حنقة في اللانوس لم اجد لها حل

**samirayad** · 09-07-2009 04:04 PM

المقصود طبعا بتاعى واضح من البوست اللى قبل كده ......وهو أن لو الميكانيكى مش شاطر وأكتشف أن الشميز عاوز شغل ....ونسى وركب شنبر كده وخلاص ....فممكن ده يعمل نفس المشكله على مايحصل تجميع للكبس شويه مع تمدد الشنابر .......وردأ لسؤالك .........

طب ولو شميز ايه اللي كان يخليها ماتعملش كده قبل الشنبر الجديد؟

طيب هو كان بيفك ويعمر ليه أساسا......الا بسبب مشكله معينه .....وياريت تبين قصدك بحاله حصلت قدامك بنفس المضمون اللى بتتكلم فيه

**nasroo** · 09-07-2009 04:11 PM

المشاركة الأصلية كتبت بواسطة samirayad

وياريت تبين قصدك بحاله حصلت قدامك بنفس المضمون اللى بتتكلم فيه

هقول لحضرتك على الحالة اللي مخلياني قلقان من الشنبر
كانت عربية واحد صاحبي والعربية كانت 10/10 بس كانت بتدخن دخنة خفيفة لما قاس كبسها لاقاه75% بس عاوز يمنع الدخنة راح عمل طقم شنبر وبعد الطقم ما اتعمل العربية بقت زي ماهو مكتوب كده بالظبط تيجي في الاول والتاني تحس ان العربية مابتمشيش الا بعد شوية بس على السرعات العالية تمام قولتله يمكن الميكانيكي ده نقاش مش ميكانيكي روحنا قيسنا كبس الموتور لاقيناه 80%
يبقى ايه السبب؟؟؟؟

**samirayad** · 09-07-2009 04:18 PM

أحتمال الميكانيكى معملش روديه مثلا .......وممكن برضه زى ماقولنا قبل كده .....تكون الشنابر الجديده حسنت الأداء 5% بس على أساس أن الشمايز كانت تعبانه برضه .......وبكده يبقى نقاش فعلا...........لأن هما دول المكانين اللى يخلوا الكبس يضعف ( بين الشنبر والشميز أو الصبابات )

**samirayad** · 09-07-2009 04:44 PM

الحاجه الغريبه بقه ......ومكنتش متوقعها فعلا أنى لقيت المكنه ال1500 أم كامتين .......مفيش فيها شمايز .....زى ماهو باين على الرسم الهندسى ......وكده واضح أنه بيتم أرسال البلوك كله للمخرطه لتوسيع ونظافه مكان تركيب البساتم (لو كنا حنغير البساتم بالشنابر للمقاس الأكبر )....وأكيد المكنه أم كامه واحده نفس الوضع بتاعة الانوس المصرى...........وبكده يبقى البلوك عند صاحبك مش مظبوط فعلا ......والنقاش ركب الشنبر ودمتم..........