج كان غير موجود ولكن اخذت جواب بالتغيير وقالولى حنكلمك خلال اسبوع.
هذه هى الحكايه واليكم رايى الشخصى:-
1) تحيه احترام وتقدير الى المهندس عبد العزيز عتمان ( مدير الصيانه ) لحسن اخلاقه وحسن استقباله واهتمامه بالمشكله والاتصال اكثر من مره بالقاهره للحصول على الموافقات .
2) تحيه شكر وتقدير الى المهندس محمد جمال ( مهندس الصيانه الامين) )الذى اكتشف عيب الاسكترا ولم يتأخر فى اتخاذ قرار تغييرها رغم انه كان من الممكن الهروب من المسؤليه بألف طريقه . وبذله مجهود كبير ايضا فى موضوع مشكله الزجاج حتى الحصول على الموافقه الساعه 4 بعد الظهر من الساعه 11 صباحا
3) شكر الى الاستاذ حازم سند موظف الاستقبال الذى تابع شكوتى التى تقدمت بها منذ اكثر من شهر واتصل بى واقنعنى ان اقوم بالصيانه فى طنطا .
شكرا جزيلا لكم جميعا
رامز الجمال
