لا تخفيض فى جمارك السيارات

**alisleman** · 04-07-2009 08:09 PM

المشكلة علشان يخفض الجمارك زى مهما قالوا 10% كل سنة لحد عام 2019 يبقى مفيش جمارك خالص هيحصل بالفعل ازمة جامدة جدا فى المرور اذا كان دلوقتى والواحد بيشترى العربيه بتمنها مرتين ويمكن اكتر مش ملاحق على المرور والقاهرة مخنوقة يبقى لما يشيل الجمرك وتشترى العربية بتمن برة هينتج عنها حاجات كتير
1-لازم قانون ينزل يقول العربية تتكهن بعد خمس او عشر سنين من انتاجها
2-التجار مش هيعرفوا ينهبوا منا فلوس علشان سيادتك هتبقى عارف تمنها من برة على طول
لان هما دلوقتى بيتحامه فى الجمرك والحكومه واللى كشفهم اللوجان المغربية
وطبعا انتا عارف انى الحكومه حمياهم لان اهم حاجة عندهم الاستثمار ورجال الاعمال
3-الاقتصاد بتاع البلد هيضرب لانى فلوس الجمارك دى هتروح من الحكومة هيعملة ايه من غيرها
4-هيعوضوا الناس الحالين ازاى وناس عربيتها بتوصل 40 و 50 الف والحكومه عاوزة تخدها منها ب 5 الاف

**Samah AbdAllah** · 04-07-2009 08:41 PM

يعملوا طرق

الناس كلها بتتقدم واحنا عاوزين نفضل زى ما احنا
حتى من غير تخفيض الجمارك الناس بتزيد والزحمة بقيت فوق الاحتمال يعملوا طرق وكبارى وانفاق

هم بيعملوا من جيبهم ماهم بياخدوا كل مليم من الشعب
على الاقل يشغلوا الناس اللى قاعدة مش لاقية شغل

**Lion_Heart** · 04-07-2009 09:09 PM

لا حول و لا قوة الا بالله

**SAMEH_FOUAD** · 04-07-2009 10:59 PM

المشكلة حاجة واحدة ان الناس بتشترى وعارفة انها بيضحك عليها سواء فى العربية او فى قطع الغيار اللى فى التوكيل
يعنى كدة كدة لازم يكبروا فى الطرق ويعملوا توسيع لاننا بعد عشر سنين هتبقى السرعة القصوى فى القاهرة 30 كيلو ومعدل الحوادث هيزيد جدا بسبب الزحام الشديد

وعمرهم ابدا مايخفضوا الجمارك الا لو قابلتها زيادة فى اى حاجة تانية عشان يبقوا عملوا اللى احنا عايزينة وبردة حكموا الموضوع دة ,زى بالظبط كدة لما بيعملوا علاوة ويزودا المرتب وبعديها تلاقى كل حاجة بقى سعرها مرتفع جدا ,متهيالى الجمارك هاتبقى كدة بالظبط

**seaman** · 05-07-2009 12:36 AM

فعلا فى تخفيض 10% على السيارات الاوربى وسنويا حتى 2019 بس مش حنحس بيه قوى من جشع التجار

**n_light** · 05-07-2009 01:35 AM

معلش محدش يزعل من كلامي

احنا ليه بنتكلم كاننا مجبرين نشتري ؟؟؟؟

احنا فلوسنا في جيبنا سنة واتنين و تلاتة لحد ما تبقي العربية بالسعر اللي احنا عاوزينه

واللي معاه عربية يخليها سنتين كمان

واللي محتاج عربية يستحمل المستعمل شوية

لكن احنا ليه مستنين القرار منهم هما بمزاجهم .... يخفضوا او مش يخفضوا او حتي يزودوا الجمارك
هما احرار

لكن احنا كمان احرار نشتري او ما نشتريش

وعلي فكرة هنا في اسكندرية معارض عربيات كتير بقت بتقفل او بتشتغل نص يوم واصحابها باين عليهم تأثير السوق اللي واقف

وده مش ذنبنا ده ذنب الجشع والسرقة اللي المفروض مش نرضي بيها تاني

لكن حرام نرفع احنا الراية البيضا ونرضي بالامر الواقع

خليها تصدي وموديلها يعدي مش هتحقق هدفها الا بالنفس الطوووووووووويل

واحنا في المركز الاقوي لان قرار الشرا في ايدينا احنا

**amrico** · 05-07-2009 05:33 AM

المشاركة الأصلية كتبت بواسطة n_light

معلش محدش يزعل من كلامي

احنا ليه بنتكلم كاننا مجبرين نشتري ؟؟؟؟

احنا فلوسنا في جيبنا سنة واتنين و تلاتة لحد ما تبقي العربية بالسعر اللي احنا عاوزينه

واللي معاه عربية يخليها سنتين كمان

واللي محتاج عربية يستحمل المستعمل شوية

لكن احنا ليه مستنين القرار منهم هما بمزاجهم .... يخفضوا او مش يخفضوا او حتي يزودوا الجمارك
هما احرار

لكن احنا كمان احرار نشتري او ما نشتريش

وعلي فكرة هنا في اسكندرية معارض عربيات كتير بقت بتقفل او بتشتغل نص يوم واصحابها باين عليهم تأثير السوق اللي واقف

وده مش ذنبنا ده ذنب الجشع والسرقة اللي المفروض مش نرضي بيها تاني

لكن حرام نرفع احنا الراية البيضا ونرضي بالامر الواقع

خليها تصدي وموديلها يعدي مش هتحقق هدفها الا بالنفس الطوووووووووويل

واحنا في المركز الاقوي لان قرار الشرا في ايدينا احنا

ربنا يبارك في حضرتك

**n_light** · 05-07-2009 05:54 AM

المشاركة الأصلية كتبت بواسطة amrico

ربنا يبارك في حضرتك

اللهم امين

شكرا ليك

علي فكرة انا شايف اننا مش بنتسرق في العربيات بس
فيه حاجات كتير قوي اسعارها مبالغ فيها
وانا باحاول اقنع اللي حواليا اننا نقاطع اي حاجة نحس ان سعرها مبالغ فيه
والحمد لله بانجح علي قد ما اقدر
ماهو محدش بيحب يبقي بيتسرق وهو عارف
المشكلة الوحيدة في الاكل والشرب لانه صعب الاستغناء عنه

الوعي والصبر هو اول الطريق عشان ناخد حقنا