رشيد: الحكومة تدرس وضع نظام جديد لإحلال السيارات الملاكي القديمة على غرار التاكسي

**SeiffoZ** · 04-07-2009 02:01 AM

يا دوب نلحق نبيع ال131

**Ashraf_Ashraf** · 04-07-2009 02:19 AM

وانا اول واحد مش هيشترك فى المشروع ده ومش هسلم عربيتى وسيبها قدام عينى ولا امتع الحكومه ببيع عربيه من بتوع المحاسيب وطبعا شوف التاكسى اتحسب بكام وده المفروض مشروع دخل مابالكم بالملاكى اللى الحكومه شايفاهم اغنياء ولازم يدفعوا

**eslam_wega** · 04-07-2009 02:27 AM

كل دة عشان يخلصوا من العربيات الى عندهم الى هتصدى ان شاء الله

**amrico** · 04-07-2009 06:35 AM

دا في عربيات موديل الخمسينات شغالة لسة
مستحيل يقدروا ينفذوا المشروع ده
مستحيل مستحيل مستحيل

**Lord_Fouad** · 04-07-2009 07:43 AM

يا ترى هيحطوا اعلانات برضو على الملاكي ؟؟؟؟؟ يعني برضو شعار حكومتنا نفع و استنفع

**Samir Elshahawy** · 04-07-2009 11:48 AM

اقتباس:
جاء ذلك خلال الزيارة التى قام بها رشيد مساء الاربعاء لمدينة السادس من أكتوبر والتى إفتتح خلالها مصنعا جديدا لإنتاج تيل الفرامل بإستثمارات مصرية أردينة تصل إلى 32 مليون جنيه ويصل حجم إنتاجه إلى حوالى 15 مليون جنيه ومن المتوقع أن يصل إلى 30 مليون جنيه ويوجه المصنع 65% من إنتاجه للتصدير.
بتهيألي بعد أفتتاح المصنع ده حنحتاج مصنع تاني لتصنيع الطنابير اللي هاتبوظها تيل الفرامل المنتجة محليا

**Samir Elshahawy** · 04-07-2009 11:50 AM

حكومة رجال الاعمال بتاخد قرارات و تنفذها لصالح رجال الاعمال مش لصالح البلد و لا لصالح الشعب

**نور العمر** · 04-07-2009 12:08 PM

يا جماعة هي التصريحات عليها ضرائب
والله العظيم ما حيقدرو يعملو حاجة
لإن الناس بقت على آخرها ومش طايقة
طب سواقين التاكسي مسكوهم من إيديهم في لقمة عيشهم
المواطن العادي حيهددوه بإيه
أنا طبعا مع مشروع الاحلال ده منطقيا
لكن ظروف البلد ودخلها والازمة المالية والكوس
والانانية والحقد الطبقي والمرض النفسي والدخل المحدود
والاحلام المخنوقة وبلاوي متلتلة مش ممكن تخاليهم يوصلوا لحل مثالي لهذه المسالة
مع كل المواطنييييين

لازم يكوووون فيه حروووب على هذه التصريحات من جانب المواطنين
السكووت عنها معناه .... إننا معندناش مانع

انا معنديش مانع ياخدو عربيتي ويدوني اللي نفسي فيها بقسط مريح
وبدوووووووووووون فوائد

واخدين بالكو .......... بدوووووووووون فوائد

ده إللي طبقته فرنسا

تحيا جمهورية فرنسا

**Ahmed Nouh** · 04-07-2009 02:48 PM

ليه يا جماعه بنقول ان الحكومه مش هتقدر تنفذ المشروع ده ؟

بمنتهى البساطه مده محدده مجرد ما تعديها العربيه مش هتجدد الترخيص ساعتها هتمشى بيها ازاى ؟

ده الناس عملت مظاهرات علشان الدقيق والعيش ومحدش عرف ياخد حقه يبقى الحكومه هترجع عن قرارها بسبب تذمر اصحاب العربيات

انا شايف الموضوع فكره رائعه وحاجه محترمه جدا جدا وكنت مستنيها من زمان

كل المشكله بقا تكمن فى التنفيذ مش فى الفكره نفسها

يعنى مثلا واحد عنده عربيه قديمه عايز يخليها يبقى زى نظام برا فحص زى ما قال الكتالوج والعربيه متخرجش من المرور اللى لو كانت فعلا فعلا مفيهاش غلطه مع ضريبه مرتفعه فى الترخيص

اللى مش عايز عربيته القديمه يتم دعمه من البنوك الحكوميه بقرض بدون فوائد واعفاء العربيه الجديده من الضرائب والجمارك وعمل مراقبه صارمه على التوكيلات اللى هتشارك فى الموضوع لضمان بيعهم العربيه بهامش ربح تحدده وزاره الماليه حسب الفاتوره الاصليه للعربيه

كدا كل واحد معاه عربيه قديمه الحكومه خدتها منه ب 5 الاف مثلا وربنا كرمه بفيرنا ولا لانوس ووقفت عليه بعد الغاء الجمارك والضرائب ب 25 ألف يبقى فاضله 20 ألف على 3 سنين مثلا مش أزمه خصوصا ان معلش احنا بنتكلم عن فئه ميسوره الحال تمتلك عربيه والعربيه الزيرو اكيد هتوفر لك مصاريف العربيه القديمه وهيبقى القسط قريب مش بعيد

**nicolass** · 04-07-2009 04:14 PM

ياجماعة فكرة بدون فوائد دى تعتبر ملغية بالنسبة لحكومتنا

بس موضوع الربا ,,,,,,,,,, فى كتير جدا هيرفضوا يشتروا عربيات بالربا ,,,,,,,,,,,, تولع العربية لو ربنا هيحاربنى

الا لو اتعملت بنظام اسلامى واتطبق صح

وطبيعى انه مصاريف العربية فى الشهر بمتوسط 400او500 والكل مظبط حاله على كدا يبقة كمان نحط عليها اقساط ,,,,,,,,,,,,

الموضوع: رشيد: الحكومة تدرس وضع نظام جديد لإحلال السيارات الملاكي القديمة على غرار التاكسي

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مساعد وزير المالية ينفي دخول الحكومة في مشروع لإحلال الملاكي

رشيد: الحكومة تدرس وضع نظام جديد لإحلال السيارات الملاكي القديمة على غرار التاكسي

رشيد : الحكومة تدرس رفع رسوم تراخيص السيارات لتعويض دعم البنزين

الكلمات الدلالية لهذا الموضوع

المفضلات

المفضلات

ضوابط المشاركة