شكرا يا بشمهندس على تعبك معايا
عرض للطباعة
شكرا يا بشمهندس على تعبك معايا
ياباشا ....لاتعب ولا حاجه .......كلنا أخواتك وتحت أمرك .....وبالتوفيق أن شاء الله
شكرا لتعبك معايا يا بشمهندس سمير
بس ياتريت حد يفدنى فى موضو السخونة ودرجة اضاءة اللمبة علشان اعرف امتى اتوقف بالعربية وامتى امشى بيها
مبدئيا ......وأنت واقف بالعربيه وهى لسه بارده قبل ماتدور .....هات خرطوم ميه بضغط شديد وأغسل الردياتير من بره كويس ....من حول زعانف التبريد لتحسين كفاءة الأنتقال الحرارى للميه اللى فى الردياتير للهواء الخارجى
اولا اي بنزينة فيها كاركير بيكون عندهم حد ينظف الريدياتير
ثانيا انت محتاج تلف على كذا حد يؤكدلك موضوع الريدياتير النحاس و الالومنيوم و تشوف فبريكتها ايه لو طلع عندك متغير يا ريت تشد حيلك على الوكالة او الحرفيين او اي مكان فيه حد عنده حاجتها استيراد و تجيبة منه و تركبة
ثالثا بما ان العربية بتسخن جامد يا ريت تبص على غطاء الزيت و شوف فيه حاجة شبة الطحينة او لون شبه لونها ولا لا
رابعا الاخ الميكانيكي الي حدد ان الموتور اتعملة عمرة ابل كدة بمجرد فتح الكبوت المفروض تبوسة و متروحلهوش تاني
الاخ الفاضل الهجرسي
بالنسبة لسؤالك رأيي الخاص اعمل عمرة او نصف عمرة حسب الاحتياج بس لازم ميكانيكي كويس و ياريت لو كان التوكيل يبقى أحسن .
أنا عملت عمرة كاملة لعربيتي القديمة ال 125 سنة 2001 عند ميكانيكي أعرفه في فيصل و بعد شهر و قبل ما أكمل الالف كيلو يادوبك بعد ما لينت عطل الموتور و رفضت العربية أن تدور و كان السبب أن جلب الكامة أتكسرت رغم أن الباشا الميكانيكي كان لسه مغيرهم في العمرة و طبعا رحت له تاني و غيرهم من غير ما ياخذ مني جنيه مصنعية و رغم أني كنت مش طايق أشوف وشه لكن الموتور اشتغل بكفاءة تامة و كان لا يأكل أي زيت طيلة سبعة سنوات حتى بعتها من أربعة شهور و كانت كفاءة الموتور 80 % بعد أن كشف المشتري عليها في البنزينة .
أنا عن نفسي شايف أنه لو أحتجت لا قدر الله عمرة أو نصف في عربتي الجديدة و هي فيات تمبرا هأروح للتوكيل .
بمناسبة انك من سكان فيصل توكيل فيات و هو شركة البرقان في نهاية شارع العريش من ناحية فيصل و بيشتغل في كل موديلات فيات الحديثة فقط يعني من أول الريجاتا و أنت طالع , أونو , تمبرا , تيبو , ماريا , سيينا , بترا , بنتو .........الخ لكنه ما بيشتغلش في الموديلات الرقمية بتاعة السبعينيات يعني زي 125 , 128 , 132 , 131 , 127 .............الخ .
أحسن واحد بتاع رادياتيرات تلاقيه في فيصل و عنده كل لوازم الرادياتير هو الحاج يحيي و تجده معرضه و الورشة في شارع فيصل العمومي قبل ميدان الطوابق بحوالي مائة متر على ايدك اليمين و انت جاي من الجيزة قبل البنزينة اللي في الطوابق .
الراجل ده استاذ رادياتيرات سواء تصليح أو صيانة او قطع غيار .
عدي على التوكيل و ما بياخدوش أي فلوس على الكشف و شوف الردياتير عند يحيي و قولنا عملت ايه .
شكرا على ردك عليا وشكرا على النصيحة
بمناسبة انك من سكان فيصل توكيل فيات و هو شركة البرقان في نهاية شارع العريش من ناحية فيصل و بيشتغل في كل موديلات فيات الحديثة فقط يعني من أول الريجاتا و أنت طالع , أونو , تمبرا , تيبو , ماريا , سيينا , بترا , بنتو .........الخ لكنه ما بيشتغلش في الموديلات الرقمية بتاعة السبعينيات يعني زي 125 , 128 , 132 , 131 , 127 .............الخ .
انت جربت شركة البرقان دى قبل كدة وتعرف اسعارهم تقريبا قد اية
أحسن واحد بتاع رادياتيرات تلاقيه في فيصل و عنده كل لوازم الرادياتير هو الحاج يحيي و تجده معرضه و الورشة في شارع فيصل العمومي قبل ميدان الطوابق بحوالي مائة متر على ايدك اليمين و انت جاي من الجيزة قبل البنزينة اللي في الطوابق .
الراجل ده استاذ رادياتيرات سواء تصليح أو صيانة او قطع غيار .
انت جربت عملت شغل عند الحاج يحى قبل كدة واسعارة ايه
عدي على التوكيل و ما بياخدوش أي فلوس على الكشف و شوف الردياتير عند يحيي و قولنا عملت ايه
قصدك بالتوكيل هو شركة البرقان
اخى الكريم انصحك نصيحة لوجه الله انصحك بعدم تغير موتور عربيتك واذا كانت محتاجة لعمرة او نص عمرة اعملها لأن ده موتور عربيتك وانت عارفه الله اعلم باللى هتشتريه يطلعلك فيه ايه بعد ما تركبه وتمشي بيه شوية ايه اللى ممكن يطلعلك فيه انا بنصحك موتورك انت هتكون معاه وهو شغال فيه هتشوف ايه اللى هيتغير ايه القطع اللى هو محتاجها وهيكون اضمن الف مرة من اللى ممكن تشتريه ولاقدر الله يتعبك ويقرفك ويكرهك عيشتك وتقبل مرورى تامر عاشق المازدا