المشاركة الأصلية كتبت بواسطة mohamed_rashad
الله يسلمـك, شكرا للأخ الكريم رحلتي مختلفة عشان أنا مقيم في رومانيــا فكل اللي عملته جهزت كل متطلبات الرحلة و لوازم البحر و خلافه و بالعربية المشوار حوالي 1000 كيلو متر ذهاب و عودة من المدينة اللي أنا عايش فيها في رومانيــا حتى مدينة كونستانسا. الرحلة من مصر لازم تروح الأول لشركة سياحة إسمها شركة البحر الأحمر في ميدان التحرير اللي هم برده وكلاء شركة الخطوط الجوية الرومانيــة "تـاروم" و تبلغهم إنك عاوز تطلع سياحة على رومانيا سواء سياحة شواطئ و منتجعات او سياحة قلاع و متاحف تاريخية أشهرهم طبعا قلعة دراكولا اللي انا ساكن قريب منها على فكرة. و الشركة دي هي برده المسئولة عن إصدار تأشيرات السياحة لرومانيــا و حجز الفنادق المدة اللي حضرتك ناوي تقعدها في رومانيــا عموما متوسط سعر الليلة في فندق3 أو 4 نجوم 50 يورو أو 60 يورو. بعد عمل مقابلة شخصية مع حضرتك بمعرفة المدير التنفيذي لشركة السياحة اللي هم زي ماذكرت برده وكلاء الخطوط الجوية الرومانيــة بيسأل حضرتك المدة المطلوبة للسياحة و بيحجزلك الفندق و تذكرة الطيارة. إسم المدير التنفيذي على ما أعتقد أ. علاء و بيانات الشركة كالآتي:
8أ شارع قصر النيل-وسط البلد- ميدان التحرير
تيلفون: 25793355 أو 25784477 أو 25766699 أو 25766655
فاكس: 25766622
و بالتوفيق إن شاء الله و أي سؤال أو إستفسار أنا تحت أمرك.
tel: 02-25793355, 02-25784477, 02-25766699, 02-25766655fax: 02-25766622
tel: 02-25793355, 02-25784477, 02-25766699, 02-25766655
fax: 02-25766622