الموضوع: أخوكم بقى هيونداوى النهارده وعندى بعض الإستفسارات

اولا الف مبروك العربية وربنا يديك خيرها ويكفيك شرها ثانيا لازم السيور والفلاتر والزيوت تغيرها لانك مش ضامنها اتغيرت امتى ...... الحادفة اليمين ممكن تبقى زوايا فلازم تظبط زوايا والرجة الى بعد المية دى اكيد ترصيص فبردو لازم ترصص ورا وقدام بالنسبة للباور دة عادى هو يعتبر اتقل من اللانسر والاوبترا بس مش تقيل يعنى

بالنسبة للبنزين مش هتحتاج تعدل حاجة حط 90 على طول

المشاركة الأصلية كتبت بواسطة moh_taia

السلام عليكم

الحمد لله بتوفيق من ربنا استطعت اليوم شراء سياره أكسنت 98 1500 سى سى كاربيراتير
العربيه بعد ال 128 ( عربيتى القديمه ) حاجه تانيه خالص - خصوصا انها كانت موديل قديم قوى - بجد أنا سعيد بيها وخصوصا استهلاك البنزين - خيالى - رائع بجد :)

عندى بقى شويه استفسارات أتمنى انى ألاقى عندكم اجابتها ان شاء الله

* أولا انا بسمع ان لازم أغير الزيوت و السيور ايه الى هيتغير بالظبط ؟
يعنى أنا بيتهيألى زيت الموتور وسير الكاتينه و البوجيهات فيه حاجه تانى ؟؟؟

* السياره فيها حدفه يمين بسيطه جدا ملحوظه على السرعات العاليه كمان فيه رجرجه خفيفه فى الدريكسيون لما بكون فوق ال 100 كيلو تقريبا

* الإيريال عندى مكسور ممكن يتغير لوحده ولا لازم المكنه الكهرباء كلها بالإيريال وتكلفته كام تقريبا

* العربيه المفروض انها كامله مانيوال لكن أنا لاحظت ان مفيهاش سنتر فهل السنتر ليس من المواصفات القياسيه للأكسنت ال 1500 ولا هو موجود بس بايظ ؟

* الدريكسيون باور وشغال تمام بس أنا ملاحظ انه تقيل عن عربيات تانيه سوقتها زى الانسر و الأوبترا ( خصوصا فى حالات ثبات السياره أو تحركها ببطْ ) فهل ده طبيعى فى الموديل ده ولا فيه حاجه عاوزه تتراجع ؟

* هى السياره بتيجى بسماعات خلفيه فقط ؟

* صاحب العربيه كان بيحطلها بنزين 80 هو طبعا اقتصاديا كويس لكن أنا ملاحظ ان سحب السياره بيتأخر حاجه بسيطه ما بين الإستجابه وضغطى لدواسة البنزين يا ترى ده هيتغير لو غيرت لبنزين 90
ويا ترى هحتاج أضبط العربيه عند ميكانيكى علشان التغير ده ولا لأ ؟

معلش أسئله كتير أنا عارف لكن أخوكم جديد بقى وبيحب يفهم وعشمى فى ربنا وفيكم كبير
وطبعا الى يعرف اى معلومه أو حاجه جديده أو شىء أنا أغفلته يقوله

شكرا لكم جميعا اخوتى

الف مبروك على العربية
شيك على كل الزيوت الموتور و الباور و الفرامل و الفتيس و الدركسيون
السيور كلهاسير الكاتينة مع سير الباور و التكييف يفضل انك تغيرهم
الحدفة بسيطة اكشف على العفشة كويس وشوف الكاوتش لو كلة سليم يبقى اضبط زوايا و بعد كدة يبثى شوف الهزة دية راحت و لا لا
الايريال ممكن ييجي لوحدة لكن الكهرباء حلو قوي اسال علية استبراد في وكالة البلح اعتقد كان ب 60 جنية
العربية المفروض فيها سنتر ما دام 1500
بالنسبة للباور راجع الزيت بتاعة و شوف كدة في صوت زي حكة بيطلع من المكنة بتاعتة لو كدة غيرلة البلي بتاعة لو كلة سليم متعملش في حاجة لان مفيش صنايعية بيفهموا فية لو ثقيل اوي و حاسس انة مش شغال هاتلة مكنة استيراد و ريح دماغك ب 150 جنية
المفروض فية سماعات امامية في الباب
بالنسبة لبنزين خليك في 80 مفيش فرق ضخم في السحب انت اولى بالفلوس اللي توفرها

شكرا شكرا اخوتى الأفاضل على مروركم وعلى مشاركاتكم المفيده

أخى nour87
الباور مش تقيل قوى لكن فيه نوع من المقاومه محستهاش فى العربيات التانيه ده الى خلانى أسأل
لو شفت واحد معاه العربيه دى هحاول أجرب عنده وأشوف فيه فرق ولا لأ

بالمناسبه مفيش حد من طنطا او قريب منها يكون عنده الكتالوج ؟ يريت يعرفنى علشان أصور الكتالوج منه لأنه مش موجود على النت خالص للأسف ( أقصد ال User Manual )

وشكرا لكم جميعا مره أخرى ويارب تركبوا كل الى نفسكوا فيه

اولا الف مبروك
ثانيا اهنيك على الاختيار دة لاني لسة شاري من 6 شهور والعربية تحفة بصراحه
بلنسبة لاسئلتاك
احسن حاجة تغير زيت الموترو وتشيك على الباقي وتغيركل السيور والبوجيهات
بلنسبة للحدفه دية كانت معايا اول يوم اشتريت فية العربية اظبط زوايا وربط عفشة وكلة هيبقى تمام
الاريال لو موتورة شغال هتجيب عقل بس بحوالي 50 جنية جديد وكان مكسور عندي برضة
السنتر اكيد موجود بس بايظ وبيتصلح عادي كان بيعلق برضة معايا فى الاول وظبطه
الباور برضة ملاحظ انه اتقل من العربيات الى انتة قولتها وسئلت المكانيكي قوتلة ممكن تكون هاف قالي هية كدة مع فارق السنين والتطور برضة
بلنسبة للسمعات بتيجي فى البيبان كمان هي اكيد موجودة بس بايظة او مفصولة
وبنزين 80 انا شغال بية فى الانجيكشن وفى الاخر انا ليا سؤال انتة متاكد انها كارباتير اصل انا ولمرة اسمع عن 1500 كاربرتير وفى النهاية بلتوفيق واي حاجة انا فى الخدمة

المشاركة الأصلية كتبت بواسطة moh_taia

السلام عليكم

الحمد لله بتوفيق من ربنا استطعت اليوم شراء سياره أكسنت 98 1500 سى سى كاربيراتير
العربيه بعد ال 128 ( عربيتى القديمه ) حاجه تانيه خالص - خصوصا انها كانت موديل قديم قوى - بجد أنا سعيد بيها وخصوصا استهلاك البنزين - خيالى - رائع بجد :)

عندى بقى شويه استفسارات أتمنى انى ألاقى عندكم اجابتها ان شاء الله

* أولا انا بسمع ان لازم أغير الزيوت و السيور ايه الى هيتغير بالظبط ؟
يعنى أنا بيتهيألى زيت الموتور وسير الكاتينه و البوجيهات فيه حاجه تانى ؟؟؟

* السياره فيها حدفه يمين بسيطه جدا ملحوظه على السرعات العاليه كمان فيه رجرجه خفيفه فى الدريكسيون لما بكون فوق ال 100 كيلو تقريبا

* الإيريال عندى مكسور ممكن يتغير لوحده ولا لازم المكنه الكهرباء كلها بالإيريال وتكلفته كام تقريبا

* العربيه المفروض انها كامله مانيوال لكن أنا لاحظت ان مفيهاش سنتر فهل السنتر ليس من المواصفات القياسيه للأكسنت ال 1500 ولا هو موجود بس بايظ ؟

* الدريكسيون باور وشغال تمام بس أنا ملاحظ انه تقيل عن عربيات تانيه سوقتها زى الانسر و الأوبترا ( خصوصا فى حالات ثبات السياره أو تحركها ببطْ ) فهل ده طبيعى فى الموديل ده ولا فيه حاجه عاوزه تتراجع ؟

* هى السياره بتيجى بسماعات خلفيه فقط ؟

* صاحب العربيه كان بيحطلها بنزين 80 هو طبعا اقتصاديا كويس لكن أنا ملاحظ ان سحب السياره بيتأخر حاجه بسيطه ما بين الإستجابه وضغطى لدواسة البنزين يا ترى ده هيتغير لو غيرت لبنزين 90
ويا ترى هحتاج أضبط العربيه عند ميكانيكى علشان التغير ده ولا لأ ؟

معلش أسئله كتير أنا عارف لكن أخوكم جديد بقى وبيحب يفهم وعشمى فى ربنا وفيكم كبير
وطبعا الى يعرف اى معلومه أو حاجه جديده أو شىء أنا أغفلته يقوله

شكرا لكم جميعا اخوتى

الف مبروك يابرنسسسسسسسس