شكرا جزيلا سامح .
انا كده عرفت هما ماتوا ليه !! و كده بقي لما يموتوا المرة الجاية ابقي عارف السبب :)
عرض للطباعة
شكرا جزيلا سامح .
انا كده عرفت هما ماتوا ليه !! و كده بقي لما يموتوا المرة الجاية ابقي عارف السبب :)
لأ إن شاء الله مايموتوش تانى ولا حاجة :)
وعموماً هى هواية جميلة لو عايز ترجعلها تانى ، عيبها الوحيد إنها وجع دماغ شوية لو مش بتحبها هتزهق من الرعاية الكتير
بس بتعمل برستيج حلو للبيت وكمان ممكن تسرح قصاده بالساعة والساعتين ، ولو دخلت فى الموضوع شوية هتلاقى نفسك بتفرخ أجيال جديدة وتعزل وتولد وتكبر الصغيرين وحاجات غريبة جداً ، يعنى هيبقا ليك العالم بتاعك الصغير اللى إنت عمال تظبطله كل حاجة حرارة وأكسجين وأكل ودواء وعيال بتتولد وقصة جميلة كدة :)
اهم حاجه في الغسيل ابعد عن الكيماويات تماما يعني متغسلش الحوض بشويه بريل ولا اي منظف دا مش كبوت عربيه
السمك بيتاثر باقل حاجه والقواقع (المكرونه) بتتغلي بميه وملح وبعد كده بتغسله كويس جدا جدا بميه بس لغايه لما الميه اللي نازله منه تبقي رايقه
انا معايا حوض سمك من 4 شهور بس بجد متعه متعه لدرجه اني بفكر ارجعه لصاحب المحل حتي لو هخسر فيه
رغم اني لم اسجل حاله وفيات في السمك حتي الان بس حاسس اني جاليي هسس بسبب الموضوع ده وبيكلف مش رخيص
شكلك فاهم يا نصة :colsmil:
طيب سؤال لحضرتك
المياه اللي في الحوض بعد نزول السمك بتتغير
وكل كام يوم
وطريقة التغيير
وأيه أفضل أنواع السمك شكلاً وأطولها عمراً وأكثرها بيضاً :36_1_1[1]:
ألف سلامة عليك يا ganaahonyباشا من الهسهس .:_Alshmokh22[1]:
أنا بئه بيجيلي هسهس لما بشوفه عند حد أمال لما يكون عندي هعمل أيه .:rfds:
يا رواقتكم
انا مرة عرفت ان جايلي قفص عصافير هدية
قلتهلم لا بلاش مش عايزاه لما اربي العيال الاول ابقى اربي عصافير :fdsa:
هههههههههههههه:36_1_1[1]::36_1_1[1]:
بجد موقف مضحك جدا
انا فاكر برده وانا صغير جالى عصافير هديه
قالتلى بدل اما تربوا العصافير ربوا نفسكم !:colsmil:
طبعا انا مفهمتش قصدها وافتكرتها بتقول كدا عشان مش عاوزه العصافير :fdsa:
اه صحيح سؤال كدا على السريع
هو العصافير بتستحمى ؟؟!
يعنى بتتغسل كل فتره ولا لا ؟
هواية جميلة فعلا و محتاجة فلوس كتيير علشان تعمل حاجة تبسطك و تفرحك
انصحك تبدأ واحدة واحدة يعنى كل ما يبقى معاك مبلغ اشترى حاجة و شيلها على جنب لغاية ما تكون كل عناصر الحوض (فرش ارضية و موتور هوا و خراطيم ) و أشترى حوض كبير على قد ما تقدر ..الحوض الكبير اسهل و اريح لانه مش بيتوسخ بسرعة و بيحتاج تغير مياه كل اسبوعين مثلا (على حسب عدد السمك و قوة الفلترة)
السمك ممكن يموت من عوامل كتير
ممكن تكون الميه ملوثه او فيها الكلور عالى شويه دى لو ميه حنفيه
ممكن تكون جبت سمك بيعيش فى درجه حراره ميه معينه ولما حطيظه عندك كانت درجه حراره الميه عاليه فمات
ممكن يكون السمك الى حضرتك اشتريته كان مريض مرض مش ظاهر يعنى
وممكن نقل السمك من حوض لحوض ووضعه فى الحوض بتاعك علطول عملو صدمه من تغيير درجات الحراره
وممكن برضه تكون الميهالى فى الحوض الى عند البياع كانت لوثه وانت لما فضيت كيس السمك فى حوضك الميه الملوثه اختلطت عندك
نصيحه : نضف الحوض كويس وبلاش اى مواد كيماويه فى التنضيف زى سائل الاطباق او منظف غسييل او الكلام ده
نضفه كويس بشويه ميه وسفنجه وشويه ملح صغيرين علشان الملح عاده بيطهر الحوض ومتنساش تغسله بميه عاديه بعد كده علشان ميبقاش فيه بواقى ملح تموت السمك
نيجى للجرش "الى هو فرش الارضيه " زى مالاخ الفاضل قال .. ده تحطه فى مصفه وتفتح الحنفيه عليه علشان ينزل الرمل والشوائب الى فيه
ومن تجربتى انا كنت بحط الجرش ده فى حله كبيره وفيها ميه واغليه علشان اموت اى ميكروبات واسيبه لما يبرد خالص او ابرده بميه بارده وافرشه فى الحوض
واحط ديكوراتى واللعب بتاعتى والتيرمومتر وفلتر الهوا
وحط فيه ميه من الحنفيه وشغل الفلتر وسيب الحوض شغال 3 ايام فاضى من غير سمك ..ده لو انت مش عايز تحط مزيل كلور
فى الفتره دى ميه الحوض هتبقى مليانه اكسجين وكلور وبعد 3 ايام هتتظبط معاك والفلتر هيكون البكتريا النافعه
وتبتدى تحط الاسماك حسب احتياجاتك وميزانيتك فى سمك بيبدأ من 2 جنيه الواحده وانت طالع ..
بالنسبه لموت الاسماك ده شىء طبيعى جدا وعادى وبيحصل علطول .. اهم حاجه تحافظ على نضافه الميه .. وابقى غير نصف او تلت ميه الحوض كل اسبوعين
اه وفى حاجه كمان نسيت اقولها .. متغرقش الحوض اكل سمك علشان السمك بياكل الى يقدر عليه والباقى بيترسب فى الحوض ويعكر الميه ويكون امونيا ودى ممكن تموت السمك ..ممكن تأكله مرتين فى اليوم يعنى تحط حبه صغيرين اكل ولما يخلصو حط تانى ولو شبعو اكل ممكن تلم زوايد الاكل بالبتاع الشبك الصغير ده مش فاكر اسمه وهات سمكه اسمها بيلكو ستوماس او الى بتمسح الزجاج علشان مفيده جدا وهتنضفلك الماده الخضرا الى بتطلع على الزجاج .. ده من حكم تجربتى الشخصيه
واى خدمه
شوف ياباشا الموضوع شرحه يطول ومحتاج شوية قراية وخصوصا انك مبتدء
شوف الموضوع ده (منقول)
طريقه تربية اسماك الزينه وكيفية عمل حوض لها (صور).*لنبدأ في بناء حوض من المياه العذبه لانه اسهل من حوض مياه البحر ان كنت مبتدئا اختر لنفسك حوضا كبيرا قد يتعدى حجمة الستين ليترا على الاقل.
* كلما ازداد حجم حوضك سيتسع لمزيد من السمك وعدد الاسماك يعتمد ايضا، على احجامها.
* تنص القاعدة على تأمين اربعة ليترات من الماء لضمان الاحتياجات الحيوية من مساحة واكسجين لسمكة تبلغ الثلاثة سنتيمترات. وستكفي كمية المياه نفسها لسمكتين، يبلغ طول كل منها واحد ونصف السنتيمتر.
* سطح الحوض المحدد بطول وعرض المستوعب يجب ان يؤخذ بالاعتبار عند شرائك الحوض.
فمن خلال سطح الحوض يدخل الاكسجين الذي هو مادة حيوية لتنفس الأسماك الى الحوض.
* ضخ الهواء في الحوض يعزز من تهوية المكان بكل بساطه، وذلك بتحريك سطح الماء.
* حين تقوم بتركيب الحوض، يجب ان تقوم اولا بتغطية قاعدته بالحصى. وتزيينه. ولا بد من غسل الحصى اولا.
ليتم وضعها في الوعاء بعمق اربعة سنتيمترات على الاقل. او على شكل اكوام ان كنت تفضل ذلك.
* قاعدة الحصى هذه تفيد كقاعدة للحجارة والاخشاب التي يحتاجها السمك لللاختباء فيها. وستفيد ايضا كتربة، لنباتات مائيه.
* النباتات المائية حليف لا بد منه فبفضل اعتمادها على عملية الفوتوسينتيسيس التي تجري في اوراقها، تؤمن النباتات مصدرا اضافيا للاكسجين المحلول الذي يمكن للسمك ان يستهلكه مباشرة.
* بالمقابل تمتص النبتة جزءا من ثاني اكسيد الكربون الذي تطلقه الحيوانات عند تنفسها.
بأوراقها تمتص النباتات المعادن ومركبات النتروجين، كما هو حال ايون النيترات والامونيوم الناجم عن فضلات الاسماك واوساخها.
* الإناره *
لكي تنمو تحتاج نباتات الماء الى كميات كبيرة من الأناره.
* تحل الانارة الصناعية محل انارة اشعة الشمس. فهي اسهل للتحكم
ولا بد هنا من التحكم اليومي بكميات الاناره وذلك من خلال جهاز توقيت والا فأن زيادة الانارة قد تؤدي الى نمو اعشاب لا نرغب بها.
* قبل وضع النباتات لا بد من ملء الحوض بالماء, نوعية الماء مسألة هامة جدا اذ لا بد من ازالة الكلور اولا بالبخار ذلك لأنه سام.
* افضل وسيلة للاحتفاظ بنوعية المياه هي بأستخدام مصفاة مياه خارجيه.
* تقوم المصفاة بجعل الماء يمر عبر مادة عادة ما تكون من الأسفنج او الفحم المنشط تخلي الماء من الشوائب قبل ان تعيدها الى الحوض.
هذا الفلتر الالي يمكن ان يتحول مع الوقت الى مصفاة بيولوجيه. والحقيقة ان البكتيريا تميل الى النمو ايضا في مساماة المادة المستخدمة كمصفاة.
* تعتبر هذه المكروبات العضوية مفيدة جدا خصوصا وانها تعتاش على المواد الغير مرغوب بها لتحولها الى مركبات يمكن للسمكة ان تمتصها.
* تحتضن الحصى ايضا كميات من انواع البكتيريا، لهذا تقوم ايضا بدور المصفاة على اعتبار ان الماء يمر من اعلى الى اسفل الحصى وبالعكس نحو الحوض ايضا.
* رغم هذه الاحتياطات من الضروري تجديد الماء بأستمرار وبكميات صغيره.
* قبل ادخال السمكة الى بيتها الجديد ينصح بأن يوضع كل ما يلزم مسبقا في الحوض لمدة اسبوع وخصوصا الفلتر ليساعد ذلك على ايجاد ظروف استقرار في الحوض.
* حين يصل الامر لأختيار السمك، هناك مئات الانواع التي يمكن الاختيار منها خصوصا وان هناك انواع تنمو وتحيا بسهولة اكبر من غيرها.
* كما توجد انواع ترفض ان تعيش اسماك اخرى في محيطها حتى انها ترفض اجيالا اخرى معها وان كانت من نوعها تحديدا.
* حين تشتري السمك يجب ان تعوده على درجة الحرارة التي في الحوض بأن تترك الوعاء الذي جاء فيه يطفو لبعض الوقت في الماء و من الافضل ان تبدأ بوضع سمكة او اثنتين في الحوض اولا لتضيف اخرى بعد اربعة او ستة اسابيع على الاقل.
* نظام التحكم الثابت بالحرارة يساعد على استقرار الماء في الحوض يجب تثبيت الحرارة بين العشرين والثمانية والعشرين درجة وهي افضل درجات حرارة لغالبية الاسماك
* بالنسبة للطعام *
* من الافضل تغذية السمك بأستمرار وبكميات قليله بحيث يستهلك الغذاء خلال بضع دقائق. لان الاكثار من الطعام يمكن ان يلوث الماء.
* بعد ستة اسابيع من ادخال السمك يمكن ان تضيف النباتات اليها سيكون هناك ما يكفي حينها من الاغذية بين الحصى وفي الماء لضمان نموها.
* يتطلب الابقاء على حوض سمك منزلي عناية كامله ولكن مكافأته اكبر فهو يمنحك فرصة التمتع بحيازة قطعة من التوازن البيئي الذي استهلك ملايين السنين حتى يكتمل.
والأن اترككم مع هذي المجموعه الرائعه من احواض السمك
http://home.btclick.com/electricstag...photos/571.jpg http://home.btclick.com/electricstag...photos/611.jpg
http://home.btclick.com/electricstag...photos/521.jpg http://home.btclick.com/electricstag...os/az33008.jpg
http://home.btclick.com/electricstag...photos/511.jpg http://home.btclick.com/electricstag...photos/491.jpg
http://home.btclick.com/electricstag...otos/33055.jpg http://home.btclick.com/electricstag...os/az33043.jpg
http://home.btclick.com/electricstag...ity_Palm/5.jpg http://home.btclick.com/electricstag...os/az33023.jpg
http://home.btclick.com/electricstag...os/az33026.jpg http://home.btclick.com/electricstag...os/az33014.jpg
http://home.btclick.com/electricstag...os/az33048.jpg http://home.btclick.com/electricstag...os/az33031.jpg