الموضوع: التقرير المصور الكامل لتقييم الكيا نيو سيراتو - أحمد سامي-

بسم الله الرحمن الرحيم

بداية أعتذر عن تأخر التقييم لظروف السفر و محاولة قضاء وقت أطول مع السيارة ...

نبدأ التقييم :

السيارة :

كيا نيو سيراتو موديل 2010 (مع انها مصنعة بتاريخ ابريل 2009)
سبحان الله ....
مواصفات الصناعة : المواصفات القياسية السعودية (خليجي)
محل و ثمن الشراء: جابر عبد الشهيد -الخليفة المأمون - 134000 جنيه

المواصفات:

1 - اوتوماتيك تيبترونيك 4 نقلات
2 - ABS + EBD
3 - باور هيدروليكي حساس للسرعة
4 - عدد 2 وسادة هوائية
5 - مرآة داخلية ذاتية التعتيم
6 - فوج لايت
7 - جنوط 17 إنش و كاوتش Low Profile
8 - راديو وسي دي مع تحكم في عجلة القيادة
9 - مدخل AUx - USB - iPod
10 - مخرج كهربائي 12 فولت بدون ولاعة
11 - فرش داخلي من الجلد (الكراسي - عجلة القيادة - مسند المرفق- عصاية الفتيس)
12 - حساسات ركن خلفية
13 - الدخول و إدارة المحرك بدون مفتاح
14 - ريموت كنترول للفتح و الغلق و فتح الشنطة و البحث عن السيارة
15 - حساس لإضاءة الأنوار اوتوماتيكيا .

16 - أكر خارجية نيكل - شكمان نيكل

ودلوقتي هاحاول اوصف انطباعي عن العربية ..و برجاء مراعاة الأتي

أن هذا هو تقييم وليس مقارنة تفضيلية

أي سيارة قد يسرد ذكرها هو من باب أخد refrence فقط

ما سأكتبه هو شعوري الشخصي ولا علاقة له بالأرقام أو الكاتالوجات

1 - الموتور :

- موتور السيارة قوي بشكل ملحوظ يتمتع بعزم عالي يظهر في المطالع و التحميل و سرعة التجميع على سرعات عالية .

- صوت الموتور مسموع (بغض النظر عن أن البعض يراه رياضيا جميلا أو نشازا مزعجا) ولكنه ليس مسموعا من المقصورة مثل الأوكتافيا مثلا . و بعلى بشكل واضح لو قرصت على العربية.

- الموتور يعمل بجنزير للكاتينة timing chain وليس بسير belt مثل السيراتو القديمة (يعني في اختلاف في الموتورين وهما ليسا نسخة واحدة)..و ممكن ده يكون أحد أهم أسباب ارتفاع الصوت .

- حوض الموتور واسع وواضح ..بدون الإضرار بتقفيل المحرك بشكل أنيق

- يوجد مسافة تقارب الأربعين سنتي مترا موزعة بين الواجهة و الموتور و الموتور و الصدر و هذا مطمئن نوعا ما .

- يوجد عوازل حرارية خلف الموتور و على الشكمان ...كفائة العوازل 8/10 لأن مع السفر الطويل تحس بدفء في الكونسول أسفل الكاسيت (ليست حرارة ..مجرد دفء)

- رادياتور السيارة كبير بسكل ملحوظ مع مدخل هواء بارد في مقدمة السيارة تماما

2 - الفتيس (ناقل الحركة):
ده بتاع نايل موتورز
- الفتيس من نوع الزجزاج و هو محتاج شوية تعود لما تنقل من النوع المستقيم ...لكنه بعد التعود ظريف ...

- عصاية الفتيس ملمسها غاية في الجمال لأنها كروم و جلد

- المهم ...التيبترونيك ...استجابة ممتازة جدا - عزم قوي جدا على كل النقلات

- ((( ولكن ))) يعيب السيارة و بشدة وجود 4 نقلات فقط ...وده بيعلي صوت الموتور على السرعات العالية و كان ممكن يقلل استهلاك البنزين .

العربية محتاجة نقلة كمان ...

ولكن للعيب ميزة أخرى ...تجميع ممتاز على السرعات العالية .

3 - الثبات:

وده أقوى مزايا العربية ..لم اتوقع هذا القدر من الثبات من سيارة اسيوية بعد المازدا و الهوندا و تحديدا سيارة كورية بشكل قاطع

ثبات السيارة ملحوظ و متفوق ..

* على الطرق المستقيمة الثبات ممتاز و لن تشعر بالسرعة حتى 180 كم في الساعة وده عادي مش ميزة جامدة يعني (مراتي ماخدتش بالها اني مشيت 180 لمدة 3 دقايق على الدولي الساحلي بس لما شافت العداد ..بلاش بقى ههههه)

لكن هاكون محدد أكتر ..الثبات الفعلي المحسوس بدون أدنى شعور بالسرعة في القيادة هو 165 كم/س و بعد ذلك تحتاج لتركيزك الطبيعي على السرعات العالية حتى 170 كم

بعد 175 كم ستبدأ بالشعور بدفع الهواء أسفل السيارة بسبب ارتفاعها عن الأرض و ستحتاج لتركيز أكبر في التحكم
* على المنحنيات تظهر جودة التصميم ..شعور عميق بتماسك السيارة مع نفسها و مع الطريق الملفات العادية ممكن تاخدها 150 كم/س لو بتسوق كويس

بس أنا اندفعت وأنا باجرب في ملف مقفول شوية (تقريبا 110 درجة مع تغيير الحارات) على سرعة 130 وكانت النتيجة ان العربية سابت من ورا و لأني كنت باجرب فا متوقع اي حاجة الحمد لله لحقتها و الحقيقة برضه ..العربية لمت نفسها معايا بشكل متعاون جدا جدا جدا جدا .

وهنا نقطة تستحق التوقف ...من اتخذ قرار انتزاع الـESP من أحشاء منظومة الثبات بالفعل ظلم السيارة ظلما مبرحا ...كأنه شال شال الكريزة و الكريمة من التورتة .

مش باتكلم من منطلق ان الأداء حاليا سئ ..أبدا ..

باتكلم من منطلق تخيل هذا الأداء في المنحنيات في مساندة نظام الثبات الإليكتروني ...ياخسارة

4 - الفرامل :

أحد نقاط فخر هذه السيارة أيضا ومن أكثر ما يعجبني فيها

وجود فرامل قرصية مهواة أماما و خلفا ..
ده بتاع نايل موتورز

الـABS و الـEBD فعالين و نشطاء جدا و تأثيرهم ملحوظ تماما و ليسوا كمالة عدد ..أبدا

حساسين جدا و بيشتغلوا وقت اللزوم و ساعات بيتلككوا علشان يشتغلوا

فرامل السيارة تستطيع ايقافها بكفاءة كاملة من سرعات عالية لسرعات أقل كثيرا و للتوقف أيضا مع ضغطك الشديد طبعا على الدواسة و الشعور الجميل بالكركبة تحت رجلك ...

أكتر حاجة باحب أعملها على الطريق ...أجري أجري و أقف قبل المطب على طول ...

و كان في عربية اسيوية تانية (محترمة مش أي كلام) بتجري جنبي فرملنا قبل المطب مع بعض من سرعة واحدة تقريبا ..انا لحقت نفسي و هوا عمل Landing بعد المطب بمتر كده .

5 - عجلة القيادة : التحكم و التوجيه

التحكم جيد جدا و دقيق خصوصا على السرعات المتوسطة 60-100 فهو رائع و استجابة عجلة القيادة الصغيرة مرضية جدا .

التحكم بيتقل مع السرعات و لمنه غير مرضي كثقل على السرعات فوق 140 (عجلة القيادة أخف مما يجب)

تضاريس الطريق تؤثر على توجيه عجلة القيادة أيضا بشكل ملحوظ ..

و ده سبب ان الكتير بيشتكو ان العربية "بتحدف" و ده بعد تجارب كتيره وجدته انه بسبب تأثير انحناء الطريق على التوجيه و دي حاجة مضايقاني جدا جدا في العربية .

طبعا زي ما قولت فوق ...باور العربية هيدروليك زيت MANDO وليس كهربائي مثل الإلنترا .

- أحد اقوى عيوب السيارة ...قطر الدوران الكبير ..بسبب الجنوط تقريبا ..

الركنة في الجراجات غير مريحة وحتاجة تيجي على مرتين

الركنة في المساحات الضيقة ...مستحيلة (انا جربت اركنها في حتت ضيقة بالظبط كتير لحد ما طلع عيني..و الناس فاكرينني باتعلم سواقه) ودي حاجة سخيــــــــــــــفة برضه

بس طبعا انا موافق مادامت ثمن للجنوط الكبيرة و الكاوتش العريض .

6 - الإرتفاع عن الأرض :

عالية و تعدي فوق البلاعات و المطبات زي الفل
ده بتاع نايل موتورز
مع التحميل ..شخصين ورا مع حمولة شنطة كاملة ...لن أشعر بتغير في الإرتفاع (قد يكون طبعا هناك هبوط ولكنه لم يؤثر على اسلوب القيادة نهائيا) .

7 - التكييف :

تكييف العربية لا شك انه قوي ..
ولكن قوته لا تكمن في قوة تبريده بقدر ماتكمن في قوة دفعه للهواء

التكييف رقمي بسيط و فعال مع التحكم في درجة العرارة و بيان الحرارة الخارجية .

التكيف قادر على دفع الهواء للركاب الخلفيين بشكل مؤثر جدا و نشر التبريد في المقصورة بكفاءة عالية .

صوت هواء التكييف مع المروحة على أعلى درجة مزعج.

ملحوظة : تكييف التويوتا تحديدا أقوي و أفضل طبعا.

تأثير التكييف على الموتور ..شبه معدوم مش هاتحس بيه أبدا الا لو بتشد بالعربية و الثانية تفرق .

8 - وحدة الصوت :

صوتها حلو و استخدامها سهل وممكن تظبطها و تاخد صوت اقوى شوية ..مش هاركب سماعات ان شاء الله .

الراديو جيد وحساس و بيلقط كويس ..مش زي راديو الأوكتافيا مثلا ..

كان المفروض ان السي دي يكون تشاينجر بس جابر عبد الشهيد (ضحك عليا) و جابها اسطوانه واحدة مع وعد بتغييره في الدفعات الجاية (ان كان لنا عمر)

9 - استهلاك الوقود :

متواضع ..لا يحسب من مزايا السيارة

التانك كاملا ما بيكملش 600 كم على طريق مفتوح (مشوار الساحل بس عمل تقريبا 600 و كله طوالي شوت واحد)

جوه المدينة الصفيحة بتعمل تقريبا 200-230 كم

معدل الاستهلاك داخل المدينة 10-11 لتر /100كم

أفضل معدل الاستهلاك على الطريق 7.4 على سرعة 110 كم/س

عداد الإيكونومي ..يا أنا أهبل يا هوا بيستهبلني ...بيدي قراية لمسافة ...و العربية تمشي مسافة أطول و يرجع يغير الكلام

وده بيحصل على سرعة ثابتة و حمولة ثابتة و اتجاه ثابت خلال ثلاث ساعات ..بس هو دايما بيديك مسافات أقل من اللي البنزبن بيمشيها يعني لو مشيت وراه تبقى في أمان اكتر .

ده

مش محددين أوكتان بنزين معين على غطا التانك
بس 92 أفضل طبعا بتاع نايل موتورز

10 - حساسات الرجوع للخلف :

مدى احساساها واسع و ممتاز و بيجيب الأرصفة الواطية و العوائق اللي جنب العربية كمان .

حساسيتها محتاجة تكون أدق لأنها على أربع مراحل فقط يعنى لو سمعت الصفارة المستمرة تلاقي لسه وراك بتاع 40 سم ...و دول بيفرقوا (لما كنت باركن الركنة المستحيلة).

11 - المقصورة الداخلية :

حقيقة بدون خلاف ..العربية دي واسعة من جوا من قدام ومن ورا ومن قدام بشكل كبيــــــر.

الفرش الجلد فاخر و جيد و حمول جدا (شيلت عليه فردتين بجنوط بتوع اوكتافيا و متقطعين و متبهلدين و حشرتهم و زنقتهم لما قالوا يا بس ..و بعدها مسحته ..ولا الهوا).

الإضاءة الداخلية (متعة بالليل) و بالنهار الحقيقة لأن العدادات منورة على طول .

ولكن ..خطأ بسيط و لكنه غبي جدا جدا

العدادات ..عليها غشاء بلاستيك شفاف طبعا ..

الغشاء ده مائل للأمام تبع ميل براويز العدادات و النتيجة ان الضوء الساقط عى ارضية العداد بتنعكس على الغشاء و يظهر خيال مزعج امام السائق نهارا ...

ليه الغشاء ما يكونش عمودي على خط نظر السائق زي العربيات العادية ؟؟؟؟

فعلا حاجة غبية وواضحة في الصورة على فكرة بس ده كان الصبح بدري ..الظهر بقى ...زفت

الخامات اللي الكل و أنا منهم كنت باذم فيها ...

في الهاي لاين مش هاتحس ابدا برادءة الخامات الا في مقبض الباب و درج التابلوه لأن الجلد و البلاستيك الكروم مغطيين كل حاجة فعلا .
ده بتاع نايل موتورز
وبعيدا عن جودة الخامات من عدمها ....

التقفيل ممتاز فعلا ..مفيش فروقات ولا طقطقة ولا تزييق ولا اي حاجة بسم الله ما شاء الله بشكل ملفت .

دواسات الأرضية و السقف من مواد جيدة جدا .

______________________
فتحة السقف ..زي أي فتحة سقف

مرآة الصالون ...طبعا راحة شدية على الطريق ولا تحس باي زينون ولا عالي وراك .

مرايا الجانب ..كبيرة ..واسعة ..مريحة

و ضلعها الجانبي واخد نفس ميل جانب السيارة فا مس هاتضطر تشوف حتة من العربية مع الطريق ...

زرار التحكم فيها عملي و قريب من اليد .

استخدام الريموت و زرار ادارة المحرك احد اجمل ما في السيارة

وهذا موضوع تفصيلي مدعوم بفيديو و صور عن استخدام الريموت و كيفية عمله

شرح عمل المفتاح الذكي للنيو سيراتو (فيديو+صور)

12 - الشنطة :

واسعااااااااااااااااااااا اااااااااااااا خدت حاجات كتير قوي قوي مع امكانية الطي طبعا .

زراير الطي في الشنطة مش في الكراسي ..مش هاتحتاج تفتح الباب اللي ورا علشان تنيم الكراسي ودي بتنفع في الجراجات الضيقة .

______________________
الإضاءة الأمامية ..عادية ..لا حلوة بزيادة ولا وحشة
ده بتاع نايل موتورز
مع امكانية رفع و انزال مستواها .

13 - قوة الصاج و تقفيل الجسم :

الباب الخلفي و الشنطة و الفرف الخلفي :جيد جدا (لصغر المساعة ووجود ثنيات سوك)

الباب الأمامي و الكابوت : مقبول جدا (مش ضعيف)

الرفرف الأمامي (بسكوته) بالذات الجزء الخلفي منه

طبعا مقاييس القوة تفرق من واحد لواحد ..يعني ماحدش يقارنها بالأوكتافيا مثلا ولا بالبرليانس . هاتبقى ولا حاجة جنبهم .

تقفيل الجسم جيد جدا و ده الباب من جوه متقفل حرفه ازاي علشان الصدأ ..(دي إهداء خاص لأبو عبدالله)

من ناحية تانية في حركة زبالة بقى ....

طبعا عارفين الفبر الأسود اللي حوالين القزاز و على قوايم الأبواب ...
ده بتاع نايل موتورز
ده بقى في السيراتو مش "فبر" اسود لأ ..

ده استيكر اسود تقيل قوي ...اي والله استيكر يعني ممكن تقشره و ترجع العربية بيضا كلها و بالهنا و الشفا ...ده بسبب توفير الخامات برضه .

14 - الشكمان :

علشان يبقى ما حدش نفسه في حاجة ..

صوته جميل و شكله حلو بالحلية النيكل اللي عليه

بس خلي بالك

ماتحطش حاجة في الشنطة ورا يمين لأن الحتة دي بتسخن من الشكمان في السفر الطويل

يبقى بعض التفاصيل الظريفة
ده بتاع نايل موتورز
- مرايات في الشماستين مع اضاءة خاصة
- الشماسات فيها تطويلة لحجب الشمس بطول الزجاج الجانبي
- جراب النظارة واسع و بياخد نظارتي الكبيرة

- اضاءة الخرائط و السقف و المرايات جميعها قوية جدا جدا جدا
- المخدع الخفي جميل واسع وعالي

ده بتاع نايل موتورز

الطفاية ما جاتش مع العربية ....و اشتريتها من التوكيل بـ200 جنيه


و مفيش ولاعة بالمناسبة ..مخرج كهربا فقط

نهاية ...

مع وجود بعض العيوب السخيفة
إلا ان هناك ايضا ميزات رائعة
ده بتاع نايل موتورز
تقييمي للسيارة كسيارة في فئتها 7.5/10

تقييمي للسيارة كقيمة مقابل سعر (اللي اشتريت بيه) 9/10

الحمد لله راضي عنها و سعيد باختياري و مستعد لتكراره في نفس الفئة .

بعد امتلاك هذا الطراز ...ستكون مجبرا عند التغيير لأعلى ان تقصد أوروبا ...

لا يوجد سيارة أخرى اغلى سعرا ستعطيك مقابل فرق سعرها عن السيراتو الا الأوروبيات .
ده بتاع نايل موتورز
___________________________

كلمة لكيا موتور كوربوريشن

أحسنتم و في انتظار المزيد

ده بتاع نايل موتورز
ولكم أعزائى
أرجو ان يكون الموضوع مفيدا و بسيطا
الموضوع حصري بنايل موتورز