الموضوع: حملات مكثفة لتعقب السيارات المزودة بالزينون

المشاركة الأصلية كتبت بواسطة 3mr Farrag

هما بيدوروا علي اي حاجه يلموا بيها فلوس ولا ايه....
يعني سايبين الطرق السريعه ذي الزفت و تلاقي حاجات غريبه بتلبسها و ممكن لقدر الله يحصل مشكله.....و بعديت قال ايه خايفين علي عيون الناس :?
طيب ده كلام يخش بيه الدماغ....يعني قال يخافوا علي الواحد مايشوفش كام ثانيه علشان مايحصلش حادثه....و مش خايفين ان الناس تمشي علي طول مش شايفه....طيب نوروا الطرق بس الاول و سفلتوها عدل :twisted: :twisted:

و علي فكره انا ماصدفنيش زينون و ضايقني قبل كده ....ده حتي لو علي الطريق التاني مش بضايقني لأنه مش مركز علي طريقي ده مركز علي طريق العربيه....

:twisted: :twisted: :twisted:

مع احترامي الشديد لرايك الشخصي
انا معاك ان هم مهملين في اناره الطرق ولكن انا فعلا شايف تحسين ملموس وخاصه الاتوستراد لان انا بروح كل يوم من الزيتون لحلوان وحاسس قد ايه الطريق اتحسن الاسفلت بتاعه واضافو الانوار هو الكلام ده اقرب لحلوان منه للقاهره علشان كده ممكن متكونش حاسس بيه ولكن اهي خطوة كبيره
بالنسبه للمبات الزينون الي راكبه في المصابيح الاماميه المبهره للعين ,انا فعلا كان نفسي يصدروا قرار زي ده من زمان لانه فعلا بيضايق جدا وممكن كرد فعل تغمض عينيك
وبالنسبه لتركيزه في طريق العربيه ,انا مره كنت واقف في الدور الخامس وجت عربيه من بعيد ورحت بس مديه فلاشه ومش عايز اقولك الضوء كان مبهر ازاي وانا بعيد عنها
حاجه تانيه ياريت نحاول منهاجمش عمال علي بطال -مش انت بس-في ناس طالما شايفه حاجه وحشه بتعمم ده علي الكل
هي بس واحده واحده في مناطق كتير نضفت وفي اكتر لسه مش نضيف ولكن مصر كبيره اوي ومش ممكن تنضف كلها في يوم وليله

المشاركة الأصلية كتبت بواسطة الصاوي

صدقني اي كلام يا عبد السلام!! ولا أي حاجة من دي هاتحصل
هوة في كام واحد أصلا مركب زينون؟؟
ده صحفي قاعد بيفتي و خلاص
هوة فين الزينون ده أصلا؟؟

هو حضرتك مبيكلمش عن الزينون بتاع need for speed هوبيكلم عن اللمبات الزينون المبهره للعين الموجوده في عربيات كتير اوي
تلاقي الواد قلب من هنا تحس ان كل فلاشات الكاميرات الي في العالم ضربت في عينيك

المشاركة الأصلية كتبت بواسطة 3mr Farrag

بس يا استاذ جعيدي انا شايف من الاولي انهم ينوروا الطرق و يظبطوها و بعدين بقي يبقول ليهم عين يتكلموا......
حضرتك جربت طريق مصر اسكندريه الصحراوي و الضالمه اللي فيه ولا الخطوط اللي علي الارض اللي معموله في كل الاتجهات و لو ماخدتش بالك ممكن لقدر الله تلاقي نفسك في بلوك خرسانه.........ولا الدائري بنقره و مفصلاته...
يعني انا مش بنقض و خلاص كمان الشوارع ديه بايظه بقالها فتره و مش شايف اي تحسين....ده غير الشوارع الداخليه اللي بقيت اسوا....عندي في المنطقه بقت الطرق فظيييييييييييييعه تكسير لا تتخيله .....

مش يبقي حرام ولا انا بتبلا عليهم

انا معاك مقولتش حاجه وكمان طريق الاسكندريه بليل احسن بكتير من طريق العريش بليل ولكن معلش واحده واحده الا لو انت اصلا مش شايف اي تحسين او علي الاقل مش مقتنع ان في تحسين بيحصل
القصد انه محدش معاه عصايه سحريه ممكن يصلح كل حاجه في ثانيه وربنا يلطف بينا
ولعلمك انا مستاء اكتر منك ولكن مواجهه الامر الواقع والرؤيه الموضوعيه افضل من الهجوم ولا انت رايك ايه؟