حملات مكثفة لتعقب السيارات المزودة بالزينون

**M.Elwan** · 12-10-2007 04:12 AM

اكد المسؤولون ان السيارات المزودة بالزينون لا تلائم المناخ المصرى حيث صنعت خصيصا لتلائم البلاد الاوروبية وما تشتهر به من ضباب الى جانب السير على الطرق السريعة حيث يضاعف تأثير الضوء المنبعث الناتج من استخدام غاز الزينزن لترى المدينة وكأنها فى وضح النهار ليلا مما يؤثر على حدقة العين( للسائق القادم فى الجهة المقابلة) وتتسبب فى قيادة السيارة بلا سائق لمسافة تصل الى 800 متر فى حالة اذا ما كان يسير بسرعة 100 كيلو فى الساعة حيث تسبب عمى مؤقت لمدة 7 ثوان.

ويؤكد اللواء كامل ياسين مساعد وزير الداخلية امرور الجيزة انه بعد ثبوت خطورة تلك الكشافات كثفت ادارة المرور حملاتها لتعقب السيارات الحاملة لها وتحرير مخالفة تصل الى :

الغرامة بحد ادنى 50 جنية وحد اقصى 100 جنية

الى جانب سحب الرخصة وعدم استردادها إلا بعد التأكد من إزالة تلك الكشافات الخطرة .

جريدة روز اليوسف اليومية - العدد 676 - 11 أكتوبر

**3mr Farrag** · 12-10-2007 04:40 AM

هما بيدوروا علي اي حاجه يلموا بيها فلوس ولا ايه....
يعني سايبين الطرق السريعه ذي الزفت و تلاقي حاجات غريبه بتلبسها و ممكن لقدر الله يحصل مشكله.....و بعديت قال ايه خايفين علي عيون الناس :?
طيب ده كلام يخش بيه الدماغ....يعني قال يخافوا علي الواحد مايشوفش كام ثانيه علشان مايحصلش حادثه....و مش خايفين ان الناس تمشي علي طول مش شايفه....طيب نوروا الطرق بس الاول و سفلتوها عدل :twisted: :twisted:

و علي فكره انا ماصدفنيش زينون و ضايقني قبل كده ....ده حتي لو علي الطريق التاني مش بضايقني لأنه مش مركز علي طريقي ده مركز علي طريق العربيه....

:twisted: :twisted: :twisted:

**Ahmed Samy** · 12-10-2007 04:40 AM

طب و الأوريجينال؟

**Chicco** · 12-10-2007 05:09 AM

هما بيدوروا علي اي حاجه يلموا بيها فلوس ولا ايه....

+1
أمال يعني خايفين علينا :twisted: :twisted:

**الصاوي** · 12-10-2007 05:10 AM

صدقني اي كلام يا عبد السلام!! ولا أي حاجة من دي هاتحصل
هوة في كام واحد أصلا مركب زينون؟؟
ده صحفي قاعد بيفتي و خلاص
هوة فين الزينون ده أصلا؟؟

**Ahmed Anwer** · 12-10-2007 05:15 AM

هيهيهيهيه
حكومة غريبة جدا ،، تسيب الحاجة تستورد و تتباع و بعد كده تقولك ممنوعة
في الشركة اللي كنت فيها قبل كده ،، كانوا بيجيبوا عربيةاسمها فاريكا من تايوان مستوردة بديفندرات من ورا و قدام ،، أول ما يشتري العربية يفكوا الديفيندرات عشان المرور مبيسمحهش بيها
:D :D :D
و كان عندنا أتوبيس مرسيدس مصري بتاع MCV الأمين مرة وقفه و قاله حزام الأمان ده مش مطابق للمواصفات ،، السواق ضحك و قاله هوا أنا اللي صنعت العربية :D :D :D

**3mr Farrag** · 12-10-2007 05:19 AM

المشاركة الأصلية كتبت بواسطة Ahmed Anwer

حكومة غريبة جدا ،، تسيب الحاجة تستورد و تتباع و بعد كده تقولك ممنوعة و كان عندنا أتوبيس مرسيدس مصري بتاع MCV الأمين مرة وقفه و قاله حزام الأمان ده مش مطابق للمواصفات ،، السواق ضحك و قاله هوا أنا اللي صنعت العربية :D :D :D

جامده اوي ديه...... :lol: :lol: :lol: :lol:

و معلش سوؤال اطمع انك تقولي اجابته هو ايه مواصفات حزام الامان :!: :!: :!: :!:

**Ahmed Samy** · 12-10-2007 05:37 AM

المواصفات القياسية لحزام الأمان هي إنو يكون في ايد امين الشرطة جوز جنيهات :mrgreen:

**3mr Farrag** · 12-10-2007 05:40 AM

:mrgreen: :mrgreen: :mrgreen: :mrgreen:

**Ashraf A.Kader** · 12-10-2007 02:38 PM

المرة الجاية حيمسكوا اللي لازقين استيكر نايل موتورز هاهاها :D :D :D :lol: :lol:

الموضوع: حملات مكثفة لتعقب السيارات المزودة بالزينون

LinkBack

أدوات الموضوع

عرض

-

-

-

-

-

المواضيع المتشابهه

مشكلة بالزينون

حملات أمنية مروريه مكثفة لظبط الخارجين عن القانون

السيارات المزودة بأنظمة نقل يدوي لم تعد الأكثر توفيرا للوقود؟...

حملات مرور مكثفة فى الجيزة - 4 كمائن من الجيزة لفيصل !!!!!

الكلمات الدلالية لهذا الموضوع

المفضلات

المفضلات

ضوابط المشاركة