اقتراح لمساعدة الراغبين في البيع أوالشراء

السلام عليكم ورحمة الله

الإخوة الأعضاء، عندي اقتراح وياريت تردو عليا وتقولولي رأيكوا حينفع ولا لأ...

أنا بقالي فترة عايز أستبدل عربيتي بس الوقت والشغل وعدم الخبرة واقفين دايما قصادي لأن مشكلتي مش بس في البيع ولكن كمان في اختيار السيارة البديلة.

وعلشان كدة أنا عندي اقتراح ان القائمين على المنتدى يعتمدوا فريق من المتخصصين في شراء السيارات المستعملة واللي ممكن يساعدوا أي عضو في بيع وشراء أي سيارة مقابل عائد مادي معين من قبل القائمين على المنتدى.

بكدة نقدر نتابع في أعمالنا وفي نفس الوقت نكسب خبرة الموهوبين ونزيد من فرص العمل..

أنا على فكرة بعت الموضوع ده قبل كدة بس تقريبا كان عندي مشكلة في الانترنت، عموما أتمنى المشاركة وتداول الرأي مع جزيل الشكر.

الفكرة كويسة جدا

بدل ما تجيب حد يقيم العربية وانت مش واثق فيه

فكره رائعه يريت يكون فيه استجابه

يا ريت طبعا الموضوع ده هيريح ناس كتييييييير

أؤيد وبشدة يكفى الراحة النفسية والثقة فى التقييم (يعنى ماحدش هيشتغلنا)

أعتقد والله أعلم أن الموضوع ده تمت مناقشته قبل كده و كان رد الأدارة بالرفض عشان لو السيارة طلع فيها مشكلة ميتوجهش اللوم للأدارة.

حضرتك ممكن تعمل حاجة تانية
تشوف انت عاوز تشتري إيه
وتطلب تقييمه من خبراء المنتدى
وحدود السعر وفقا للكماليات والموديل
وتتابع في الاعلانات ولما تلاقي عربية
مبدأيا مريحة افحص موتورها في بنزينة وارفع الشاسيه
لو تمام توكل على الله واشتري

وخبراء المنتدى ممكن يساعدوك في تقييم حالة عربيتك
والسعر المناسب ليها ...

لكن اعتقد الفكرة حتكون صعبة التنفيذ رسميا بإشراف من المنتدى

الفكرة كويسة جدا

الفكرة قيد الدراسة لكن بأسلوب ونمط مختلف .. وسيتم الإعلان عنها قريباً
تقبلوا خالص مودتي

اقتباس:

---

المشاركة الأصلية كتبت بواسطة د.أحمد سمير

الفكرة قيد الدراسة لكن بأسلوب ونمط مختلف .. وسيتم الإعلان عنها قريباً
تقبلوا خالص مودتي

---

انا حاسس انها هتكون مفاجئه
:ask: :_Alshmokh22[1]: :_Alshmokh22[1]: :_Alshmokh22[1]: :_Alshmokh22[1]: :_Alshmokh22[1]: :_Alshmokh22[1]:

فكرة جيده واذا تم عمل فريق من الاعضاء اللذين لديهم خبرة في مجال بيع وشراء السيارات وليس هناك دخل للموقع بموضوع بيع او شراء اي سيارة بحيث لا يقع الموقع تحت مسولية البيع والشراء

بسم الله الرحمن الرحيم

الإخوة الأعضاء... أنا شاكر مشاركاتكم الجميلة وكفاية إن الموضوع بقة قيد الدراسة...

أعتقد ان مرحلة تكوين واختبار فريق المتخصصين هيا أصعب مرحلة بس أنا شايف ان الموضوع يستحق المحاولة وكفاية ان القائمين على المنتدى بخبرتهم حيبقوا معانا...

فكرة جميلة