حنقة في اللانوس لم اجد لها حل

**darch** · 04-07-2009 01:02 PM

السلام عليكم ارجوا الافادة للأهمية انا معايا عربية لانوس موديل 99 بحالة جيدة عدادها 195الف كيلو العربية فيها عيب رهيب رحت لناس كتير قوي ما فيش حل انا عاوز الاستاذ محمد ممدوح رجاءاً يرد عليا في الموضوع ده الاعراض
العربية مخنوقة في الطلعة بتاعة الاول وفي الثاني في السرعات البطيئة لما اضغط بنزين في المفاجي مش بتجمع غير بعد فترة على ما احس انها ابتدت تاخد سرعة وصوت الموتور يعلي قوي رحت كشفت ع الاسكانر في التوكيل قالولي الرشاشات مسيلة فأشتريتها من بره جديدة بتاعة هيونداي وركبتها واشتغلت معايا كل اللي عملته من فرق بس انها بقت تدور بسرعة لان العربية كانت بتغيب في الدوار لكن الخحنقة لسه موجودة لغاية الان في الاول تخنق قوي اول ما اضغط بنزين وبعدين تبدأ تجمع بعد شويه بحس ان العربية ما فيهاش عزم خالص مع العلم ان في السرعات العالية العربية كويسه ومش بتخنق
تم تغيير فلتر الهواء والبنزين وكمان سلوك البوجيهات وركبت بوجيههات جديدة وبرده العيب لسه موجود مع العلم اني مقتنع بالعربية الا ان العيب ده خانقني جدا
ارجوكم افيدوني

**samirayad** · 04-07-2009 03:10 PM

وبعدين تبدأ تجمع بعد شويه بحس ان العربية ما فيهاش عزم خالص مع العلم ان في السرعات العالية العربية كويسه ومش بتخنق

أنصحك بحاجتين ( عمل أسكانر لتحديد وضع عملية التحكم والأطمئنان على آداء الحساسات ) .......وكمان تعمل أختبار كبس للأطمئنان على حبك غرف الحريق.................وياريت برضه لو تدينا بيانات كامله عن العربيه ( من 1 الى 13 ) فى الموضوع المثبت بتاع الأسلوب الأمثل لتشخيص الأعطال (الموضوع مثبت بأعلى القسم فوق ...........يمكن نلاقى ثغره تانيه ندخل منها لسبب الخنقه دى

**تامر.محمد** · 04-07-2009 06:19 PM

متابع لأن انا كمان العربية عندي شبه كده
بس الميكانيكية بيقولوا ما فيهاش حاجة !!

**darch** · 09-07-2009 09:19 AM

تنصحني اعمل اختبار كبس فين وممكن يكون ايه في غرف الحريق يعمل الخنقة دي

**samirayad** · 09-07-2009 09:44 AM

تكلفة قياس كبس الموتور 50 جنيه ولو هتكشف على العربية كلها 100 جنيه - ده في بنزينات شل
لو طلع العيب عندك من الصبابات يبقى هتغير كاوتش صبابات وتعمل روديه بالمرة وده تكلفته ماتعديش 50 جنيه من غير المصنعية
لكن لو طلع التفويت من الشنابر الموضوع هيخش في 700 جنيه من غير المصنعية

ده مكان .....أخونا : nasaro عمل فيه الأختبارده قبل كده

وممكن يكون ايه في غرف الحريق يعمل الخنقة دي

ممكن تكون الشنابر خفت .....والعربيه مابتجمعش الا أما تسخن كويس .....والشنابر تتمدد وتحكم الغرف شويه ...........وده حيبان مع أختبار الكبس

**abzoabzo** · 09-07-2009 09:46 AM

المشكلة ده اتحلت عندى بعد مغيرت الشكمان
والار بى ام بقى يوصل 3 و 4 بسرعة قوى
والبنزين اتظبط معايا عن الاول

**nasroo** · 09-07-2009 01:57 PM

المشاركة الأصلية كتبت بواسطة samirayad

ممكن تكون الشنابر خفت .....والعربيه مابتجمعش الا أما تسخن كويس .....والشنابر تتمدد وتحكم الغرف شويه ...........وده حيبان مع أختبار الكبس

طب لو لسا مغير طقم الشنبر ممكن يكون ده سبب برضه في الحالة دي على الرغم من ان الشنابر جديدة؟

**samirayad** · 09-07-2009 02:31 PM

المشاركة الأصلية كتبت بواسطة nasroo

طب لو لسا مغير طقم الشنبر ممكن يكون ده سبب برضه في الحالة دي على الرغم من ان الشنابر جديدة؟

أنت عملت حاجه ولا أيه من ورانا......متهيألى ملحقتش تغير شنبر .........ههههههههههههههههههه

_ عموما ممكن تحصل المشكله دى برضه بعد تغيير الشنبر .....لو الشمايز كانت متاكله ....ومتعملش حسابها بالخراطه وتغيير البساتم لمقاس أكبر .....بنسميه مقاس أعلى للبستم وليه شنبره الخاص بيه ....علشان يتناسب مع الشميز بعد التعديل ......أسمه over size piston kit

يعنى طقم بستم بالشنبر بمقاس أكبر ................يعنى ممكن البيه الميكانيكى يغير الشنبر كده وخلاص بدون مايكشف على حالة الشمايز............( على فكره الكلام ده من العمرات اللى بأعملها عندى فى الشغل ) وحتلاقيه هوهو نفس الكلام عندنا الى حد ما

**nasroo** · 09-07-2009 03:43 PM

أنت عملت حاجه ولا أيه من ورانا......متهيألى ملحقتش تغير شنبر .........ههههههههههههههههههه

لا لسا بس انا قلقان اوي خصوصاً ان العربية حلوة وماقصرتش معايا في حاجة الا نقص الزيت بس لكن في الجري والسحب قردة

عموما ممكن تحصل المشكله دى برضه بعد تغيير الشنبر .....لو الشمايز كانت متاكله ....ومتعملش حسابها بالخراطه وتغيير البساتم لمقاس أكبر .....بنسميه مقاس أعلى للبستم وليه شنبره الخاص بيه ....علشان يتناسب مع الشميز بعد التعديل ......أسمه over size piston kit يعنى طقم بستم بالشنبر بمقاس أكبر ................يعنى ممكن البيه الميكانيكى يغير الشنبر كده وخلاص بدون مايكشف على حالة الشمايز

يعني لو ماكنتش بتعمل كده قبل تغيير الشنبر وبعد الشنبر بقت بتعمل الحركة دي يبقى ده شميز
طب ولو شميز ايه اللي كان يخليها ماتعملش كده قبل الشنبر الجديد؟