عرض للطباعة
السلام عليكم
عاوز أشتري a4 موديل 98 و رحت سوق الجمعة و شوفت علربية حلوه شكلها كده نضيفة فضي رشه بره و فابريكة دواخل أتوماتيك ماشيه 132000 كم صاحبها ماسك علي 63000 جنيه
روحت انا و صاحبها لبنزينه خلف السراج للكشف عليها و قالولي إن ماتورها 75% و العربية من تحت سليمة و دواخل تمام و العفشة متوسطة و الحالة العامة للعربية جيدة و إنها محتاجة سيرفيس و حاجة في الكوبلين مش فاكرها
أرجو الإفادة الماتور 75% ده كدة كويس علي عمر العربية 11 سنه ؟؟؟ و السعر ده كويس ؟؟
متشكر جداا
الماتور معنى ان حالته 75% انه فقد كتير من قوته
هتلاقى سحب العربيه و سرعتها بقت اقل من الاول بنسبه كبيره
يعنى لو كانت بتجيب من 0-100 و هو جديده فى 10 ثوانى مثلا
هتلاقيها دلوقتى بتجيبهم فى 14 ثانيه
حاول تدور على عربيه نضيف تانيه
ولو ملقيتش و لاقيت العربيه ماتورها تاعبك ممكن تشترى واحد استيراد حالته افضل
ممكن يكون السيرفس اللي عايزها العربية يكون مأثر علي حالة الموتور وقت الإختبار يعني بعد عمل السيرفيس قوة الموتور تزيد ؟
حضرتك تقصد الصيانه يعنى (تغيير سيور او فلاتر و زيوت و بوجيهات )
لا حضرتك حاله الماتور متتاثرش بلحاجات دى بشكل يخليه يقل اكتر من (2% مثلا مش اكتر )
عني كل التأير هيكون في التسارع بس ؟؟ و لا كمان مش هتوصل لسرعات قصوي عالية 180 و 200 كم ؟؟
و لو أخودها كده أحافظ الزي علي 75% دول من غير مايفقد الموتور قوة مع الوقت ؟
وكمان السرعة القصوى مش هتقدر توصلها
يا جماعه معلش الراجل بيتكلم على موديل 98
انا شايف ان 75 % مش وحش كويس جدا ومع بعض الصيانه ممكن يوصل ل 78 %
انا لسه شارى واحدة 2003 اوتوماتيك شاريها 79 % قوة ماتور ومش بشتكى من حاجه فى السحب والسرعات العاليه الحمدلله
انا كنت راكب لانوس زيرو وبعتها بعد 3 سنين ماتورها 80 %
انا شايف انه مع بعض الصيانات الدوريه العربيه هتكون زى الفل معاك
بس السعر انا مقدرش افيدك فيه
انا شارى بتاعتى من شهر 2 الى فات 2003 عامله 110 الف ب 84 الف
ومش متابع الاسعار ايه دلوقتى
أنا أشترتها خلاص
مش عارف ليه العربية دي عجباني مع إن كل الناس بيحظروني منها . إن شاء الله ربنا يبارك فيها.
المهم ...
عايز أعمل لها سيرفيس أعمله فين ؟ و أيه أنسب زيت موتور و فيتيس لها ؟
و أجيب الفلاتر منين ؟
مع العلم إني ساكن في مدينة نصر
و شكرااا
فى ورشه فى الواحه بتاعة ايمن وخالد كانوا شاغلين فى التوكيل ممتازين
وشاغالين فى تغيير زيت الفتيس كمان وعندهم قطع غيار بنفس سعر برة واصلى
رقم مهندس ايمن 0105247179 قله انا من طرف مبرمج الكمبيوتر محمد على الى لسه مظبط الكمبيوتر عندك من اسبوعين
ومبروك يا باشا على العربيه وربنا يكفيك شرها ويبركلك فيها
الف مبروك ياباشا
لازم تعملها صيانه و تزبطها بقى
تغيير زيوت و فلاتر و سيور و لو محتاجه شغل فى الكهربا (بوجيهات)
يفضل تنضف الرشاشات بلألترا سونيك كمان
هو استهلاك البنزين فيها عالي اوي كده ليه ؟؟ معدل استهلاكها كام ؟؟
ايوة يا باشا انا اول ماجبتاها زوهلت من استهلاك بنزينها ليه
اولا الاوتوماتيك 4 سرعات والعربيه 1850 كيلو تقيله جدا
استهلاكها جوة البلد 170 او 180 كيلو فى الصفيحه وممكن ساعات 160 لو بتقرص علها
بس على سفر ممكن تعدى 240 فى الصفيحه
75 % كويس جدااااااا علي عربيه مو 98 , الف مبروك ياباشا
الف مبروووك ياباشا
وطمنى عملت الحاجات الى قلولتلك عليها فى التليفون ولا لسة
سكودا a4 موديل 1999
هل يوجد منها 1800 cc ؟؟؟
بس هو مش محتاج العربيه يدخل بيها سباق عشان يشوفها بتجيب من 0 ــ 100 فى اد ايهاقتباس:
المشاركة الأصلية كتبت بواسطة blazer
ماقولت لأاقتباس:
المشاركة الأصلية كتبت بواسطة mga747
أسعار قطع غيار a4 ؟؟