احسن نوع بطارية جافة اية؟

**night_whisper** · 05-07-2009 12:19 AM

AC-Delco بطارية ممتازة
اللينك القادم ممكن حضرتك تأخذ فية فكرة عن بطاريات AC -DELCO

http://www.acdelco.com/parts/battery/

**samirayad** · 05-07-2009 12:24 AM

نفس تعليق المهندس : أحمد ............مفيش ملاحظات على ال ac delco ............منذ شرائى للسياره من سنتين ونصف تقريبا .......بالعكس أنا شايف أنها نوع كويس فعلا .....لدرجة أن الكبل الموجب كان مهوى عندى من حوالى أسبوعين ....ونزلت أدور ( لقيت البطاريه فاضيه نهائيا ) وكنت ناوى أغيرها .....وجبت زميل بعربيته وعملنا توصيله ودورت .....وحطيت بطاريتى تانى ....وعملت بيها مشوار كويس لشحنها بالدينامو..... .....وبقت زى الفل .....وسافرت العريش 8 أيام ورجعت دورت بيها تانى وزى الفل ( واللمبه خضره والحمد لله بتاعة البيان ) .........يعنى البطاريه تمام

**dr_walid** · 05-07-2009 08:40 AM

المشاركة الأصلية كتبت بواسطة samirayad

ياباشا ........الله يخليك ...وأحنا أخوات ....ولا أزعاج ولاحاجه ......طالما فارتا يبقى جافه ......وحاول تقيس الدينامو (علشان تطمن أن العيب فعلا من البطاريه مش من الدينامو )......لأن لو الدينامو شحنه ضعيف (البطاريه حتنام على طول )....فحاول تشوف كهربائى كويس يطمنك برضه على الدينامو ..........وياريت تقوللى برضه البطاريه بقالها كام سنه فى العربيه بصوره تقريبيه أن أمكن

البطارية بقالها اكثر من سنتين
تقريبا او اكثر شوية اصل شاري العربية بيها

طيب ازاى الكهرباءى يشوف الدينامو بجهاز و لا يفكة
و الدينامو ممكن اي علامةتدل على انة فية مشكلة غير البطارية
وسياتك تنصح اجيببطارية نوعها اية بس جافة
و شكرا لسياتك كثيرا

**dr_walid** · 05-07-2009 08:43 AM

المشاركة الأصلية كتبت بواسطة sherif67

الحقيقة العيب ده كان عندي في العربية من اسبوعين وبعد فحص شحن الينامو اتأكدت انه عيب بطارية رحت لواحد في اول شارع المنيل قبل مؤمن وجبت الفارتا الماني جافة 70 امبير ب 410 جنيه واخد القديمة رأيي بعد التأكد من انه عيب البطارية ان تسرع بتغييرها قبل التعرض لمواقف مش ظريفة مثل تلك التي تعرضت لها قبل شراء البطارية وتقبل تحياتي

ممكن تقولى عمل اية بالضبط علشان يشوف شحن الدينامو
و هو اشترى البطارية القديمة منك و اداك الجديدة وخصم القديمة منها
و هو فين في المنيل انا شغال قريب من هناك

**samirayad** · 05-07-2009 08:57 AM

المشاركة الأصلية كتبت بواسطة dr_walid

البطارية بقالها اكثر من سنتين
تقريبا او اكثر شوية اصل شاري العربية بيها

طيب ازاى الكهرباءى يشوف الدينامو بجهاز و لا يفكة
و الدينامو ممكن اي علامةتدل على انة فية مشكلة غير البطارية
وسياتك تنصح اجيببطارية نوعها اية بس جافة
و شكرا لسياتك كثيرا

أعتقد كده حيبقى العيب من البطاريه ( سنتين وكسور معاك + زيهم مع البائع بتاع العربيه ) يعنى دخلنا فى أكثر من 4 سنوات ..........وبالنسبه للدينامو بيتقاس عادى وهو راكب على المكنه وهى شغاله والطريقه معروفه للكهربائيه الشطار ( الفولت بينقاس بالأفوميتر ...........والأمبير بينقاس ببنسة أمبير ) .......وهات ال ac delco بطاريه كويسه وتمنها معقول ................فى حدود 250 ج

**dr_walid** · 05-07-2009 09:50 AM

[QUOTE=samirayad;944412]أعتقد كده حيبقى العيب من البطاريه ( سنتين وكسور معاك + زيهم مع البائع بتاع العربيه ) يعنى دخلنا فى أكثر من 4 سنوات ..........وبالنسبه للدينامو بيتقاس عادى وهو راكب على المكنه وهى شغاله والطريقه معروفه للكهربائيه الشطار ( الفولت بينقاس بالأفوميتر ...........والأمبير بينقاس ببنسة أمبير ) .......وهات ال ac delco بطاريه كويسه وتمنها معقول ................فى حدود 250 ج[/QUOشكرا جدا يابشمهندس
بس ليل استفسار
اخد بالى ازاى من ان الكهربائى بيقيس صح اصل انا معرفش حد و هاروح لاى واحد
و البطارية هو الى يركبها
اجيبها من اي واحد و اخد بالى من اية بالضبط
اصل لقيت
ان الامبير بيختلف من بطارية لاخرى اعرف لية المناسب بالضبط للسيارة
و سنة الانتاج اخد بالى منها ولا لأ
وشكرا جدا

**samirayad** · 05-07-2009 10:08 AM

ان الامبير بيختلف من بطارية لاخرى اعرف لية المناسب بالضبط للسيارة
و سنة الانتاج اخد بالى منها ولا لأ

حاول تشترى بطاريه أنتاجها جديد بقدر الأمكان وكده كده حتاخد ضمان عليها لمدة سنه من يوم الشراء..... .....ودور على كهربائى شاطر ( أسأل أى حد معرفه ) وسيبها على الله ..............وأن شاء الله خيرا

**dr_walid** · 05-07-2009 12:07 PM

ان الامبير بيختلف من بطارية لاخرى اعرف لية المناسب بالضبط للسيارة

**samirayad** · 05-07-2009 12:53 PM

حتلاقى الأمبير مكتوب عندك على البطاريه .......وأعتقد 55 أمبير حتكون كويسه لأنها اللى شغاله عندى

**maged_tours** · 08-07-2009 11:19 PM

البطارية الجافة مصطلح يطلق علي البطاريات التي لا تحتاج الي صيانة يعني مش بنزودها ميه وبيكون فيها عين سحرية الطبيعي تكون خضراء لما البطارية تكون مشحونة ولونها يكون اسود لما البطارية تكون محتاجة شحن وافضل الانواع الموجودة في مصر فارتا و a c delco تصنيع سعودي ولكن يجب ملاحظة قيمة الامبير الموجود علي البطارية الأصلية يعني متغيرش بطاريتك المكتوب عليها 70 امبير وتحط مكانها بطارية 50 مثلا ممكن يكون الامبير اعلي يكون افضل وفيه طريقة بسيطة لاختبار اذا كان العيب من الدينامو او البطارية انك تفك قطاش البطارية والعربية دايرة وتبعده عن البطارية والعربية في السلانسيه لو العربية بطلت يبقي عيب دينمو لو مبطلتش يبقي عيب بطارية مع ملاحظة سرعة اعادة الكابل لمكانه حتي لا يتأثر الدينمو