أفيو هاتش باك 2009

**NaGaTy** · 04-07-2009 06:09 PM

يا جماعه انا ليا واحد صاحبي ناوي يشتري إن شاء الله عربيه افيو هاتش باك 2009 وكنت عاوز اعرف رأيكم فيها حلوه ولا وحشه وايه المميز فيها وايه مشاكلها ومشاكلها بتتحل ولا لا .. وبجد منتظر ردكم علي بفارغ الصبر وشكرا لهذا المنتدى الجميل .. :) والسلام خير الختام ..

**alisleman** · 04-07-2009 08:18 PM

الافيو السيدان مليانة مشاكل فعليك لا تتسرع اللى يكون نفس العربيه هيا هيا الهاتشباك فانتا لازم تتاكد ان اللى معاه العربية انها سليمه وميكونشى فيها حاجة لان التوكيل بتاعها نصبين عينى عينك
انا عارف ان العربيه جميلة بس معلشى لازم تتاكد متقلشى انها متقفلة كلها فى كوريا اللى متقفل فى كوريا ومصر الاتنين تعبنين فى السيدان

**egyptianmafia** · 04-07-2009 11:39 PM

The Aveo HB does not have any problems. All the problems that the people are facing is with the sedan which is assembled in Egypt

**kareem_aljamal** · 13-07-2009 03:54 AM

طب أخبار استهلاكها للبنزين زي التانية السيدان ؟؟
يعني كام لتر / 100 كيلو ؟؟؟
و هل استهلاك الافيو عموما وحش زي ما بنسمع؟؟

**kemo0o** · 13-07-2009 04:12 AM

بص ياسيدي الفاضل !! كان مع واحد صاحبي الافيو هاتشباك وعمل بيها حادث

وكانت مشاكل العربة كالتالي :

1- سحب ضعيف جدا وماكانتش بتعدي 160
2- الطنابيــــــــــــــــــ ـــــــــــــــــر
3- استهلاك البنزين سئ جدا جدا لدرجة ان صاحبي كان عاوز يكتب عليها من ورا " استهلاك الشيروكي واداء الماروتي "
4- لما كنت تفضل حارق عليها كتير وماشي مثلا 160 مسافة 60-80 كيلو كانت ال cel تنور !! مش عارف ليه !
5- حارات الفتيس كانت مشكله
مميزاتها !!
كان ثباتها كويس جدا جدا
حجمها من بره صغير بس من جوه كويسة ومريحة

**M.ABDEEN** · 13-07-2009 08:49 AM

فعلا يا باشا ابعد عنها هي الشكوى منها مش كتير علشان يمكن محدتش كتير جابها او اختبرها ولكن السيدان كلها مشاكل ومن المتوقع ان تكون بنفس الطريقة وبها عيوب كما ذكر الزملاء

**ahmed_elbokl** · 13-07-2009 09:12 AM

انا معايا الافيو السيدان نقالها دلوقتى سنتين بالظبط و ظهر فيها مشكلة فى rpm واتحلت فى التوكيل و ما ظهرش اى مشاكل تانية لحد دلوقتى و الحمد لله

**egyptianmafia** · 13-07-2009 09:59 AM

المشاركة الأصلية كتبت بواسطة mohammedsamirabdeen

فعلا يا باشا ابعد عنها هي الشكوى منها مش كتير علشان يمكن محدتش كتير جابها او اختبرها ولكن السيدان كلها مشاكل ومن المتوقع ان تكون بنفس الطريقة وبها عيوب كما ذكر الزملاء

ezay ya basha....wahda takfeel masr wel tanya korea........

saba7 el fol

**M.ABDEEN** · 13-07-2009 10:22 AM

المشاركة الأصلية كتبت بواسطة egyptianmafia

ezay ya basha....wahda takfeel masr wel tanya korea........

Saba7 el fol

لعلم سعادتك في سيدان كوري وبرده فيها مشاكل لكن لو انا باتكلم عن شيفروليه يعني اسم كبير ومافيش مانع ان يبقى فيها مشاكل مش الشيفروليه بس لا ده ممكن ماركات اخرى ومش شرط العيوب تكون عيوب تقفيل وانا مش بسيىء للافيو هي برده عربية كويسة وانا مش قصدي وصباحك عسل يا باشا

**kemo0o** · 13-07-2009 11:10 AM

المشاركة الأصلية كتبت بواسطة mohammedsamirabdeen

لعلم سعادتك في سيدان كوري وبرده فيها مشاكل لكن لو انا باتكلم عن شيفروليه يعني اسم كبير ومافيش مانع ان يبقى فيها مشاكل مش الشيفروليه بس لا ده ممكن ماركات اخرى ومش شرط العيوب تكون عيوب تقفيل وانا مش بسيىء للافيو هي برده عربية كويسة وانا مش قصدي وصباحك عسل يا باشا

أنا معاك ان شيفروليه اسم كبير لكن مش عارف ليه بقت من أكتر العربيات مشاكل
وكلامي ما يقتصرش على الافيو ... انا ركبت الابيكا وماعجبتنيش خالص وسحبها تعبان

سيبك من ده كله ده اللومينا SS اللي هي الوحش بتاعهم وكمان v8 مليانه مشاكل والناس برة بيشتكوا منها !!

على فكرة ابن خالتي لسه جايب سيدان كوري وظهرت فيها مشكلة ال RPM !!