الموضوع: حوض سمك أجلس أمامه أنسى نفسي .

المشاركة الأصلية كتبت بواسطة Sameh

إنت شاكلك دايس جامد فى الموضوع
بس معلش سؤال مش ال Python ده اللى بيبلع حاجات كبيرة كدة قد البنى آدميين وهم صاحيين
كويس إنك إتخلصت من التمساح الصغنون اللى كان عندك ، لأن اللى كان عند قريبى كان صغنون برضوا وبعدين بدأ يكبر زى العفريت وبقا ينط برا الحوض الزجاج اللى كان فيه مع إن كان عليه غطا وينزل يجرى على الأرض فى البيت ويعض رجلين البنوتين الصغيرين ، وأنا مرة نابنى من الحب جانب وعضنى وأنا بأكله واسنانه طبعاً زى الإبر وهو صغير كدة ، ماعرفش هو إتخلص من الوحش الصغير ده إزاى بس أعرف واحد تانى رماه فى النيل ودى أكتر حاجة غبية ممكن تتعمل

إبقا إسأل أى حد بيطرى لو فيه أمصال للهامستر يبقا كدة تمام ، لأن أعتقد العيلة دى إتهرت تجارب وكل حاجة فيها معروفة وليها أدوية

السمكة اللى ماتت فى خناقة دى إحتمال تكون فايتر ، وهو إسمه كدة عشان مش بيعيش إتنين ذكور فى نفس الحوض أبداً وبيفضلوا يتخانقوا لحد ما واحد يموت التانى

بس إيه موضوع ال python ده بجد ؟؟؟

بص كاتبين عنه إيه :

If you are seriously thinking of getting a burmese python, DON'T.
Unless you are ready to deal with an adult python that

gets huge!
requires a huge enclosure
is expensive to feed
defecates like a horse
can live up to 25 years
requires more that one person to handle safely
could kill you or a family member by mistake


No kidding! Click here to read about a Colorado family that found out the hard way
that a free roaming 11 foot burmese python can pose a mortal threat to unsuspecting family members.
This is not to say it is impossible to safely keep a burmese python. The point is that you should find out
ahead of time just what you are in for. THINK before you buy that burmese python!

Remember, these animals grow fast. Their adult size is NOT determined by the size of their enclosure.
Also, there is absolutely no market for selling adult pythons.
People have trouble giving them away and many end up being euthanized. If you are still determined to get a burmese python, get good information first.
Try Melissa Kaplan's ... page for a burmese python care sheet.

يعني بحب أقرا و العب في الحاجات دي سامح باشا

موضوع التمساح الصغير ده الناس بتبقي فاكرة إنه لو عضك ممكن ياكل صباعك و يقطعه مثلاَ بس هو بيفتحه بس كدة زي جرح سكينة .. بتبقي رخمة بس مش خطر يعني .. و هو مشكلته في السيطرة فعلاَ .. كل يوم بيكبر فيه بتفقد جزء من السيطرة عليه و هو بيزيد قوة فا هتلاقي في موقف ما ملكش سيطرة خالص ! و طبعاَ موضوع يترمي في النيل ده خطر جداَ و قبل كدة كان فيه حادث شهير لتمساح كان هياكل واحد في الكيت كات و الناس قعدت تقول التماسيح بقت تعدي من السد العالي و البلد مبقتش أمان و طلعت إشاعات غريبة كدة ! و هو كل الموضوع واحد كان مربيه و اما كبر رماه في النيل .. و التمساح رعا نفسه لحد ما كبر

هسأل في موضوع الهامستر عشان أبقي في الأمان فعلاَ و ساعة ما كنت بجرب السمك مكنتش أعرف فعلاَ إذا كان فيه أنواع مينفعش يجتمع ذكرين في حوض واحد بس كان فيه سمكتين بيهروا بعض ضرب لدرجة واحدة موتت التانية .

بالنسبة للبايثون ده موضوع كبير .. هو يقدر يبلع حاجات كبيرة فعلاَ زي خنزيرين ورا بعض .. غزالة .. أو بني أدم و بيموتها بالإلتفاف حواليها و إقباض عضلاته لحد ما عظامها تتكسر و متعرفش تتنفس .. يقوم يبتدي يبلع بقي .. و لو أكل حاجة كبيرة بيقعد في الشمس في هدوء فترة كبيرة جداَ لحد ما يهضم .. الفكرة فيه إن الواحد لازم أول حاجة يدرسه كويس جداَ لأنه مبيعملش أي حاجة بدون إشارة قبليها و مش بيتصرف من نفسه .. يعني هو كحيوان مفيش جواه شر يعني ! حيوان عادي .. بس كذوات الدم البارد بيتصرف وفقاَ للدافع مش العاطفة .. عكس الكلب مثلاَ عنده عاطفة قوية جداَ و لو عاقبته علي موقف بعديها بيفهم إنت بتعاقبه ليه .. ذوات الدم البارد .. دوافع فقط .. بمعني لو جوعته هيفكر ياكلك و مش هيميز صاحبه ولا مش صاحبه لأن الدافع اللي جواه إنه جعان .. لو حطيته في بيئة غريبة و ضغطت عليه و إضايق هيعضك لأن الدافع اللي جواه التوتر .. و ده بقي اللي سنانه إبر حقيقية !! و قوة قكه رهيبة .. لذلك لازم تبقي دارس كويس ال body language عنده عشان تعرف إمتي إضايق و تعرف تتصرف معاه .. و فيه أدوات عشان تأكله بيها .. يعني طول ما إنت مش مضايقه هو مش هيضرك .. لو حطيته في بيئة غريبة أو موقف غريب هيتوتر و هيبقي عدواني

المشاركة الأصلية كتبت بواسطة Sameh

طيب أكيد لو ناوى على بيثون هيكون حجم صغير مش كبير ، ده على أساس إن الصغير بتاع العملاق ده هيبقا حاجة كدة مش أقل من متر مش كدة ؟
هل الحاجات دى بتدخل البلد بسهولة ؟

أنا مرة جبت سمكتين إسمهم سناك هيد ، وبعد يوم فوجئت بإنهم أكلوا حوالى 30 سمكة من الحوض برغم تقارب الحجم ، وبعدين طلع إن فكهم زى فك التعبان مش مرتبط ببعضه وبيفتح واسع أوى وبصفين سنان ، وعرفت إنهم ممنوعين من دخول مصر أصلاً بس داخلين تهريب وإن النوع ده ممنوع فى أمريكا نفسها من 2004 عشان خطورته على التوازن البيئى لأنهم بيعتبروها top predator ومالهاش منافسين فى النظام البيئى ، النهاردة معايا لسة واحدة من الإتنين بعد لما واحدة منهم أكلت زميلتها ومحتاس باللى فاضلة دى ومتورط بيها مش عارف أوديها فين ومش عارف أجيب أنواع كتير عشان خاطر الست هانم وبقها الكبير

أكيد البيثون هيبقا ممنوع برضوا ومش هينفع يخش عادى كدة

هى جرأة منك الصراحة ومغامرة جامدة إبقا إحكيلنا عليها لما تعملها

أولاَ أسف علي تأخير الرد سامح باشا بس أصله هيبقي طويل و عايز مزاج فا قلت أستني عشان أديله حقه .

هو طبعاَ أي حد هيبدأ يقتني تعابين "لازم" يجيب تعبان صغير مش يروح يجيب بايثون عملاق يبدأ بيه عشان يشوهله وشه و يموت ولاده ! لأنه لازم ياخد علي طباع التعبان جداَ الأول و ياخد علي أسلوب أكله و طرق هروبه من المكان اللي عاملهوله خاصة إن التعابين من أمهر الهاربين ! و سرعته إلي أخر الصفات .. لذلك لازم يكون بحجم يسهل السيطرة عليه و إلا هتبقي العواقب مش ظريفة .. و تعابين البايثون أنواع و مش كلها ضخمة .. من الأنواع اللي حتي و هي بالغة بتبقي متر بالكتير ال ball python ... و دي مناسبة للمبتدئين .

بالنسبة لبيدخلوا مصر إزاي مش عارف بصراحة بس مش بعيد يكون أصلاَ بيعيش في مصر -مش متأكد من المعلومة- لأن فيه أنواع كتير منه أفريقية .. بس يستحسن إن لا تقتنيه في مصر لأن مش هتلاقي أدوات الرعاية الخاصة و الرعاية الطبية إلخ .. كمان مش هتبقي عارف تاريخه لأن يستحسن جداَ تجيب تعبان مولود في الأسر عن إنه يكونوا مصطادينه لأنه بيبقي أكثر قابلية كتير جداَ لأنه يكون مطيع و بيكون طباعه سهلة و مش بيتوتر بسهولة .

البايثون مش سام ولا يهاجم غير في حالة الدفاع عن النفس في غالبية الأحيان .. غير إنه زي ما قلت .. كحيوان هو مفيهوش شر يعني ! بس هي طبيعته إنه مفترس .

بالمناسبة فيه برنامج علي قناة ناشونال جيوجرافيك وايلد إسمه python attack حلو جداَ .

لو احتجت اي نوع قطط او اي نوع حيوانات منزلية ممكن أقولك على مكان المحل بيتاعنا , و كمان بنبيع الاكسسوارات بيتاعتهم بالاضافه لأسماك الزينة و الاحواض بيتاعتها

المشاركة الأصلية كتبت بواسطة speed demon666

لو احتجت اي نوع قطط او اي نوع حيوانات منزلية ممكن أقولك على مكان المحل بيتاعنا , و كمان بنبيع الاكسسوارات بيتاعتهم بالاضافه لأسماك الزينة و الاحواض بيتاعتها

ياااااااااااااريت يا باشا
ولو أمكن العنوان
ولو مش هتقل عليك لو فكرة مبدئية عن أسعار الأحواض وإكسسوارتها
يعني مثلاً حوض 60سم بالأرضية والفلتر والإضاءة والترمومتر يكون سعر تقريباً في حدود كام .

بالنسبة للحوض اللي موجود 50x30 سمك الزجاج 8 ملم سعره فاضي 120 جنيه

في واحد تاني 60x50 و عرض 40 كامل بمشتملاته ب 600 جنيه

و واحد تاني نفس المواصفات بس بالطاوله ب1000 جنيه

و لو في أي اسئله تانية تحت أمرك

بالنسبة للعنوان لو الادارة تسمح انا ممكن أحطه على المنتدى لو كده ممكن أبعتهولك على الخاص