الموضوع: تفاصيل تهمك بالصور والفيديو عن الصينية byd== f3

المشاركة الأصلية كتبت بواسطة seba

بسم الله الرحمن الرحيم السيارة معي بقالها اسبوع ومونتها ب100ج 92 وخايف من تمونها بعد كدة افيدونى فى الغاز

السلام عليكم الأخ الفاضل seba

حضرتك خايف من تموينها بنزين 92 ليه؟؟

هل حضرتك كنت بتمون الجميلة byd-f3 بنزين من نوع مختلف قبل كده؟؟

لأن بنزين 80 مثلا غلط جدا علي المحرك والرشاشات وممكن يوقف المحرك تماما

أما بنزين 90 فغير محبذ لأنه حيقلل من أداء السيارة الأمثل ده غير برضه أثره علي المدي الطويل في الرشاشات والمحرك

ثالثا وده الأهم الفرق 10 قروش /لتر فقط من 90 إلي 92 فلما القلق هو الـ 100 جنيه النهاردة ليها لزمة من أساسه؟؟

أرجو أنك تستمتع بسيارتك ولا تبخل عليها بالبنزين الجيد ولا تمون سوي من المحطات الجيدة ولا تدخل المحطات القديمة لأن التانكات الأرضية المخزن بها البنزين بتكون غالبا متهالكة وبيحدث تسريب داخلها مياه وزيت وشوائب يمكن أن تضر السيارة رغم الفلاتر بالطلمبات.. ده إذا كانت موجودة

أما الغاز فهناك أقاويل عديدة فيه ولكن لنأخذ منها رأي التوكيل حيث قمت بسؤاله في هذا الأمر فأفاد أنه بيضر المحرك جدا وإن كان لابد منه يجب إستعمال شوية بنزين وشوية غاز ده غير إنه بيقلل من أداء المحرك

المشاركة الأصلية كتبت بواسطة aboamin

ممكن الأفادة بالنسبة لقطع الغيار من حيث السعر والوفرة وأماكن الصيانات وهل يوجد بديل لقطع الغيار من نوعيات تانية زى ميتسوبيشى أو كورلا

قطع الغيار متوفرة بالتوكيل وبمحلات قطع الغيار

والصيانة بفرع العباسية أو فرع القطامية المرتقب إفتتاحه خلال أيام أو فرع الإسكندرية

والسيارة مستنسخة من التويوتا كرولا من 2001 حتي 2007 وأفاد الكثير من الزملاء بإمكانية تركيب عفشة الكورولا بالكامل عليها والزجاج والأبواب والتابلوه والكثير