هية الحجات دي مخالفة؟

**dr_timo** · 05-07-2009 12:11 AM

انا ياجماعة جت فكرة في دماغي اني اعمل اكصدامين حلوين لعربيتي فطبعا شلت الاكصدامين القدام وعملت اتنين تانيين وعملتهم صاج مش فايبار وحطيت فيهم فوانيش اشارة وشبورة وفاماكنهم صح وكل حاجة تمام ومعاد الففحص كمان كام يوم فهل ممكن يقولولي اشيلهم عشان مخالفين ولا اية الاخبار انا بشوف عادي مليون واحد مغير الاكصدامات وعند بتوع الفايبار بلاقي مليون واحد عامل اكصدامات فهل دة مخالف ولا ممكن يغلسو مع العلم اني لا نففخت في الرفارف ولا الكبوت ولا اي حاجة مجرد اكصدامين وعتب بسيط

**WalidAdel** · 05-07-2009 12:19 AM

مافتكرش ممكن حد يغلس في الفحص
بس لو حد غلس ابقي اغمزه بعشره جنيه ولا حاجه حيعديها يعني بس دا لو اتكلم مش انت تروح تقولوا هيا الاكصدمات دي مخالفه
حيحور عليك و يقولك اه طبعا و بتاع و يحسسك انه حيعملك الواجب التمام و ممكن يتاذي فيها و جو كده مالوش لازمه انت سيبه خالص اتكلم عليهم قولوا ياعم ملناش بركه الا انت و الكلمتين دول
ماخدش باله ولا كانك عارف حاجه عنهم اصلا

**dr_timo** · 05-07-2009 02:41 AM

شكرا يارجالة وان شاء الله بعد مارخص اقولكو الاخبار واوريكو صورة العربية كمان

**M_Nabil** · 05-07-2009 03:13 AM

شوف ياباشا هو لو الاكصدامات دى مش مغيرة شكل العربية يبقى مافيش مشكلة انما لو مغيرة شكل العربية بصورة كبيرة يعنى اللى يشوفها مايعرفش نوعها ايه بالضبط وغير مطابقه لمثيلتها من ناحية الشكل يبقى مش هيرضوا يرخصوها ويقولك رجعهلى زى الأول وتعاله افحص حصلت مع واحد اعرفه قبل كده مع عربية بيجو 504 كان معدلها.

**M.ABDEEN** · 05-07-2009 08:39 AM

كله عندنا بيمشي يا باشا بس لازم تطلعلوه كام لحلوح علشان ميغلس عليك طبعا ده غلط بس للاسف لو انت في المرور وفكرت تبص بس لواحد موظف بيفتكرك هتديله فلوس

**dr_timo** · 05-07-2009 04:59 PM

مع اني مبحبش اسلوب ادفع عشان تعدي دة بس شكلي هضطر اعمله

**كابوس الليل** · 05-07-2009 05:03 PM

المشاركة الأصلية كتبت بواسطة dr_timo

مع اني مبحبش اسلوب ادفع عشان تعدي دة بس شكلي هضطر اعمله

ولسة عايش؟؟؟؟؟؟؟؟

وبتخلص مصلحك ازاى؟؟؟؟؟؟؟؟
احنا ف مصر يا ابنى ام الدنيا

**Ashraf_Ashraf** · 05-07-2009 06:00 PM

المشاركة الأصلية كتبت بواسطة dr_timo

انا ياجماعة جت فكرة في دماغي اني اعمل اكصدامين حلوين لعربيتي فطبعا شلت الاكصدامين القدام وعملت اتنين تانيين وعملتهم صاج مش فايبار وحطيت فيهم فوانيش اشارة وشبورة وفاماكنهم صح وكل حاجة تمام ومعاد الففحص كمان كام يوم فهل ممكن يقولولي اشيلهم عشان مخالفين ولا اية الاخبار انا بشوف عادي مليون واحد مغير الاكصدامات وعند بتوع الفايبار بلاقي مليون واحد عامل اكصدامات فهل دة مخالف ولا ممكن يغلسو مع العلم اني لا نففخت في الرفارف ولا الكبوت ولا اي حاجة مجرد اكصدامين وعتب بسيط

بص انا غيرت الاكصطدامات الاماميه والخلفيه للعربيه فبر كمان مش صاج ولا حديد رحت المرور ارخص طلع عين اهلى
ورفضوا وكانوا بيتفقوا تقريبا يحولونى للمفتى رغم الرش واللذى منه برضوا مافيش فايده اضطريت ارجع اشيلهم
واركب اتنين سلف من عربيه تانيه فحصت بيهم ورجعت ركبت الجداد زماشى بيهم من سنيتن
الانكت من كدهخ بقى فى نفس المرور وفى نفس الشارع بتعنا لاقيت واحد شايل الاكصطامات اصلا ومغير شكل العربيه فحص وركب النمر الجديده وكله تمام ازاى معرفش ( كوسه بقى يمكن )
فيظهر انت وحظك فى البلد دى