الصيانات الدورية و عدم تغيير الزيوت ,هو فيه كده؟؟

النهاردة نزلت التوفيقية وشارع زكي علشان أجيب فلاتر و بوجيهات و شوية أكسسوارات للعربية أستعدادا لصيانة ال 60000 كم الاسبوع القادم و دار نقاش بيني و بين احد الاقرباء مثلما دار نقاش مماثل مع صديق من حوالي أسبوع أن ما أفعله بسيارتي من صيانات و تغيير للزيوت هو تصرف غير طبعي و أسراف ليس له داعي.

- طبعا سألتهم عن الزيت فاجابوا بدهشة "الزيت ماحدش في الدنيا بيغيره" أي دنيا تلك ؟؟
- شرحت لهم الفرق بين زيوت موبيل 1 و hxp ووجدتهم قد أجابوا "الاثنين بيتغيروا علي 10000 كم"
- طبعا حسب قناعتهم أن كتالوج الصانع مالوش لازمة و ان عدد الكيلومترات ده مبالغة كمان مافيش حاجة أسمها أو كل 3 شهور أو 6 شهور أيهما أقرب

- بصراحة أنا عندما ادخل في مثل هذا النقاش أجد أنه غير مجدي و لكن سألت نفسي :
هو فيه ناس كده فعلا ؟؟
فيه ناس مابتعملش صيانة نهائي لعربياتها لمدة 3 أو 5 سنوات و بعدين تبيع العربية ؟؟
فيه ناس فاكرة أن الصيانة تغيير زيت موتور و بس و كل 10000 كم و ليس وفق نوع الزيت و حالة المحرك ؟؟

فقررت أسألكم يمكن هما صح و أنا غلط و لو أني واثق تماما من معلوماتي و متمسك جدا ببرنامج الصيانة الوقائية الذي أتبعه

معلش طولت عليكوا بس منتظر أرائكم

م/ سمير الشهاوي

باشمهندس سمير
أكيد تصرفك صح 100%
الغريب إن في عقليات مقتنعة بإن صانع العربية و تاعب نفسه بكتالوج (من وجهة نظرهم مالوش لازمة) مش بيفهم , مع إن أكيد من مصلحته إن العربية تبوظ و صاحب العربية يدفع دم قلبه في تغيير قطع غيار من العيار السعري الثقيل .
ربنا يهدي .

:36_1_50[1]::36_1_50[1]::36_1_50[1]::36_1_50[1]:

احنا بلد البتنجان
مع الاعتذار للبتنجان طبعااااااااااااااااا

الصيانة الوقائية اوفر ليك طبعا وده الصح
فى ناس بتسيب الحاجة لحد ما تبوظ خالص وتجر حاجات تانية معاها وده غلط طبعا
ولازم الكشف على الزيوت كل فترة وتربيط العفشة ولو تابعت بانتظام انت اللى هترتاح والعربية هتريحك اكتر

كلامك سليم

وانت بتحمى عربيتك

والله النوعيه دي من الناس عايزه الحرق

النوع ده من الناس هو اللي بيقعد يعيط اما يحصل حاجة في العربية و يقولك عربية أي كلام .

فيه اللي بيخلي عربية يادوب ماشية 50 ولا 60 ألف و خلاص بتقول يالا السلامة .
و فيه اللي بيخلي عربية معدية ال 100 ألف كيلو و صاحبها بيعتمد عليها كأنها زيرو لأنه صاينها كويس و مبيبخلش عليها و بالتالي هي مش هتكسفه أو تقل معاه لأن العربية ببساطة .. ألة .. ماكينة .. لو لم يتم إجراء الصيانة لها الطبيعي إنها هتعطل !

اقتباس:

---

فقررت أسألكم يمكن هما صح و أنا غلط و لو أني واثق تماما من معلوماتي و متمسك جدا ببرنامج الصيانة الوقائية الذي أتبعه

---

مين يقدر يقول على الكلام الصح غلط ......دا حتى بيقولوا بالبلدى ( الوقايه خير من العلاج )

خليك متمسك برأيك

احنا شعب ماشى بالبركة و هى مقولة حق احيانا كثيرة جدا يراد بها باطل و تكون ستارا للاهمال...... ده لينك موضوع فى قسم الدايهاتسو يظهر فيه اهمية الصيانات الدورية سواء الوقائية او غيرها، وفيه (بالصور) تم عمل عمرة لموتور سيارة تيريوس زيرو بعد 23 الف كم فقط لاغير بسبب اهمال المالك فى تغيير زيت الفابريكة....... ثم ان الصيانات الدورية هى المفتاح الى سيارة العمر الطويل بدون مشاكل و حتى لو كان مصيرها البيع فى النهاية الا انه يكفى راحة البال من المشاكل الفجائية طالما السيارة فى حيازتك و ايضا السيارة المصانة جيدا تمنها فيها عند البيع، هذا هو النطق الصحيح...... اترككم مع الموضوع و فيه الرد على من يفترضون عدم اهمية الصيانة الدورية.........
http://www.nilemotors.net/Nile/showthread.php?t=72787

اقتباس:

---

ثم ان الصيانات الدورية هى المفتاح الى سيارة العمر الطويل بدون مشاكل و حتى لو كان مصيرها البيع فى النهاية الا انه يكفى راحة البال من المشاكل الفجائية طالما السيارة فى حيازتك و ايضا السيارة المصانة جيدا تمنها فيها عند البيع، هذا هو النطق الصحيح.

---

الراجل الزين يقول الزين , شكراياباشا

اقتباس:

---

المشاركة الأصلية كتبت بواسطة se_coralsea

النهاردة نزلت التوفيقية وشارع زكي علشان أجيب فلاتر و بوجيهات و شوية أكسسوارات للعربية أستعدادا لصيانة ال 60000 كم الاسبوع القادم و دار نقاش بيني و بين احد الاقرباء مثلما دار نقاش مماثل مع صديق من حوالي أسبوع أن ما أفعله بسيارتي من صيانات و تغيير للزيوت هو تصرف غير طبعي و أسراف ليس له داعي.

- طبعا سألتهم عن الزيت فاجابوا بدهشة "الزيت ماحدش في الدنيا بيغيره" أي دنيا تلك ؟؟
- شرحت لهم الفرق بين زيوت موبيل 1 و hxp ووجدتهم قد أجابوا "الاثنين بيتغيروا علي 10000 كم"
- طبعا حسب قناعتهم أن كتالوج الصانع مالوش لازمة و ان عدد الكيلومترات ده مبالغة كمان مافيش حاجة أسمها أو كل 3 شهور أو 6 شهور أيهما أقرب

- بصراحة أنا عندما ادخل في مثل هذا النقاش أجد أنه غير مجدي و لكن سألت نفسي :
هو فيه ناس كده فعلا ؟؟
فيه ناس مابتعملش صيانة نهائي لعربياتها لمدة 3 أو 5 سنوات و بعدين تبيع العربية ؟؟
فيه ناس فاكرة أن الصيانة تغيير زيت موتور و بس و كل 10000 كم و ليس وفق نوع الزيت و حالة المحرك ؟؟

فقررت أسألكم يمكن هما صح و أنا غلط و لو أني واثق تماما من معلوماتي و متمسك جدا ببرنامج الصيانة الوقائية الذي أتبعه

معلش طولت عليكوا بس منتظر أرائكم

م/ سمير الشهاوي

---

جهل للاسف

مراتي - مالهاش في العربيات خالص غير انها تركب و تربط الحزام :) - بتقول لي انت ليه عايز تصرف 1500 جنيه على تغيير الكاوتش (فاضل 15 الف كيلو على ال 60 الف فباحوش له من دلوقتي)

ملحوظة خارج الموضوع : مراتي من سنتين كانت مستغربة جدا اني كل 10 الاف كيلو باغير زيت نياهاهاهاهاهاها

يا ست الكل اما يتم 60 الف كيلو لازم يتغير

تقول لي ما شفتش حد غيرك بيعمل كده

و هو الكاوتش مش كويس؟ تغيره ليه؟

اقول لها هو انا لازم العجلة تفرقع و انا ماشي على 100 و العربية تتقلب و اموت عشان نغير الكام فردة؟

تقوم مبرطمة و تقول لا حول و لا قوة الا بالله و تسيبني و تمشي



قعدت ساعة بافهمها يعني ايه صيانة وقائية

و يعني ايه ان القطعة ليها عمر

و اني لما امشي بالقطعة بعد العمر انا باجازف بان قطع تانية كتير تبوظ

زي مثلا الكانينة بحوالي 1500

لو مشيت فوق عمرها و ضربت هاخش في عمرة موتور و وش سلندر و صبابات و بلاوي ممكن تقفل 10 الاف


الكاوتش اللي ممكن يفرقع و يقلب العربية

الخ الخ


انما بعض القطع الاخرى ممكن اسيبها لحد ما تبوظ زي اللمبات و البطارية و الدينامو و الحاجات اللي لو باظت مش هتعمل عطل فجائي و انا ماشي بالعربية تخليني اعمل حادثة و مش هتبوظ اجزاء اخرى

بس بتفهم في مين يا معلم




المشكلة بقى - ان دي مراتي يعني واحدة ست و حتى لو معاها عربية عندها جوزها يروح يصين و يظبط العربية و كل حاجة و ده مش مشكلة يعني عذرها معاها انها مش فاهمة في العربيات و الميكانيكيات و كده

المشكلة ان فيه رجالة كبار بشنبات بقالهم سنين راكبين عربيات بيفكروا نفس التفكير ده

ربنا يهدي

كان فيه حالة على احد المنتديات هنا في نايل موتورز

واحد ما غيرش زيت الفتيس

و الكتالوج بيقول يتغير كل 40 الف كيلو

خلاصة الكلام مشي 120 الف كيلو من غير ما يغير

و الفتيس توفى الى رحمة الله

و كان زعلان و بيقول عربية و فتيس زبالة


لا اله الا الله

يا جماااااااااااعة

ماحدش فاهم العربية احسن من صانعها

اللي الكتالوج يقوله غمض عينيك و امشي وراه


و بلاش الفهلوة و البرمجة (من برم مش من برنامج :36_1_1[1]:) المصرية بتاعتنا دي

هو سؤال جانبى مالوش علاقة أوى لأن الموضوع الاساسى محسوم
هو حضرتك ليه بتجيب الحاجات من برة مش بتعمل الصيانة فى الو كيل , و لا دى اللانوس ؟

اقتباس:

---

المشاركة الأصلية كتبت بواسطة ak1981

جهل للاسف

مراتي - مالهاش في العربيات خالص غير انها تركب و تربط الحزام :) - بتقول لي انت ليه عايز تصرف 1500 جنيه على تغيير الكاوتش (فاضل 15 الف كيلو على ال 60 الف فباحوش له من دلوقتي)

ملحوظة خارج الموضوع : مراتي من سنتين كانت مستغربة جدا اني كل 10 الاف كيلو باغير زيت نياهاهاهاهاهاها

يا ست الكل اما يتم 60 الف كيلو لازم يتغير

تقول لي ما شفتش حد غيرك بيعمل كده

و هو الكاوتش مش كويس؟ تغيره ليه؟

اقول لها هو انا لازم العجلة تفرقع و انا ماشي على 100 و العربية تتقلب و اموت عشان نغير الكام فردة؟

تقوم مبرطمة و تقول لا حول و لا قوة الا بالله و تسيبني و تمشي



قعدت ساعة بافهمها يعني ايه صيانة وقائية

و يعني ايه ان القطعة ليها عمر

و اني لما امشي بالقطعة بعد العمر انا باجازف بان قطع تانية كتير تبوظ

زي مثلا الكانينة بحوالي 1500

لو مشيت فوق عمرها و ضربت هاخش في عمرة موتور و وش سلندر و صبابات و بلاوي ممكن تقفل 10 الاف


الكاوتش اللي ممكن يفرقع و يقلب العربية

الخ الخ


انما بعض القطع الاخرى ممكن اسيبها لحد ما تبوظ زي اللمبات و البطارية و الدينامو و الحاجات اللي لو باظت مش هتعمل عطل فجائي و انا ماشي بالعربية تخليني اعمل حادثة و مش هتبوظ اجزاء اخرى

بس بتفهم في مين يا معلم




المشكلة بقى - ان دي مراتي يعني واحدة ست و حتى لو معاها عربية عندها جوزها يروح يصين و يظبط العربية و كل حاجة و ده مش مشكلة يعني عذرها معاها انها مش فاهمة في العربيات و الميكانيكيات و كده

المشكلة ان فيه رجالة كبار بشنبات بقالهم سنين راكبين عربيات بيفكروا نفس التفكير ده

ربنا يهدي

كان فيه حالة على احد المنتديات هنا في نايل موتورز

واحد ما غيرش زيت الفتيس

و الكتالوج بيقول يتغير كل 40 الف كيلو

خلاصة الكلام مشي 120 الف كيلو من غير ما يغير

و الفتيس توفى الى رحمة الله

و كان زعلان و بيقول عربية و فتيس زبالة


لا اله الا الله

يا جماااااااااااعة

ماحدش فاهم العربية احسن من صانعها

اللي الكتالوج يقوله غمض عينيك و امشي وراه


و بلاش الفهلوة و البرمجة (من برم مش من برنامج :36_1_1[1]:) المصرية بتاعتنا دي

---

و لا يهمك يا عزيزي , كلنا هذا الرجل (اللي مراته بتبكته علشان بيصرف قرش علي العربية) ده ناقص تقولي بتحط بنزين ليه ؟؟ هو بيروح فين يعني ؟ :8954[1]:

اقتباس:

---

المشاركة الأصلية كتبت بواسطة AK1981

جهل للاسف

مراتي - مالهاش في العربيات خالص غير انها تركب و تربط الحزام :) - بتقول لي انت ليه عايز تصرف 1500 جنيه على تغيير الكاوتش (فاضل 15 الف كيلو على ال 60 الف فباحوش له من دلوقتي)

ملحوظة خارج الموضوع : مراتي من سنتين كانت مستغربة جدا اني كل 10 الاف كيلو باغير زيت نياهاهاهاهاهاها

يا ست الكل اما يتم 60 الف كيلو لازم يتغير

تقول لي ما شفتش حد غيرك بيعمل كده

و هو الكاوتش مش كويس؟ تغيره ليه؟

اقول لها هو انا لازم العجلة تفرقع و انا ماشي على 100 و العربية تتقلب و اموت عشان نغير الكام فردة؟

تقوم مبرطمة و تقول لا حول و لا قوة الا بالله و تسيبني و تمشي



قعدت ساعة بافهمها يعني ايه صيانة وقائية

و يعني ايه ان القطعة ليها عمر

و اني لما امشي بالقطعة بعد العمر انا باجازف بان قطع تانية كتير تبوظ

زي مثلا الكانينة بحوالي 1500

لو مشيت فوق عمرها و ضربت هاخش في عمرة موتور و وش سلندر و صبابات و بلاوي ممكن تقفل 10 الاف


الكاوتش اللي ممكن يفرقع و يقلب العربية

الخ الخ


انما بعض القطع الاخرى ممكن اسيبها لحد ما تبوظ زي اللمبات و البطارية و الدينامو و الحاجات اللي لو باظت مش هتعمل عطل فجائي و انا ماشي بالعربية تخليني اعمل حادثة و مش هتبوظ اجزاء اخرى

بس بتفهم في مين يا معلم




المشكلة بقى - ان دي مراتي يعني واحدة ست و حتى لو معاها عربية عندها جوزها يروح يصين و يظبط العربية و كل حاجة و ده مش مشكلة يعني عذرها معاها انها مش فاهمة في العربيات و الميكانيكيات و كده

---

اعملها عضوية معانا هنا وهى اللى هتفكرك بمواعيد الصيانة وممكن تروح بدالك تعملها بنفسها
:wink::36_1_1[1]:

اقتباس:

---

المشاركة الأصلية كتبت بواسطة se_coralsea

النهاردة نزلت التوفيقية وشارع زكي علشان أجيب فلاتر و بوجيهات و شوية أكسسوارات للعربية أستعدادا لصيانة ال 60000 كم الاسبوع القادم و دار نقاش بيني و بين احد الاقرباء مثلما دار نقاش مماثل مع صديق من حوالي أسبوع أن ما أفعله بسيارتي من صيانات و تغيير للزيوت هو تصرف غير طبعي و أسراف ليس له داعي.

- طبعا سألتهم عن الزيت فاجابوا بدهشة "الزيت ماحدش في الدنيا بيغيره" أي دنيا تلك ؟؟
- شرحت لهم الفرق بين زيوت موبيل 1 و hxp ووجدتهم قد أجابوا "الاثنين بيتغيروا علي 10000 كم"
- طبعا حسب قناعتهم أن كتالوج الصانع مالوش لازمة و ان عدد الكيلومترات ده مبالغة كمان مافيش حاجة أسمها أو كل 3 شهور أو 6 شهور أيهما أقرب

- بصراحة أنا عندما ادخل في مثل هذا النقاش أجد أنه غير مجدي و لكن سألت نفسي :
هو فيه ناس كده فعلا ؟؟
فيه ناس مابتعملش صيانة نهائي لعربياتها لمدة 3 أو 5 سنوات و بعدين تبيع العربية ؟؟
فيه ناس فاكرة أن الصيانة تغيير زيت موتور و بس و كل 10000 كم و ليس وفق نوع الزيت و حالة المحرك ؟؟

فقررت أسألكم يمكن هما صح و أنا غلط و لو أني واثق تماما من معلوماتي و متمسك جدا ببرنامج الصيانة الوقائية الذي أتبعه

معلش طولت عليكوا بس منتظر أرائكم

م/ سمير الشهاوي

---

والله زى مابقالك كدة اعرف صديقةمعاها تويوتا اكوا موديل 2004 العربية وقفت بيها ومش عاوزة تمشى ولا سحب ولا غيرةكانت عاملة 70 الف كيلواتصلت بالتوكيل جاب الونش وجاه شالها بقالها ايه اللى حصل قالتلى العربيه وقفت منى قولتلها مش انتى بتعملى الصيانة بتاعتها فى ميعادها قالتلى صيانة ايه
قولتلها زيت الموتور وزيت الاتوماتيك قالتلى انها مغيرتشى زيت غير مرة واحدة فى 10 الاف كيلو والسوائق اللى غيره قولتلها كتر خيرها انها مشيا معاكى كل دة ومعملتشى حاجة

طبعا حضرتك صح مليون %
ومتغيرش طريقتك
هو في بنيآدم بيعيش من غير رعاية
العربية زي البنيآدم بالظبط
عاوزة عناية ورعاية ومتابعة

اقتباس:

---

المشاركة الأصلية كتبت بواسطة mekawybeeh

هو سؤال جانبى مالوش علاقة أوى لأن الموضوع الاساسى محسوم
هو حضرتك ليه بتجيب الحاجات من برة مش بتعمل الصيانة فى الو كيل , و لا دى اللانوس ؟

---

الياريس بأعمل صيانتها في التوكيل أما اللانوس بأعملها عند مركز خدمة أنا بأثق فيه و بيكون الشغل قدام عيني و تحت أشرافي علشان كده بأجيب قطع الغيار بنفسي

اقتباس:

---

المشاركة الأصلية كتبت بواسطة SE_coralsea

و لا يهمك يا عزيزي , كلنا هذا الرجل (اللي مراته بتبكته علشان بيصرف قرش علي العربية) ده ناقص تقولي بتحط بنزين ليه ؟؟ هو بيروح فين يعني ؟ :8954[1]:

---

تصدق كنت فاكر ان انا و مراتي بس اللي كده

طمنتني

ده انا باروح الصيانة و هي بتبقى حاسة انها فلوس رايحة

تفهم في مين بقى ان اكرم العربية تكرمك هينها تهينك و ان العربية دي اللي شايلانا مشاوير و فسح و سفر و اللذي منه

Sigh !!!!

اقتباس:

---

المشاركة الأصلية كتبت بواسطة BASKOTA

اعملها عضوية معانا هنا وهى اللى هتفكرك بمواعيد الصيانة وممكن تروح بدالك تعملها بنفسها
:wink::36_1_1[1]:

---

يا ريـــــــــــــــــــــــ ـــــــــــــــت بس هي مالهاش في النت اصلا و لا الكمبيوتر بتكرههم هههههههه

اقتباس:

---

المشاركة الأصلية كتبت بواسطة alisleman

والله زى مابقالك كدة اعرف صديقةمعاها تويوتا اكوا موديل 2004 العربية وقفت بيها ومش عاوزة تمشى ولا سحب ولا غيرةكانت عاملة 70 الف كيلواتصلت بالتوكيل جاب الونش وجاه شالها بقالها ايه اللى حصل قالتلى العربيه وقفت منى قولتلها مش انتى بتعملى الصيانة بتاعتها فى ميعادها قالتلى صيانة ايه
قولتلها زيت الموتور وزيت الاتوماتيك قالتلى انها مغيرتشى زيت غير مرة واحدة فى 10 الاف كيلو والسوائق اللى غيره قولتلها كتر خيرها انها مشيا معاكى كل دة ومعملتشى حاجة

---

ده كتر عشرميت خيرها مش خيرها بس !!!!!!

يوجد فئة ليست فليلة من الناس ملهاش دعوة بالضمان خالص و لا صيانة العربية الدورية

مجرد اول ما يحس بحاجة غلط في العربية يبدأ يدور على العيب و يشوف اية اللي المفروض يتغير .. .. و هكذا

انا مقتنع بصراحة ان العربية لازم فعلا -زي ما الأخوة الأعضاء قالوا- يتعملها الصيانة الدورية دي كوقاية عشان العربية يبقى يعتمد عليها ..

شكراً

اقتباس:

---

المشاركة الأصلية كتبت بواسطة motorizer

النوع ده من الناس هو اللي بيقعد يعيط اما يحصل حاجة في العربية و يقولك عربية أي كلام .

فيه اللي بيخلي عربية يادوب ماشية 50 ولا 60 ألف و خلاص بتقول يالا السلامة .
و فيه اللي بيخلي عربية معدية ال 100 ألف كيلو و صاحبها بيعتمد عليها كأنها زيرو لأنه صاينها كويس و مبيبخلش عليها و بالتالي هي مش هتكسفه أو تقل معاه لأن العربية ببساطة .. ألة .. ماكينة .. لو لم يتم إجراء الصيانة لها الطبيعي إنها هتعطل !

---

+11111111