يا جماعه عاوز املى كاوتش الجين 2 نيتروجين ايه رأيكوا ؟ واظبطه على كام ؟ ولو هوا عادي اظبطه برده على كام؟
وعندي حدفه يمين في العربيه هل ممكن اعملها واظبط زوايا وارصص في اي بنزينه نضيفه (كالتكس مثلاً) ولا لازم التوكيل ؟ :rfds:
مع خالص تحياتي
ساري ربيع
عرض للطباعة
يا جماعه عاوز املى كاوتش الجين 2 نيتروجين ايه رأيكوا ؟ واظبطه على كام ؟ ولو هوا عادي اظبطه برده على كام؟
وعندي حدفه يمين في العربيه هل ممكن اعملها واظبط زوايا وارصص في اي بنزينه نضيفه (كالتكس مثلاً) ولا لازم التوكيل ؟ :rfds:
مع خالص تحياتي
ساري ربيع
شوف يا سيدي الكاوتش الامامي 31 والخلفي 28
الكلام ده مكتوب على العربيه نفسها لما تفتح باب السائق هتلاقيهم تحت خالص على اليمين
وبالنسبه للنيتروجين انا بحبذ لأ لانه لو اتعودت عليه الكاوتش مش هينفع تملأه هوا تاني
وبالنسبه للزوايا نصيحه مني تعملها في التوكيل وعن تجربه في سيارتي الجن 2
ايوا هو غالي شويتين اعتقد 110 جنيه ولكن الصراحه بيظبطلك العربيه تماما والطاره من غير بهدله وفك للطاره
تحياتي
مكتوب على الايم
انصحك بالتوكيل بلاش بنزينات لانها هتبقى غالية بردو
والكاوتش ابقى ارفع سماعة التليفون واسئل اى مهندس وهو هيدلك
مع احترامى لباقى الاراء
روح بريدج ستون عباس العقاد املى نيتروجين وظبط زوايا :3_3_102[1]:
وانا بعمل صيانه الــ 10000 قالولى فى التوكيل فيه حدفه يمين محتاجه تظبيط زوايا (انا مش ملاحظها لانها حدفه صغيره جدا)ز قلتلهم ماشى اعملوها .. المهندس ايمن قاللى مافيش عندنا واعملها بره !!!!
قلت عادى مفيش مشاكل .. روحت بريدجستون عملت الاتى:
مليت الاربع فرد نيتروجين 31 امامى و 28 خلفى وركبو غطيان للبلوف لونها اخضر وشالوا الغطيان السوداء علشان تبقى مميزه عن الهواء العادى
وقلتلهم على الحدفه الخفيفه .. المهم عندهم جهاز بالكمبيوتر وبيتوصل بالاربع عجلات وكانت القراءه زيرو ..يعنى مافيش حدفه والعجل مظبوط .. وكان فيه رجلاش فى عامود التوجيه تم ظبط الصواميل بتاعته وكله بقى تمام (الفنى قاللى ان العجل مفتوح شويه وعايز يلم لجوه شويه)
دفعت كام فى المشوار ده ..... ثلاثون جنيها فقط لاغير .. لانى قولت لــ أ/ مصطفى هناك انى من نايل موتورز ومكانش معايا حتى الاستيكر وهو راجل محترم جدا جدا
يا ريت اكون قدرت افيد حضرتك
تحياتى