اخى الكريم، كان يمكنك ان تعبر عن اختلافك فى الرأى مع فكرة المقاطعة باسلوب افضل من هذا، لان كلامك يحمل اهانة واضحه لصاحب الفكرة
اخى الكريم سبعاوى مع اعتذارى الشديد
خطا غير مقصود للاى عضو او اخ عزيز
بس الكلام ده نابع من حرقة الدم اللى الواحد
بيصتيح بيها على الفطار من اوضاع البلد العجيبة
حسبي الله ونعم الوكيل
حسبي الله ونعم الوكيل
حسبي الله ونعم الوكيل
[غريبة جدا يعني
١٧ طعنة و الحراسة واقفة تتفرج ..و لما فتحوا النار ضربوا جوزها ..
لأنه - وفقا لكلام سفير مصر في المانيا أمس لقناة المحور في برنامج 90 دقيقة - ـ أن رجال البوليس لم يكونوا موجودين داخل القاعة وعند حدوث ضجيج دخلوا واطلقوا النار على الشخص الوحيد الذي ليس له ملامح المانية وبالطبع كان هو الدكتور زوج الضحية !!!!!!
[overline] [/overline][overline]
نظرا لأنني أعمل في نفس الجامعة التي يعمل بها الدكتور المصاب زوج الضحية - وهي جامعة المنوفية - أن شاء الله غدا أبو بعد غد على أكثر تقدير سوف أحضر لكم عنوان الدكتورة - الله يرحمها- لمن يريد أن يرسل تلغراف لأهلها للمواساة والتعذية والمشاركة حتى يشعروا بأنهم ليسوا وحدهم وكل مصري مسلم أو مسيحي بجانهم ويشاركهم الأحزان
[/overline]
المفروض البلد يكون لها موقف ورد سياسي صارم
هم المصريين بقوا أرخص من الفراخ في نظر حكومتهم ولا إيه !!!!
حاجة تحرق الدم
احنا الي رخصنا نفسنا بنفسنا لو مكناش سلبين و بنحط راسنا في الرمل مثل النعام كان زمان لينا كرامه
مش لازم بى ام وفولكس، بس احنا عندنا عشرات الاماركات الألمانية تباع فى مصر دى امثلة منها
ايه إى جى (اجهزة كهربية)،اديداس(ملابس وادوات رياضية)، اليانز (تامين)،basf (كيماويات)،بى ام دبليو(سيارات)، براون(اجهزة كهربية)، بوش(قطع غيار سيارات وعدد كهربية)،بلاوبونكت(صوتيات)، وجو بوص (ملابس وعطور)،دايملر بنز(سيارات مرسيدس)،ديورافيت(منتجات للعناية الصحية)،فابركاسل(ادوات مكتبية)،هنكل(منظفات برسيل واكسترا ومواد لاصقة "اوهو" و كيماويات ودهانات)،كيرتشر(ماكينات غسيل سيارات)،كنور(منتجات غذائية)،كروب(اجهزة كهربية )، لوفتهانزا(طيران)،مايلى(قطع غيار سيارات)،ميتابو(عدد كهربية)،نيوبلان(اتوبيسات السوبرجيت)، نيفيا(منتجات للعناية الشخصية)،اوبل(سيارات)، اوسرام(لمبات منزلية وسيارات)،بوما(ملابس وادوات رياضية)،روترنج(ادوات مكتببية)،سيمنز(اجهزة كهربية ولوازم لوحات كهربية واجهزة كومبيوتر)،شتدلر(ادوات مكتبية)،شويبس (مشروبات غازية)،شفارتسكوبف schwarzkopf(منتجات عناية بالشعر والجسم)،تيسين كروب( مصاعد وسلالم متحركة)،فارتا(بطاريات)، فولكس فاجن(سيارات)، فيللا( شامبوهات ومنتجات عناية صحية)،
ياريت ناخد اى موقف بأه، علشان مايبقاش النهاردة مروة وبكرة حسين وبعده ابراهيم وبعد كدة الحكومات تصدر رخص لصيد المصريين زى ما كانت الحكومات البيضاء فى دول جنوب افريقيا بتصدر رخص لصيد أفراد قبائل الزولو
بيقولك لو الاخ ده اتعاقب اخره 20 سنة سجن ويا فرحتي مش هيرجع اللي راح وحسبنا الله ونعم الوكيل والله يرحمها
انا شايف ان سبعاوي فكرته جيدة
و خصوصا انها كلها منتجات غير قاتلة ولا ضرورية بالدرجة
و بمناسبة اننا في منتدى سيارات ....
مالها الكامري و الليكزس ؟؟
ليه اللي بيدفع 800 الف في عربية فاخرة ..ما يركبش واحدة من دول عربيات محترمة و كبيرة و اعتمادية
و في شعوب ما تركبس الألماني الكبير خالص و بتركب ياباني ..وعايشين ...وهما مش قليلين يعني
و لما مرسيدس و بي ام يلاقوا عربياتهم و قفت و الحجوزات قلت ....
يعرفوا ان عندنا دم زيهم و احر منهم ...و الكلب ده يتعاقب
و المانيا تعتذر لمصر ادبيا و ماديا ..مثلا يكملوا بناء معهد الكبد عندنا و يتسمى باسم الشهيدة
أ و الولد ياخد تعويض مش بس فلوس ..ومزايا في المانيا كمواطن الماني ,هو مش اقل من اي كائن حي اتحرق زمان ولا ماتحرقش بس بياخد تعويضات و اعتذارات للنهاردة ....
وممكن نعلق الزيارة في متحف روميل و المقبرة الألمانية لمدة محددة او مفتوحة و قصرهم على المصريين
اي حاجة ممكنة
بس الدكتورة دمها ما يروحش هدر
المسئول الاول والاخير هو احنا
احنا بثقافتنا بتعاملتنا بشغلنا
لازم يجى اليوم اللى نبقى فيه حاجة بقى
سبعاوي باشا
دانت كده حتوقف حال ناس كتير
طب انا شغال في شركة ألماني من الشركات اللي انت ذاكرها فوق دي , ذنبي إيه بأه , مش كفاية الأزمة الإقتصادية و اللي عاملاه فينا :120146b
أنا عايز أقول حاجه , هي مش دفاع عنهم لكن مجرد توضيح لبعض النقاط
أنا لسه راجع من ألمانيا و هناك شفت ستات محجبات كتير جدا من مختلف الجنسيات , وخاصة الأتراك
لأن ألمانيا فيها جالية تركيه ضخمه جدا بالملايين , ومعظمهم مسلمين و عايشين حياتهم عادي جدا,
و بيلبسوا الحجاب و بيصلوا في الجوامع بدون أي مضايقات , طبعا العنصرية موجوده مش حاقولك لأ
لكنها مش بالصورة البشعة اللي ناس فهمتها من الحادثة اللي حصلت,
و اللي كانت ممكن تحصل زيها بالظبط في أي دولة أوروبيه أخرى و لأي جنسية مسلمة ,
فهي مش قاعده و لا ده إتجاه عام هناك ,
أعتقد إن ده كان إنسان مريض نفسي متأثر بأحداث 11 سبتمبر و الفكرة اللي الغرب و اخدها عن الإسلام و المسلمين
بس برضه أنا باعتقد إن الفكرة دي بدأت فعلا بالتغيير , و الدليل على كده خطاب أوباما الأخير في مصر
حاجة تقرف فعلا ........................ الدكتورة مروة الله يرحمها. فعلا شوية و ننسى اللي حصل و بعدين نرجع نفوق على كارثة أو مصيبة تانية, بلد مابتفوقش إلا بالكوارث و المصايب. ربنا يستر.
رجاء عدم تحويل الموضوع لمسارات أخرى
الإدارة ..
باعتذر عن مشاركتى السابقة , الموضوع مش طرمخة الموضوع اكبر من كده
و لانى لقيت نفسى جاهل , بحثت على الانترنت عن الموضوع و العقوبة المتوقعة
نتيجة للحريات المعمول بها فى المانيا بيفرقوا بين نوعين من القتل Murder , Manslaughter
او القتل و القتل الخطأ
لو الحيوان ده اتحاكم على القتل حياخد سجن مدى الحياه
و لو قتل خطأ من 5-15 سنة و قريت ان فى ناس بتاخد وقف تنفيذ
الكارثة ان فى مقالات بتقول ان الجريمة حتعامل قتل خطأ لان المرحومة توفت بعد الطعن بشوية
بالبلدى كده ده لو عندنا يبقى اسمه قتل مع سبق الاصرار و الترصد و ياخد اعدام وش
ربنا يستر و يرحم الفقيدة , و بالقطع اضم صوتى للاخ الفاضل سبعاوى فى حملة المقاطعة
و ممكن بافتراض ان المانيا ما زالت دولة محترمة, نبعت ميلات مؤدبة لجهة قانونية المانية او منظمات حقوق انسان دولية
و نقول فيها ان دى Hate crime ولازم المدعوق ده ياخد اقصى عقوبه, و حسب ما فهمت انه عنصرى جدا و معروف فى دريسدن بكده
ربنا يرحمها رحمة واسعة و يدخلها فسيح جناته و يصبر زوجها و اهلها
ربنا يرحمها ...
ياما نفسى أعمل حاجات كتير قوى ...
ميركل تبحث مع مبارك مقتل مروة الشربيني
أعلن متحدث باسم المستشارة الألمانية أنجيلا ميركل أن مركيل ستبحث مع الرئيس المصري حسني مبارك حادث مقتل المصرية مروة الشربيني في ألمانيا مؤخرا.
وأشار المتحدث إلى أن اللقاء سيجرى على هامش قمة الثماني المنعقدة حاليا في إيطاليا
واضاف قائلا "انه عمل مشين أثر فينا جميعا والحكومة لم يصدر عنها بيان في نفس يوم ارتكاب الجريمة لعدم توفر تفاصيل كافية عنها حينئذ".
وكانت مروة الشربيني البالغة من العمر 32 عاما قد تعرضت لـ 18 طعنة على يد شخص اسمه اكسل ولم يفصح عن كنيته، والذي يحاكم حاليا بتهمة القتل العمد في مدينة دردسن الالمانية.
كما تعرض زوجها لاصابات خلال محاولته الدفاع عن زوجته.
وكانت المتوفية قد رفعت قبل ذلك دعوى ضد قاتلها بعد ان نشب خلال بينهما في ملعب اطفال، ونعتها بـ "الارهابية" لانها كانت ترتدي الحجاب.
وقد لقيت القضية اصداء واسعة في مصر وفي العالم الاسلامي عموما.
وكان الادعاء العام في درسدن قد صرح بأن الرجل الالماني الروسي الأصل والبالغ من العمر28 عاما قتل مروة الشربيني بدافع عنصري، وانه يكره الاجانب والمسلمين، ولكنه نفذ الاعتداء بدافع شخصي.
"شهيدة الحجاب"
في المقابل، احدثت قضية مروة الشربيني ضجة في مصر وبخاصة في وسائل الاعلام التي وصفتها بـ "شهيدة الحجاب"، والتي انتقدت الحكومة الالمانية والسلطات متهمة اياها بـ"التقاعس والسكوت".
لكن الناطق باسم الالماني الرسمي توماس ستيغ دافع عن الحكومة وقال ان "السلطات لم تصمت ولكن تفاصيل القضية لم تكن كافية خلال المراحل الاولى من اجل التحرك بشكل سريع".
من جهته، وصف امين عام جامعة الدول العربية عمرو موسى الحادث بـ"جريمة كراهية غير مبررة تشير في احدى جوانبها الى فشل الحوار الدولي بين مختلف الحضارات"، الا انه عبر عن "ثقته بنزاهة القضاء الالماني الذي سيحكم بشكل عادل في هذه القضية".
الارهاب هو من قتل مروة
كم من غربي بريء قتل في مصر بأسم الأسلام الذي يمثله حجاب مروة؟...
كيف قمنا بإرادتنا بشحن العالم ضدنا كمسلمين بالكراهية؟...
ماذا قدمنا لتعويض الأطفال الذين فقدوا أباءهم والنساء الآئي فقدن أزواجهن، والأباء الذين فقدوا أبنائهم في مصر؟؟؟؟؟؟
كيف نتهم العالم بالمعايير المزدوجة ونحن اول من يقوم بها؟؟؟؟
الرسالة وصلت الغرب... نحن نكرهكم! والجواب الغربي: ونحن ايضاً....
التقرير التالي يتضمن تسجيل لبعض الأعمال الإجرامية التي راح ضحيتها مواطنوا دول غربية وبينهم ألمان كل ما فعلوه انهم جاءوا يبحثون عن اجازة سعيدة في مصر ويفتحون بيوت اصحاب المطاعم والتاكسيات والمرشدين السياحيين، وأصحاب الجمال والفنادق، الخ...
ملحوظة: هذا التقرير لا يتضمن احدث التفجيرات واعمال القتل، كما انه لا يتضمن ذبح الأجانب امام كاميرات الفيديو في مناطق اخرى غير مصر ولا قتل الاف المدنيين بأسم الأسلام في نيويورك ومدريد ولندن وبالي وغيرها...
القاهرة: في ما يلي تسلسل زمني لاهم الاعتداءات التي استهدفت مواقع سياحية في مصر:
-- اكتوبر 1992:
مقتل سائحة بريطانية قرب ديروط (الصعيد) في اعتداء تبنته منظمة الجماعة الاسلامية السرية الاصولية.
1993
-- 26 شباط/فبراير: مقتل سائحين هما تركي وسويسري وكذلك مصري واحد وجرح 19 شخصا آخرين في عملية تفجير في مقهى في القاهرة.
-- 08 حزيران/يونيو: القاء قنبلة على حافلة للسياح قرب اهرامات الجيزة يسفر عن مقتل مصريين اثنين وجرح 15 شخصا آخرين بينهم خمسة سياح بريطانيين.
-- 26 تشرين الاول/اكتوبر: مقتل اميركيين اثنين وفرنسي وايطالي وجرح سائحين آخرين اثنين في فندق سميراميس في القاهرة برصاص اطلقه رجل قالت الشرطة انه مختل عقليا واكد شهود عيان انه اسلامي.
1994
-- 04 آذار/مارس: الجماعة الاسلامية تتبنى اعتداء في الصعيد على عبارة في النيل. اصيبت سائحة المانية بجروح خطيرة في الاعتداء، ادت الى وفاتها في 17 آذار/مارس.
-- 26 آب/اغسطس: مقتل سائح اسباني بالرصاص في هجوم شنه اسلاميون على حافلة على طريق الاقصر في سوهاج (جنوب).
-- 27 ايلول/سبتمبر: مقتل اثنين من الالمان واثنين من المصريين في الغردقة على البحر الاحمر. اعدم ناشطان في الجماعة الاسلامية شنقا في 1995 اثر ادانتهما بهذا الاعتداء.
-- 23 تشرين الاول/اكتوبر: الجماعة الاسلامية تتبنى اعتداءين على سياح في الصعيد قتل فيهما سائح بريطاني وجرح خمسة اشخاص بينهم ثلاثة بريطانيين.
1996
-- 18 نيسان/ابريل: مجموعة مسلحة تطلق النار على سياح امام فندق اوروبا القاهرة قرب اهرامات الجيزة (جنوب شرق القاهرة)، مما يسفر عن مقتل 18 سائحا يونانيا في الاعتداء الذي تبنته الجماعة الاسلامية مؤكدة انها كانت تستهدف "سياحا اسرائيليين".
1997
-- 18 ايلول/سبتمبر: اعتداء يستهدف حافلة للسياح امام متحف القاهرة ويسفر عن مقتل عشرة اشخاص هم تسعة سياح المان ومصري، وجرح احد عشر شخصا آخرين.
-- 17 تشرين الثاني/نوفمبر: مقتل 62 شخصا بينهم 58 سائحا معظمهم من السويسريين واليابانيين في هجوم تبنته الجماعة الاسلامية في الاقصر في اعتداء قال شهود عيان ان رشاشات وسكاكين استخدمت فيه امام معبد حتشبسوت.
2004
-- 07 تشرين الاول/اكتوبر: مقتل 34 شخصا معظمهم من السياح الاسرائيليين وجرح 105 آخرين في ثلاث عمليات تفجير في سيناء عند فندق هلتون في طابا الواقعة على الحدود المصرية الاسرائيلية ومخيمين في نويبع (470 كلم جنوب شرق القاهرة).
2005
-- 07 نيسان/ابريل: مقتل سائحين فرنسيين واميركي في عملية انتحاري قتل منفذها ايضا في خان الخليلي في القاهرة.
-- 23 تموز/يوليو: اكثر من سبعين قتيلا بينهم عدد كبير من الغربيين في سلسلة اعتداءات في منتجع شرم الشيخ على البحر الاحمر.
تبنت هذه الاعتداءات جماعة التوحيد والجهاد التي اكدت انها مرتبطة بزعيم تنظيم القاعدة اسامة بن لادن.
2009
مقتل فتاة فرنسية في تفجير بالأزهر
منقول , لكن دة بالظبط الى عايز اقولة
يعني المطلوب إن الناس تطنش مثلاً
ولا إيه المغزى من هذا السرد للعمليات الإرهابية السابقة
الكل يدين الإجرام في كل مكان
لكن لكل حادثة ظروفها وردود فعلها
مفيش داعي للسلبية وتثبيط الهمم وإخماد المشاعر على مفيش بحجج إن العالم مليان إجرام حتى في بلدنا
يبقى ندفن القتيلة بتاععتنا ونقفل بقنا ويا سلام لو حطينا راسنا في الطين
منطق عجيب وغريب وكأن كاتبه الذي نقل منه الزميل هنا ألماني يوضح لنا الطريق ويعلمنا كيف نغضب لدماء أهلينا
!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!
لا الفكرة كدة موصلتلكش , المقصود هو كما تدين تداناقتباس:
المشاركة الأصلية كتبت بواسطة ahmed1981;953640[b
و ملخص الموضوع كلة فى الجملة دى ( الرسالة وصلت الغرب... نحن نكرهكم! والجواب الغربي: ونحن ايضاً....)
[QUOTE=memohamada;953380]الارهاب هو من قتل مروة
كم من غربي بريء قتل في مصر بأسم الأسلام الذي يمثله حجاب مروة؟...
كيف قمنا بإرادتنا بشحن العالم ضدنا كمسلمين بالكراهية؟...
ماذا قدمنا لتعويض الأطفال الذين فقدوا أباءهم والنساء الآئي فقدن أزواجهن، والأباء الذين فقدوا أبنائهم في مصر؟؟؟؟؟؟
كيف نتهم العالم بالمعايير المزدوجة ونحن اول من يقوم بها؟؟؟؟
الرسالة وصلت الغرب... نحن نكرهكم! والجواب الغربي: ونحن ايضاً....
[OVERLINE]
الأخ الكريم Memohamada
أنا بضم صوتي مع الأخ Ahmed1981
فنحن لم نفهم ما المقصود بهذا الكلام وما المطلوب أن نفعله
هذا بالاضافة الى انك لم تنقل لنا ما تقوله عنا صحافة واعلام البلاد التي ينتمي اليها كل هؤلاء الضحايا
أخي Memohamada مطلوب ايضاح عاجل كي نتحاور ونشارك في الرأي
[/OVERLINE]
يا جماعة الفكرة بسيطة جدا
تخيل معايا كدة واحد جارك جالك يزورك فى بيتك , قمت ضربتة و قتلت واحد من اطفالة و بعتلة بلطجية يكسرولة بيتة
تفتكر بعد كدة لو رحت تزورة فبيتة هياخدك بالحضن ؟!!! معتقدتش
اضعف الايمان هيكشر فى وشك
اهو دة الى بيحصل دلوقتى
لما بأسم الاسلام قامت الجماعات الاسلامية الارهابية من التسعينات ولحد دلوقتى بقتل الاجانب المسالمين الى جاينلنا فى بلدنا
و بأسم الاسلام قامت القاعدة بهجمات 11 سبتمبر و قتلت الالاف المدنين العزل
و بأسم الاسلام برضة حصلت تفجيرات لندن
و بأسم الاسلام فجرت القاعدة سفارة امريكا فى كينيا
و غيرة وغيرة .....
فأمر طبيعى بعد دة كلة انة يحصل حوادث قتل و اضطهاد للمسلمين فى الغرب لاننا بالنسبالهم مجرد ارهابين و دة الى بنقولهلهم بأفعالنا و مينفعش نلوم الغرب على معاملتة لينا لاننا للاسف المصدر و البادئ بالعنف و الكراهية
و محدش يقولى ان الغرب بيكرة المسلمين لان دينهم هو الاسلام و بدون اى سبب اخر , لانى عموما بكرة نظرية المأمرة دى
و كمان ميدخلش عقل حد ان الغرب بكل ثرواتة و نجاحة فى مجالات الحياة هيجند نفسة لمحاربة اصحاب ديانة معينة لمجرد كرهة للدين دة
اما الى المفروض نعملة ان كل واحد يفهم صحيح دينة كويس بعيدا عن التطرف والعنف لان للاسف الفرد بيسئ للجماعة كلها
ولو كنا عايزين نحمل قتل مروة لحد فهما المتطرفين المندسين مابينا فقط لا غير لانهم السبب فى سؤ صورة المسلمين امام الغرب
أنا فاهم المقصود من الكلام كويس جداً
إنت فاكر إن السياح لما حصلهم هجوم إرهابي هنا بلدهم وأهلهم قالوا كما تدين تدان
يعني كما أن الألغام بتاعتهم بتقتل فينا إلى اليوم وإستعمارهم قتل أهلنا من قبل هم قتلوا عندنا ؟؟؟!!!
لا وألف لا
اللي حصل هو تشويه كامل لصورة بلدنا
وتصويرنا كلنا بصورة المتوحشين
وإصدار قرار بمنع سفر مواطنيهم إلى بلادنا
وغير ذلك الكثير
وطبعاً طبيعي لازم الآن نغضب غضبة لدمائنا
في حال إن عندنا دماء لها قيمة
ونتخذ إجراء واقعي بديهي كما فعلوا هم بدون أن يقول لهم أحد - ما إنتوا ياما قتلتوا فيهم أيام إستعمار
والحكاية مش تقليد لهم
لكن بوضح لمن يحاول أن يجعلنا نبيع القضة بكلام بالتأكيد منقول منهم ومن كتابهم
أنهم لم يطبقوا هذا الكلام عندما شربوا من الكأس
بل قاموا قومة رجل واحد
وكما يقال أن لكل مقام مقال
فإن قول كما تدين تدان في هذا الموقف هو قمة الخنوع ورسالة لدفن القتيلة ومعها ما تبقى من الكرامة
ومن قبل بإسم المسيحية في أوروبا تمت أقذر حرب إبادة جماعية للمسلمين في البوسنة والهرسك
ثم تلتها حرب أخرى لإبادة المسلمين في كوسوفا
وكله بموافقة ضمنية من أوروبا
وهناك شريط فيديو مشهور يصور أحد رجال الدين المسيحين وهو يبارك الجنود الصرب قبل الدخول لإبادة المسلمين
بمعنى أنها كانت بإسم المسيحية
ومن قبل ذلك الإستعمار
فأمر طبيعي أن يحدث حوادث إرهابية فردية للأجانب في بلاد الإسلام
وأقول فردية على الرغم من أن الحوادث التي كانت في بلادهم لم تكن فردية بل كانت جيوش دول
وهذا رد على كلامك
لكن أعود وأقول إن الذي حدث لمصرية في ألمانيا هو فعل عنصري بين ألمانيا ومصر
لا تدخل فيه الأديان
لأن العنصرية في ألمانيا يتعصبون للجنس الألماني ولا يهتمون بالدين
فهم أساساً لا يعرفون الدين ونسبة من يدخل منهم الكنيسة هو 3% بإحصائياتهم
محدش جاب سيرة نظرية المؤامرة
منعاً للخروج من الموضوع الرئيسي
برضه كلام يدعوا لدفن الرؤوس في الطين
وكأن الدين هيأمرنا بالخنوع وبيع دم القتيلة
ثم ما العلاقة بين هذا الكلام وبين غضبنا لإهدار دم أهلنا بسبب العنصرية الصريحة
الرجاء عدم خلط الأوراق والتركيز في لب الموضوع وهو الوقوف صفاً واحداً لإنصاف دم القتيلة وعائلتهعا ومعاقبة الجاني بما يستحق
هذا هو ما فتح الموضوع من أجله وليس لحوار الحضارات التي من الممكن أن نفرد لها موضوعاً آخر
أنا لا أستغرب تصرف هذا الجاني في بلد عرف بالعنصرية منذ أمد بعيد رغم الشعارات الديمقراطية التي يطلقها هذا البلد وغيره من الدول الغربية، كما أني لا أستغرب محاربتهم للإسلام وشعائر المسلمين مادام الإسلام غريبا في دياره، ومادامت شعائر المسلمين محل تضييق من المسلمين في الداخل فكيف بغير المسلمين في الخارج؟؟؟
فلنبدأ بأنفسنا ومحيطنا ،وسيجبر الغير على احترامنا.
أسأل الله أن يدخل هذه الشهيدة فسيح جناته، وأدعو كل المسلمات في جميع أنحاء العالم إلى وقفة تأملية في ما حدث لهذه السيدة التي تمسكت بإسلامها واستماتت في الدفاع عن حجابها في بلد أجنبي، فماذا فعلت أختي المسلمة للدفاع عن الإسلام؟ ولما تخاذلت في ارتداء حجابك أما حان وقت التغيير؟ فلتكن هذه الحادثة نقطة بدايتك
انا لله وانا اليه راجعون
مع كامل احترامي للسيدة دي ربنا يرحمها و يتقبلها في الشهداء بس فين اهتمام المسلمين بالاف اللي الحكومة الصينية (الحكومة نفسها مش مجرد شخص واحد) عمالة تبيد فيهم والعدد وصل لاكتر من 2000 قتيل ومصاب و بتعاملهم من سنييين على انهم مواطنين درجة تالتة
ليه الاعلام بيوجهنا زي ما هو عايز واحنا ماشيين وراه وخلاص
حسبنا الله ونعم الوكيل
و كالعادة دخل الموضوع طي النسيان