تفاصيل الضريبة على عربية 1600 من واقع أيصال الدفع

السلام عليكم

معايا دلوقتى أيصال الدفع بتاع ضريبة عربيتى......بعد لما أخدته قررت أنى أخد راحة لمدة ساعة ولا حاجة عشان أنا فى الموضوع ده من الصبح

الضريبة أنا بدفعها لمدة سنتين و بالتالى أنه هقسم كل الأرقام على 2 ما عدا الدمغات و قيمة الملصق عشان تيقى ضريبة سنة واحدة

بس فى بعض البنود الغريبة اللى لاحظتها........يا ترى هتلاحظوها ولا لأ؟؟؟؟

الضريبة : 30 جم
رسم تنمية : 175 جم
رسم راديو : 1.40 جم
رسم أستعمال لوحات : 0.40 جم
صندوق تحسين خدمات المرور : 2 جم
قيمة ملصق مرور : 2 جم
قيمة رخصة و نموذج : 8 جم
دمغة نوعية : 0.10 جم
دمغة تنمية موارد : 0.30 جم
مقابل تكاليف تطوير : 50 جم
المجموع : 269.2 جم

مستنى تعليقاتكم

يالمرة بقى أقولكم على باقى مصاريف الترخيص لمد سنتين

نماذج و دمغات : 21 جم ( لاحظ بند قيمة رخصة و نموذج فى تفاصيل الضريبة )
تأمين أجبارى : 147 جم ( هو فى حد عارف التأمين ده بنستفيد منه فى أيه ؟؟؟ )
المخالفات : أنت و ظروفك.....و لو مش عليك مخلفات بتدفع 5 جم أتاوة
مصاريف فك اللوحات القديمة : 5 جم
مصاريف تركيب اللوحات الجديدة : 5 جم

غير طبعاً الضريبة اللى كانت قيمتها 528 جم ( حسبى الله و نعم الوكيل )

لو فى حاجة تانى هتدفع هبقى أكتبها

يعنى انت لحد دلوقت دافع 980.2 جنيه مظبوط ولا أنا فهمت غلط
انت اول بند كاتبه ضريبة 30 جنيه وأخر حاجة كتبتها (ده غير الضريبة 528) ايه الأولانية وإيه التانية

لحد دلوقتى دافع 715 جنيه

المشاركة الأولى فيها تفنيط للبنود اللى بنطلق عليها مجازاً أسم الضريبة

من ضمن البنود دى.....بند أسمه الضريبة.....شوفت أزاى؟؟؟؟؟

هى دى مصر

يعنى الضريبة السنوية اللى بتدفعها بيبقى فيها تقريباً 10% ضرائب و الباقى بنود أخرى زى اللى فى المشاركة الأولى.

ربنا يطمنك ده انا رايح الاسبوع الجاى اجدد ...!!!!!

لاحول ولا قوة الا بالله ...وحسبنا الله ونعم الوكيل

المفروض كمان يضيفوا

بدل تغذية
بدل استخدام مطبات
بدل استخدام حفر
بدل ما تتضايق
بدل ما تزعل
بدل ما حد تاني ياخدهم

اقتباس:

---

المشاركة الأصلية كتبت بواسطة ahmed a.maksoud

تأمين أجبارى : 147 جم ( هو فى حد عارف التأمين ده بنستفيد منه فى أيه ؟؟؟ )

---

هتلقى على ظهر الصورة الكربونيه اللى معك شروط عامة بالاخطار المغطاه وإلتزامات المؤمن وإلتزامات المؤمن له والأستثناءات وحالات الرجوع وإلغاء التأمين وشروط التقادم، بس بى بساطة هيه الاكثر بتغطى الاتى من الأخطار 1- الوفاة 2- العجز الكلي او الجزئي المستديم لاقدر الله التى تقع للغير داخل جمهورية مصر العربية عن العربية المثبت بياناتها في وثيقة التأمين الى معك (اللى هيه عربيتك) وده كله في حدود مبالغ التأمين المنصوص عليها في وثيقه التأمين ودى هتلقيها مكتوبة في وش الصورة اللى معك بتكون
1- في حالة الأضرار الجسمانية 40000 الف جنية عن الشخص الواحد.
2- الحد الأقصى للأضرار المادية 10000 الف جنية عن كل مضرور.