القول الفصل فى شريط الأيرباج

**Ahmed Selim** · 04-07-2009 11:16 PM

السلام عليكم ورحمة الله وبركاته

النهاردة عربيتى عملتها معايا.......صوت تكتكة خفيفة من الدركسيون عند لفه...........مرتين تلاتة و الصوت أختفى و نورتلى لمبة الأيرباج ولمبة السيرفيس............يبقى أيه ؟ شريط الأيرباج..........برافو يا شُطار

الحمد لله من قبل و من بعد........العربية عاملة دلوقتى أكتر من 96 ألف كم بشوية صغيرين و مازلت حاسس أنها عربية تكاد تكون زيرو.

المهم......نظراً لأنى مش بحب تكون فى حاجة بايظة عندى ( أياً كانت ) توكلت على الله و عملت أتصالين.......واحد لمحمد بك الكبير........قصدى محمد بك مصطفى عشان المشكلة دى حصلت عنده قبل كده......بعد السلامات واللذى منه.........محمد قالى أنه كان فك شريط الأيرباج بمساعدة صديقة المهندس أحمد الدسوقى اللى بيشتغل فى توكيل رينو السعودية على أمل أنهم يعرفوا يصلحوه عند النخيلى.... ( عشان الناس تتخيل أيه شريط الأيرباج....هو عبارة عن كابل عريض شوية زى كابل الهارد ديسك الساتا كده و أسمه Flat Cable ) بعد المحاولات عند النخيلى لم ينجح الأصلاح
محمد برضه كان سأل على تمن الشريط أستيراد فى فرنش موتورز قالوله 800 جم.
كلمت بعد كده السلطان عمرو عبد الخالق.....كنت سمعت منه عن واحد قريب منى عمل شغل عالى مع واحد قريبه..........بعد السلامات و اللذى منه.....عمرو قالى أنه هيجيبلى رقم المهندس ده......5 دقايق و لقيت المهندس هو اللى بيكلمنى.....وصفلى الورشة و كنت عنده بعد 15 دقيقة.

و نظراً لأن مش أى حد ممكن أسمحله يشتغل فى العربية .....قعدت مع المهندس ده نتجاذب أطراف الحديث ( حلوة دى.... ) المهم الحديث كان فى ظاهره ودى و لكن يحمل فى طياته ( دى كمان عجبتنى ) الكثير من الأسئلة اللى عبارة عن tricks يعنى ميجاوبش عليها صح غير واحد عارف هو بيقول أيه.

بعد لما أطمنت و سألت على تمن الشريط ( 650 جم ) توكلنا على الله و أبتدى الموضوع اللى مخدش أكتر من 15 دقيقة.... وكان الموضوع منتهى.

على فكرة........فى العديد من الحلول اللى تخلى اللمبة تطفى بس الأيرباج مش هتشتغل فى حالة الحاجة ليها لا قدر الله...........يبقى بنضحك على مين على العربية و لا على نفسنا.

شريط الأيرباج هو اللى فى الدائرة اللى فى المنتصف ( جواها....مش هيبان غير جزء منه لو دققت فى الصورة الأولى على طرف الدائرة ) الشريط ده مصنوع من مادة بلاستيكية و مع الوقت بتنشف و متبقاش لينة فى الحركة زى الأول.....و الشريط يتقطع.....ده ملخص اللى بيحصل.

عشان مزيد من السهولة بس......بيغيروا الوحدة اللى فى الصورة بالكامل بدل ما يقعد يفك دراعات الأشارة.

أسيبكم مع الصور.

**Ahmed Selim** · 04-07-2009 11:45 PM

الله يسلمك يا باشا

شايف الدايرة اللى فى الصورة الأولى ؟؟؟
دقق على طرفها من فوق ( قريب من الجاك الأخضر ) هتلاقى باين حاجة لونها أبيض.......هى دى

عشان تشوف الشريط نفسه لازم القطعة السوداء اللى مكتوب عليها caution فى الصورة التانية تتشال.

**lion99990** · 05-07-2009 12:04 AM

بجد الموضوع ده لسه حاصل مع اخو مراتى معاه عربيه ميجان 2006 كان شريها زيرو من عند السبع اوتوموتيف سنه 2007 كانت استوك عندهم المهم ان كان جتله فتره بالظبط من اسبوعين و لمبه الايرباج بتنور كل شويه المهم راح مركز الصيانه اللى فى العبور يوم الاربع اللى فات كشفوا عليها فوجدوا ان الكويل مقطوع بتاع الايرباج بصراحه انا مش متاكد هل كويل ولا كابل زى ماحمد عبد المقصود و صفه بس المهم فى الاول قاللو ضمنها انتهى قالهم العربيه مش ماشيه اكتر من 20000الف كيلو ازاى ضمنها ينتهى و انا شاريها فى 2007 ردو عليه و قالوا ادامك حل عشان تتعمل فى الضمان تثبت ان العربيه مشتراه فى 2007 وساعدوه و قاللوله الفاتوره تجيب صوره من المرور او من عند الشركه اللى انت جايب منها العربيه المهم و هوا فى العبور كلمنى فكلمت السبع اوتوموتيف اللى فى المنصوره عشان يبعتوله صوره الفاتوره بالفاكس لمركز العبور بصراحه انا مكنتش مصدق انى حلاقى الفاتوره عندهم بس بصراحه لاقوها و فى نفس التوقيت بعتوها فاكس لمركز العبور فورا و هوا هناك ولاقوها مشتراه فى 20/7/2009 فغيروها فورا بالضمان و لم يدفع ولا مليم فبصراحه شكرا لرينو وللسبع اوتوموتيف و يارب اكون فدت بعض الناس
بس اللى انا مستغربلله ازاى الحاجات ديه تبوظ بالسرعه ديه فى الميجان كمان كان عنده مشكله من 8 شهور كده بس برضه اتصلحت بالضمان كنت حكيت عنها قبل كده و هيا عمود الكامه الداخلى كان بايظ مش عارف كان فيه ايه و غيروه كان كل ميجى يدور العربيه يسمه صوت خرفشه و تنتهى و الحمدلله على كل شئ و ارجو ان اكون اوضحت الصوره .

**chato_eg** · 05-07-2009 12:10 AM

عمود كامة...!!!
أعتقد تقصد ترس ال De-Phaser ...و ده حاجة مشهورة نوعا ما مع الميجان.....
إيه ده كمان تامر من فترة كان الشريط ده اتقطع عنده بس مش فاكر عمل إيه...
بس لسه..ما وصلتش لدرجة الانتشار بتاعت الفتيس