رشيد: الحكومة تدرس وضع نظام جديد لإحلال السيارات الملاكي القديمة على غرار التاكسي

**ابو حسين** · 03-07-2009 06:43 PM

والله ياريت بس ياريت لو يطبقوا صح

**ainshouka** · 03-07-2009 06:44 PM

انا معدتش فاهم اللى بيحصل دا والله

الواحد فعلا بقى مستغرب بجد

كل بلاد الدنيا الحكومة بتحاول دايما انها توفر للشعب فرصة حياة

لكن عندنا هنا خلاص الحكومة بقت عاملة تعاقد مع رجال الاعمال ويولع كل الناس الغلابة وكل دا عشان فئة صغيرة كانت فى يوم من الايام متسواش وكانت من فترة قريبة لاشئ ودلوقتى بقى اسمهم رجال اعمال

انا كل يوم بقى يزيد عندى احساس بانى عاوز اسيب البلد دى

**itsonlyme** · 03-07-2009 07:34 PM

أنا شخصيا من المتضررين من مشروع زي ده لو تم تنفيذه.

عربيتي بعمري، ورثتها من الوالد (الله يرحمه) ومتصور وأنا على كبوت العربية وعمري سنتين.

تكهينها سيضر بي مادياً ومعنوياً لأنها غالية عندي قوي.

بس تكهين العربيات القديمة شيء اصبح لابد منه.

الشوارع اتزحمت بالعربيات سواء جديدة أو قديمة واعطال العربيات القديمة والتلوث اللي بتسببه مشكلة. في أوروبا والبلاد المتقدمة، اشتري عربية قديمة برخص التراب، بس ادفع بقى تأمين وضرائب ضخمة خصوصاً للعربية اللي اقدم من 10 سنين. تلاقي العربية الجديدة تفف عليك ارخص.

ألمانيا مؤخرا بدات مشروح احلال ناجح جدا.
بيسموه برنامج تحفيزي لأن كل واحد يسلم عربيته القديمة اللي عمرها اكبر من تسع سنين هياخد بدلها 2,500 يورو بشرط يشتري بيهم عربية جديدة. مليون واحد سجل في المشروع ومبيعات العربيات الجديدة زادت بشكل كبير بعد انخفاض كبير نتيجة الازمة الاقتصادية.

خدتو بالكم من تسع سنين دي؟ يعني عربية موديل 2000 تبقى قديمة وتتكهن. كمان الموضوع كان اختياري.

مش المانيا بس اللي عملت كده، بلاد كتير سبقتها
http://en.wikipedia.org/wiki/Scrappage_program

بس طبعا الحال في مصر مختلف.
الاحلال هيضر ناس كتير بس وضع الشارع حيتحسن.

**mynameh** · 03-07-2009 07:55 PM

حسبي الله و نعم الوكيل أنا مثلا واحد معرفش أدفع القسط الشهري أخري 100 جنية دي إمكانياتي

الكلام دة يحصل مع شعب دخلة معقول مش مع مصر

حرام الي بيحصل فينا دة كأننا من بلد تانية

**mynameh** · 03-07-2009 08:00 PM

وةغير كدة كمان أنا مثلا بعشق عربيتي و بحبها و مش بحب أسوق حاجة غيرها

و علي رأي واحد قرأت تعليق لية :

إزاي أسيب عربية مرسيدس موديل 78 و أركب شيري qq

**ibrahimsaad** · 03-07-2009 08:02 PM

المشروع يبقى كويس فى حاله واحده فقط لما تعوض المواطن بتعويض مناسب يقدر بيه يشترى عربيه محترمه زى البلاد المحترمه

اما مايحدث هنا فى مصر فشئ تانى خالص هو تحالف الحكومه مع لصوص وتجار السيارات من اجل مص دم الشعب اكثر بحجه الحفاظ على البيئه

**yehia** · 03-07-2009 08:18 PM

إذا أردت أن تطاع ... فأمر بالمستطاع .....

يخفضوا أو يشيلوا جمارك السيارات نهائيا (عارف إنه من عاشر المستحيلات) ..... وساعتها لو واحد مشى بعربية أقدم من 20 سنة يبقوا يحاكموه ويديلوا مؤبد بتهمة حيازة مركبة أكل عليها الدهر وشرب وحبس بسجارتين سوبر ...

**n_light** · 03-07-2009 08:23 PM

الكلام مش مفاجئة لان قانون المرور محدد كده للعربيات عموما مش للاجرة بس
بس هما هيطبقوه مفاجاة للناس
واظن كلام رشيد ده بالونة اختبار للناس وبيغمزهم عشان اللي عنده عربية قديمة يحاول يخلص منها

وانا مستني خطوة اقوي ان اسعار الجديد تنزل جامد وتتباع بنفس تمنها في مشروع التاكسي ( الفيرنا وصلت للاربعينات) ومحدش يقول دعم واعلانات لان ده المفروض سعرها الواقعي

وانا عارف ان الحكومة مش بتحدف كتاكيت ومش يهمها مصلحة الناس لكن دي ضغوط من بره عشان اتفاقية الجات وعشان يمشوا حال عربياتهم عندنا بدل ماهي واقفة عندهم كمان

ولو فاكرين كان فيه خبر من كام اسبوع ان الحكومة مش هتفضل تدعم التجميع في مصر بانها تفرض ضرايب وجمارك عالية علي المستورد

ان شايف الاخبار دي كلها مقدمة لمفاجئة كبيرة جاية قريب قوي بعد موسم الصيف ما يخلص ويلاقوا السوق لسه ميت وكمان مع دخول موديلات السنة الجاية ولسه موديلات 2009 و2008 موجودة في السوق

انا متفاءل خير جدا ان علي رمضان والعيد هيبقي فيه مفاجأت قوية جدااااااااااااااااااااااا ااا

**blue_1177** · 03-07-2009 08:34 PM

لو عاوزين ياخدوا قرار زى كده يبقى يشيلوا الجمارك من على العربيات

**إبراهيم.صادق** · 03-07-2009 11:07 PM

المشاركة الأصلية كتبت بواسطة n_light

الكلام مش مفاجئة لان قانون المرور محدد كده للعربيات عموما مش للاجرة بس

أعتقد ان القانون محدد فترة الترخيص للأجرة فقط مش للكل، ده كمان بيسمح لصاحب السيارة الأجرة القديمة أنه يرخصها ملاكي ويستغل لوحات الأجرة في سيارة أخرى جديدة

عموماً اعتقد لو الموضوع ده اتطبق للملاكي ممكن يكون كويس لأنه مش بس بيديلك 5000 جنيه ثمن تكهين العربية القديمة لأ ده كمان بيشيل ضريبة المبيعات والجمارك من الجديدة وده مبلغ وصل لــ20 ألف جنيه في تمن البيجو بارس مثلا في مشروع التاكسي، المهم انه يكون موضوع التقسيط اختياري يعني لو عايز ادفع الفرق كاش واخلص يبقى احسن. كفاية بتوع مصانع العربيات يستنفعوا مش لازم البنوك كمان!!

بس اعتقد ان الموضوع ده لسه بدري عليه لان المشروع اصلا لسه ماتنفذش للميكروباص اللي مكتوب في الخبر

الموضوع: رشيد: الحكومة تدرس وضع نظام جديد لإحلال السيارات الملاكي القديمة على غرار التاكسي

LinkBack

أدوات الموضوع

عرض

-

-

-

-

-

-

المواضيع المتشابهه

مساعد وزير المالية ينفي دخول الحكومة في مشروع لإحلال الملاكي

رشيد: الحكومة تدرس وضع نظام جديد لإحلال السيارات الملاكي القديمة على غرار التاكسي

رشيد : الحكومة تدرس رفع رسوم تراخيص السيارات لتعويض دعم البنزين

الكلمات الدلالية لهذا الموضوع

المفضلات

المفضلات

ضوابط المشاركة