الموضوع: التقرير المصور الكامل لتقييم الكيا نيو سيراتو - أحمد سامي-

المشاركة الأصلية كتبت بواسطة ahmed_su

قلت ارد عليك قبل ما اقراء التقرير علشان اكون اول واحد

يرد عليك - مبروك على العربية وشكرا على التقرير - ولنا عودة

و الله انا ليا الشرف ان كبير الكياوية يرد أول واحد على موضوعي
الله يبارك فيك

المشاركة الأصلية كتبت بواسطة Ahmed Anwer

ألف مبرووووك ،،

تقييم رائع ،،،

ليا بس كام تعليق ،،

1- نقطة وسع حوض الموتور ده طبيعي جدا لأن الأساسي بتاعها انها بتنزل 2000 سي سي

2- نقطة الاستيكر علي حواف الأبواب ،، دي في معظم العربيات الحديثة

و انا الصراحة مش عارف ايه الحكمة منها بس مادام ماشفنهاش عاملة مشاكل او بتقشر لوحدها يبقي مفهاش قلق

3- نقطة تقفيل الحواف و الصدأ ،، أساسا الحاجات دي انتهت في صناعة السيارات من عصر البولونيز

متستحقش انها تذكر كميزة ،، ده شئ أساسي في كل العربيات

4- اللون الأبيض ،،، تحفة ،،،


و أخيرا التابلوه و فرش الابواب ،، انا الصراحة مش متقبلهم ،، عاملين زي اللي عمل طبق فروت سلات و حط عليه زيتونه في الآخر

نقاطك منطقية تماما ...

ولكن :

- وسع الحوض بسبب صغر الموتور لا ينفي أنه ميزة
- انتشار الاستيكر الأسود في سيارات كثيرة لا ينفي انه اسلوب مش ظريف وانا لم اذكر انه صفة خاصة بالسيراتو فقط .
- التقفيل ده مش ميزة طبعا ...بس انا مصوره لأخويا محمد شاهبور خصيصا
- اوافقك جدا انه من اجمل الألوان في العربية ..و الحقيقة برضه ان كل ألوانها جميلة

الله يبارك في حضرتك

واشكرك جدا على مرورك القيم

المشاركة الأصلية كتبت بواسطة tata12001

شكراً على التقيم الرائع دا وربنا يبركلك في العربية إن شاء الله.
كنت عايز أسألك هو جابر عبد الشهيد بيسلم السيرتو الهاي لين فوري ؟ ولا بعد فترة ؟ وسعرها كام ؟

والله هو بيجيب دفعة كل شهر تقريبا ..انت و حظك بس انا سمعت منه انها بالطلب

ممكن تلاقي واحدة واقفة وممكن تستنى شوية ...كلمهم و اتأكد

السعر دلوقتي بقى 135 الف و الضمان بقى 20 الف او سنة بعد ما كان 40 الف و سنتين

المشاركة الأصلية كتبت بواسطة dr.nemo

يااااااااااااااه ..........اخيرا

انا كنت والله كل يوم افتح قسم الكيا اكثر من مرة علشان مستني تقييمك
اللي بجد تقيم رائع ووافي جدا..... جزاك الله خيرا

كده الوالد مقتنع مقتع ان شاء الله

بس حضرتك ايه رايك
احنا حنشتري توكيل
بس طبعا موضوع الحجز والتأخير ده مشكلة في حد ذاته بس الحجز على موديل 2010
ولو اشتريت من معرض بيبقى بأوفر برايس
وانا سامع ان التوكيل حيرفع السعر حتى على الحاجزين

فهل اشتري باوفر برايس واستلم فوري ولا احجز وابقى تحت رحمة التوكيل

انا بس خايف المعرض يبدل او يشيل اي حاجة من العربية ويقول هي جاية كده

احنا اقرب معرض لنا هو رضا حمزة (مش عارف ايه ظروفه ياريت لو حد اتعامل معاه قبل كده يعرفنا)
بس بيجيب العربية بالطلب ومعندوش ولا واحدة نتفرج عليها حتى

اقتنع الحمد لله

يبقى الموضوع جه بفايدة أهو

طبعا الوكيل أفضل بس باللي بيعملوه دلوقتي يبقى لا أفضل ولا حاجة ما تحجزش الا بوصل مدون فيه التاريخ التقريبي .

اما موضوع الشراء ...انا مش عايز اشجع على الأوفر برايس ...بس هاتعمل ايه ؟؟ ماحدش بيستلم بالسعر الطبيعي اساسا دلوقتي

المشاركة الأصلية كتبت بواسطة justs

ألف ألف ألف مبروك يا دكترة .. ربنا يسعدك بيها ويحفظهالك من كل سوء ... ومستني نتقابل عشان اخدها لفة طويلة واجربها بمزاج ، على فكرة شيل الصورة اللي في توقيعك وحط أول صورة في الموضوع ( صورة جامة جدا ) .. وألف مبروك مرة تانية

سامح بيك ..سعيد جدا بوجودك

و لفتك ياباشا مستنياك علشان اشوفك بس

في صورة تانية للتوقيع بس على النار