السلام عليكم ...
انا اشتريت عربيه زيرو لسه معلقتش نمر...
و عايز اخد النمر الى على عربيتى القديمه ..
و مش عايز ابيعها بيها ...
عشان الرقم عاجبنى و عزيز عليا ...
يا ترى ايه الاجراءات الى بتتعمل و هل ينفع اساسا ولا لا ؟؟؟
و هل يشترط الواسطه ولا لا ؟؟
ملحوظه :
انا عايز انقل النمر من على العربيه القديمه و اجيبلها نمر غيرها عشان ابيعها بيها ...
أعتقد ان الكلام ده غير منطقي
ومفيش ما يستعدي انك تحتفظ باي نمرة خصوصا مع النمر بالشكل الجديد
النمر الشكل الجديد لسه كتير على ما توصل المحله هنا ..
مش اقل من سنه ...
و سبب احتفاظى بالنمره ان الرقم حلو و عزيز عليا ...
بس الى خلى الفكره تيجى فى دماغى ان شوفت ناس عمو كده ....
يعنى مثلا ببقى عارف ان فلان معاه فيكترا رقمها 0000
الاقيه جاب باسات و عليها نفس الرقم ....
بكره هعدى عالمرور اسأل كده و اشوف ....
و متشكر لردك يا باشا ...
ياريت تعرفنا عملت ايه يا خالد باشا وتقولنا ايه هي الإجراءاتاقتباس:
المشاركة الأصلية كتبت بواسطة khaled ayman
ومبروك العربية الجديدة وربنا يكفيك شرها وتاخد خيرها
هو طبعا ينفع لان فى واحد فى القاهره صاحب محل حلويات شهير رقمه 66 القاهره كل ما يغير العربيه كل سنه بياخد نفس النمرة وانا كنت سالت فقالوا ان النمره اصلا بتاعتك مادام مسلمتهاش بس نفسى اعرف الاجراءات ازاى
ياخالد باشا سيادتك ممكن تعمل حاجه لزيزه قوى الا وهى بتفك النمر من على العربيه وتعمل حاجه أسمها شهاده بيانات منا المرور وبتبقى غير مطالب بلوحات معدنيه على السياره حتى البيع وتحتفظ برقمك القديم حتى تذهب للمرور لترخيص السياره الجديده وتطلب من موظف الشباك انو يسجلك رقم العربيه القديمه على الجديده بس الحته الأخيره دى ممكن يبقى فيها اجرأات خاصه بيها فى المرور والله ورسوله اعلم بردو
انا بشكر كل الى ردو عليا ...
انا روحت المرور و قالولى الاتى ..
هات العربيتين الجديده و القديمه ..
هطلع شهاده مخالفات للقديمه ..
و هنفك النمر من عليها و نسلمها للمرور ..
و هم هيطلعولى النمره و نحطها على الجديده ....
و هيطلعو اى نمره للقديمه ..
و بس على كده ...
ان شاء الله هرخص العربيه الجديده على يوم السبت ..
الورق هييجى بكره ...
و على ما السيد الوالد يفضى هنكون بقينا السبت ...
مبروك العربية الجديدة وربنا يكفيك شرها
انا اللى اعرفة ان لو فى لسة فترة فى الترخيص
لازم تروح تتنازل عن الفترة قدام الظابط
عموما انت ادرى و قولنا عملت اية
حضرتك قصدك بفتره الترخيص ان الرخصه لسه ساريه ؟؟؟
هى فعلا كده ...
الرخصه لسه فيها حوالى 6 شهور ...
عموما الاجرائات هتوضح اكتر لما اروح انفذ ...
مش ده بتاع محلات الفاليرواقتباس:
المشاركة الأصلية كتبت بواسطة mramzy
فعلاً انا قصدي كــدةاقتباس:
حضرتك قصدك بفتره الترخيص ان الرخصه لسه ساريه ؟؟؟
هى فعلا كده ...
الرخصه لسه فيها حوالى 6 شهور ...
عموما الاجرائات هتوضح اكتر لما اروح انفذ ...
ان لو لسة فى مدة باقية فى رخصة العربية لازم تتنازل عنها
لان دى مدة انت دافع فلوسها للحكومة ... و بما ان الحكومة ما بترجعش حاجة من خزنتها بالساهل ، فبيقولك اتنازل عن الفترة اللى باقية فيها
و اكيد اكيد انا منتظر تقولى تفاصيل اللى انت عملت بالشرح الممل لان تجربتك مهمة جداً عشان نفهم القصة دى ماشية ازاى بالظبط من غير فتاوى
هو بالظبط كده بس اجبارى بعد النمر الجديده بقى نمره عاديه زى البشراقتباس:
المشاركة الأصلية كتبت بواسطة theking2690
لو تاخد بالك كل عربياته كانت كاديلاك
ربنا يزيده ويكرمنا
هو اكيد هيكون زى ما حضرتك بتقول ...اقتباس:
المشاركة الأصلية كتبت بواسطة shrifelmasry
هو الى قالى الكلام ده قالى شرح مبسط ...
لان انا مكنتش عارف ينفع ولا لا ...
ان شاء الله الترخيص قريب...
ورق العربيه التوكيل بعتهولى النهارده ..
و هرخصها يا ام الخميس يا السبت .....
و هقولك كل التفاصيل ان شاء الله ....
و متشكر جدا لحضرتك ..