حركات هبله أتحداك لو قلت مش بتعملها

**Hacker5** · 04-07-2009 04:57 PM

صراحه في حركات هبله بنعملها في حياتنا اليوميه و احنا عارفين انها هبله ومع ذلك بنعملها ليييييييه؟؟ مش عارف!!

مـثــــــــــــلا

ليه بعد ما نشرب كانز البيبسى ونخلصه نهز العلبه؟؟
>>يعني مستنى عفريت يطلعلك من الكانز يقولك مبروك كسبت كمان شفطه ..؟؟!!

*ليه اذا شفنا جدار أو عمود نور مكتوب عليه عباره(احترس من الدهان) ما تصدقش وتجرونجرب بأصابعنا؟؟
>> يعني لازم يحلفوا ..؟؟!!

ليه لو كانت بطاريه الريموت كنترول ضعيفه تضغط بقوه على الأزرار؟؟
>>يعني هو كده هتتشحن البطاريه؟؟!!!

ليه لو أتاخر الأسانسير نضغط على الزرار ميه مره؟
>>يعني كده خلاص هيحس على دمه وبيفتح

ليه بنوطى صوت الكاسيت فى العربيه لو كان الطريق زحمه أو لو تهنا؟؟
>>يعني كده الطريق هيفضى ولا هنعرف فين الطريق ؟

ليه لما بنكون قاعدين فى مكان عام ونسمع رنه مسج ولا رنه موبايل على طول تشوف موبايلك ؟؟
ليه حضرتك مهم للدرجه دى علشان يرن موبايلك من بين البشر دى كلها ولا أنت يعنى مش عارف رنه موبايلك

كل واحد يقول بصراحه بيعمل ايه من دول وافضح نفسك احسن؟

مسروق ..... قصدى منقول

**Abo.Omar** · 04-07-2009 05:03 PM

فعلا انا ساعات كتير بعمل الحالات 3 4 5 لكن الباقى مش بعمله

**نور القمر** · 04-07-2009 05:03 PM

الكانز لازم نهزها طبعا
يعني يرضيك نرميها ولسه في احتمال يكون فيها نقطتين تلاتة
بس انا بصراحة مش بعملها لان استحالة اقدر اخلص كانز لوحدي

وباقي الحاجات بعملها بس بطلت حركة الاسانسير دي بعد ما قريت الموضوع ده مرة قبل كدة

**ASKAFRAWY** · 04-07-2009 05:15 PM

موضوع الكاسيت و الريموت دووووووول لازم اعملهم!
تصدق انك لما بتضط على زرار الريموت جامد بيشتغل حلاوة
الكاسيت بوطيه عشان مش ناقص لابخة

**أبو إياد** · 04-07-2009 05:16 PM

صدقنى مش باعمل اى حاجه من الكلام ده كله غير انى فعلا ممكن اوطى الكاسيت فى حاله الزحام او التوهان

**M.Osman** · 04-07-2009 05:21 PM

ليه بنوطى صوت الكاسيت فى العربيه لو كان الطريق زحمه أو لو تهنا؟؟
>>يعني كده الطريق هيفضى ولا هنعرف فين الطريق ؟

انا لما يكون الطريق زحمة بعلى الكاسيت
لما اكون بدور على ركنة بطفى الكاسين خالص... و لا لما اجي اركن .. مبكونش طايق حد يكلمني.
و بعمل بتاعت الاسانسير برضه..

انت بقى بتعمل اية؟