| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 12 1 2 3 4 5 6 11 ... الأخيرةالأخيرة
النتائج 1 إلى 10 من 112

  1. #1

    الصورة الرمزية amrico

    رقم العضوية : 3484

    تاريخ التسجيل : 29Nov2007

    المشاركات : 2,120

    النوع : ذكر

    الاقامة : مدينة بلا لانسر (بومة) في الشوارع

    السيارة: Daihatsu Sirion 1.3L GLX 2009

    السيارة[2]: BMW 525i 2007

    دراجة بخارية: أحبوش

    الحالة : amrico غير متواجد حالياً

    افتراضي متحرمش نفسك من العربية اللي نفسك فيها (هو انت هاتعيش كام مرة؟) - Facebook Twitter whatsapp انشر الموضوع فى :

    hasad">

    في البداية الموضوع غير موجه لأي شخص قام بشراء اللانسر البومة بناء على اقتناع فني بإمكانيات العربية وليس تبعا لسياسة زيي زي الناس

    الموضوع ده انا عملته عشان بجد مش لاقي تفسير للإنتشار المريع للانسر البومة في الشوارع
    وفي نفس الوقت تدخل المعارض تلاقيها مازالت نجمة المعارض الأولى

    ملاك البومة نوعين ناس بتفهم في العربيات زي اعضاء المنتدى مثلا وجايبينها عن اقتناع بالإمكانيات الفنية بتاعتها وطبعا رأيهم يحترم
    والنوع الثاني ناس بتقلد وخلاص ودول معظم ملاك البومة في المحروسة

    وهاقسم موضوعي لأربع نقاط هانتكلم فيهم
    1- ليه تشتري عربية وبتفكر ازاي هاتبيعها قبل ماحتى تركبها؟
    2- ليه كل واحد مايكونش ليه رأي ويجيب اللي يجيبه الناس وخلاص (إلا من رحم ربي)؟
    3- ليه حتي لما بتقلد وتجيب عربية لازم تقلد بالتفصيل الممل (يعني لازم اللون يكون فضي الا من رحم ربي برضه)؟
    4- بعض امثلة اللانسريزم في مصر (وخارج مصر)
    ================================
    1- لو نلاحظ المصري منذ قديم الأزل بيفني عمره يبني في المقبرة اللي هايندفن فيها بعد مايموت ويضيعله يجي 20 سنة من عمره يبني فيها، طيب ماكنت تعيش الأول هو العمر فيه كام 20 سنة
    برضه في العربيات موجودة الفكرة دي

    واحد صاحبي راكب لانسر بومة فضي، وكان بيحلم انه يركب سيات كوردوبا، وكل مايشوف السيات في الشارع يقعد يتحسر، وكان سببه الوحيد انه جاب اللانسر انها بتتباع زي الهوا وخفيفة في البيع
    انما السيات تقيلة جدا في البيع ومش هاتتباع رغم اقتناعة بالجودة العالية للسيات
    عارفين العربية دي بقالها معاه 4 سنين دلوقت ومش بيفكر يغيرها عشان مش عارف السوق رايح فين واهي اي حاجة والسلام
    هو الإنسان عنده كام 4 سنين في حياته عشان يضيعهم راكب عربية بحجة انه هايبيعها ويمكن مايبيعهاش، ويفضل يتحسر على حاجة كل مايشوفها في الشارع
    ياناس ماكل واحد يركب اللي بيحبه وبلاش كدا
    لو فضلنا نبيع قبل مانشتري لما نغير هانشتري برضه حاجة بتتباع وخفيفة في البيع طالما هو دا التفكير العملي
    يعني مثلا لو عندك بومة 2003 هاتيجي تغيرها هاتلاقي نفسك بتفكر في بومة 2008 مثلا عشان تعرف تبيعها يبقى فين التجديد؟
    ================================

    2- لو سلمنا بالأمر ان كل واحد عاوز يجيب حاجة بتتباع وخلاص، طيب مافي انواع تانية بتتباع برضه ويمكن فنيا لو مش في نفس المستوى هاتكون احسن من البومة، زي التويوتا كورولا مثلا. دا غير ان اكيد اي عربية دلوقت ليها برستيج اكتر من البومة اللي راكبها اي حد، والله العظيم اي حد
    طبعا هاتلاقي الناس يقولك العربية دي شيء عملي وبيأدي الغرض ومش مهم حكاية البرستيج دي، طيب ليه المصريين مش عمليين غير في حكاية اللانسر البومة بس.
    وهاقول امثلة

    - لو نشوف كمية الأكل الصالحة للأكل وبتترمى من البيوت عشان تم شراء كميات زيادة هل دا شعب بيفكر بطريقة عملية؟

    - لما العيش بيندفع مليارات عشان نستورد القمح بتاعه الناس تشتريه عشان تأكله للفراخ دا غير اللي بيترمي منه هل دا شعب بيفكر بطريقة عملية؟

    - لما كل واحد تلاقيه لازم وحتما ولا بد ينزل بالعربية يلف في الشوارع الزحمة في ال week end حتى بلا هدف ويزيد الشوارع زحمة على زحمتها ويحرق بنزين ويقرف نفسه ويقرف الناس ويتخانق ومايلاقيش مكان يركن فيه ويلاقي نفسه بقاله 5 او 6 ساعات في الشارع ومش عارف لسه هايعمل ايه، هل دا شعب بيفكر بطريقة عملية؟

    - لما تلاقي العروسة لازم تشتري اطقم صيني غالية جدا وحلل قد ايه وصواني بأعداد كبيرة ويمكن ماتستخدمهمش طول حياتها لحد ماتموت هل دا شعب بيفكر بطريقة عملية؟

    الأمثلة كتير بس حكاية التفكير العملي دي بتيجي كحجة غير حقيقية بالمرة، والا لكنا في مقدمة الدول انتاجيا واقتصاديا طالما كلنا خبراء اقتصاد وسوق كدا.
    ================================
    3- اللون الفضي
    دي نقطه بجد مش لاقيلها معنى بس هي نقطة للترفيه في الموضوع
    وياريت كل واحد يقولي في كام لانسر بومة فضي بيشوفها لما يبص من البلكونة ولا من الشباك ولا حتى من خرم ابرة
    سامع حد بيقول اللون الفضي بيستحمل التراب اللي مالي البلد، بس الفواتح كلها بتستحمل، ومش معقول اذواق الناس كلها واحدة في عشق اللون الفضي

    ولو حد عاوز يجيب لحد حول او يجيبله شلل رعاش او التهاب سحائي او انفصال في الشبكية بسيطة قوي
    بس يطلب منه يعد كام لانسر بومة فضي بتعدي في الشارع في الدقيقة
    بيتهيألي متابعة مباراة بنج بونج ولا تنس اسهل واريح للعين

    ================================
    4- بعض الأمثلة لمرض اللانسريزم

    - واحد اتعرفت عليه (خريج تجارة) قابلته مع واحد صاحبي على كافيه وقال انه عنده لانسر بومة، سألته هي 1300 ولا 1600 مكانش متأكد وقالي هي زي دي بالضبط، وراح مشاور على واحدة من ال 4000 لانسر بومة اللي راكنين في الشارع قدام الكافيه، وطبعا هما جايبينها عنده في البيت عشان كل الناس جايبينها (على حد كلام الراجل)

    - انا حاليا في سلطنة عمان، واحد زميلنا عماني الجنسية عمل حادثة طريق بسيطة مع واحدة ست، لقيته بيطلبني يقولي انا عملت حادثة مع واحدة ست مصرية وبعد ماطمنت ان الحمد لله مفيش خساير قالي ان الست كانت راكبة لانسر بومة ( العقدة وصلت لبرة ) و 90% لو شفت لانسر بومة في الخليج (رغم ندرتها) تلاقي اللي راكبها مصري

    - كام مرة يحصلي اني اكون مثلا في اشارة والاقي قدامي وورايا ويميني وشمالي لانسر بومة وساعات بتكمل والاقيها فضي

    - كام مرة تلاقي البومة الفضي اللي بيقلبلك نور عشان يعديك وتفتحلة وبمجرد مايعديك وتيجي تعدي تلاقي ان دي بومة تانية مش البومة الأولانية، حاجة تجيب هستريا

    وفي امثلة كتير

    وهاقتبس مشاركية ليا في موضوع تاني

    انا سامع ان هايبقى في اطباء نفسيين اخصائيين لعلاح الناس من اللانسريزم

    واللانسريزم هو مرض ينقسم الى شقين

    لانسريزم ايجابي (وهو ده الخطير) وهو الإصرار على شراء عربية داخلة على 8 سنين بنفس الشكل وبتغلى والناس واقفين عليها طوابير زي زيت الجمعيات والمصيبة انها لسة وهاتفضل تتباع زيرو

    لانسريزم سلبي (ودول الغلابة) وهم الناس اللي بيعانو من الإنتشار البشع السافر الفائق للحد للانسر وخصوصا اللون الفضي منها

    ومحدش ينكر ان كل العربيات الياباني كويسة
    التويوتا كويسة، المازدا كويسة، الدايهاتسو كويسة، النيسان كويسة، والمتسوبيشي كويسة
    لكن الناس ماسكين بإيدهم وسنانهم في البومة ومش عاوزين يسيبوها

    وفي نهاية الموضوع
    اسجل احترامي لكل عضو محترم اشترى البومة بناء على اقتناع فني ودا طبعا راجل محترم واشيله على دماغي، لأن الإقتناع الفني النابع من تجربة شيء يجب احترامه

    [aldl]http://nileup.com/up/uploads/nilemotors_13899410841.jpg[/aldl]


  2. #2

    الصورة الرمزية Terrible_DaRsH

    رقم العضوية : 17601

    تاريخ التسجيل : 31Aug2008

    المشاركات : 6,564

    النوع : ذكر

    الاقامة : Certainly .. In My House !

    السيارة: NA

    السيارة[2]: Corolla 1.3

    الحالة : Terrible_DaRsH غير متواجد حالياً

    افتراضي -

    البوما زيها زى الفيرنا بالظبط . ( من ناحية الانتشار ) .

    تقريبا كده البوما ارخص عربية يابانى بمواصفات تعتبر عالية بعض الشيء + ان الناس بتحس ان شكلها عربية افضل لانها تنفع شبابي و رجال كبار و بنات و اطفال و شيوخ و كل شيء فى مصر وارد يعنى .


  3. #3

    الصورة الرمزية amrico

    رقم العضوية : 3484

    تاريخ التسجيل : 29Nov2007

    المشاركات : 2,120

    النوع : ذكر

    الاقامة : مدينة بلا لانسر (بومة) في الشوارع

    السيارة: Daihatsu Sirion 1.3L GLX 2009

    السيارة[2]: BMW 525i 2007

    دراجة بخارية: أحبوش

    الحالة : amrico غير متواجد حالياً

    افتراضي -

    اقتباس المشاركة الأصلية كتبت بواسطة terrible_darsh مشاهدة المشاركة
    البوما زيها زى الفيرنا بالظبط . ( من ناحية الانتشار ) .

    تقريبا كده البوما ارخص عربية يابانى بمواصفات تعتبر عالية بعض الشيء + ان الناس بتحس ان شكلها عربية افضل لانها تنفع شبابي و رجال كبار و بنات و اطفال و شيوخ و كل شيء فى مصر وارد يعنى .
    كلام حضرتك صح
    ماهي لازم تبقى ارخص عشان عربية قديمة بس في الواقع هي مش رخيصة لأنها تكنولوجيا قديمة والناس لسة بتقارنها بموديلات جديدة وطبعا التجار بيستغلوا الموضوع ده ويغلوا سعرها ويقولك دي بومة

    [aldl]http://nileup.com/up/uploads/nilemotors_13899410841.jpg[/aldl]


  4. #4

    الصورة الرمزية nasr-eldeen

    رقم العضوية : 4727

    تاريخ التسجيل : 22Jan2008

    المشاركات : 806

    النوع : ذكر

    الاقامة : الهرم

    السيارة: لانسر سبورت 2008 فيات بترا 2003

    السيارة[2]: سبرانزا تيجو 2014

    دراجة بخارية: لا يوجد

    الحالة : nasr-eldeen غير متواجد حالياً

    افتراضي -

    الحمد لله الكلام ده كله لا ينطبق على سيارتي .
    أنا سيارتي لانسر بومة 2008 بس بئه لونها شامبين ، يعني مش فضي .
    وبكده أكون بره الموضوع .

    { وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ }


  5. #5

    الصورة الرمزية amrico

    رقم العضوية : 3484

    تاريخ التسجيل : 29Nov2007

    المشاركات : 2,120

    النوع : ذكر

    الاقامة : مدينة بلا لانسر (بومة) في الشوارع

    السيارة: Daihatsu Sirion 1.3L GLX 2009

    السيارة[2]: BMW 525i 2007

    دراجة بخارية: أحبوش

    الحالة : amrico غير متواجد حالياً

    افتراضي -

    اقتباس المشاركة الأصلية كتبت بواسطة nasr-eldeen مشاهدة المشاركة
    الحمد لله الكلام ده كله لا ينطبق على سيارتي .
    أنا سيارتي لانسر بومة 2008 بس بئه لونها شامبين ، يعني مش فضي .
    وبكده أكون بره الموضوع .

    حضرتك راجل زي العسل

    تحياتي

    [aldl]http://nileup.com/up/uploads/nilemotors_13899410841.jpg[/aldl]


  6. #6

    الصورة الرمزية M.almaghraby

    رقم العضوية : 29575

    تاريخ التسجيل : 09Jan2009

    المشاركات : 5,234

    النوع : ذكر

    الاقامة : Ismailia city & heliopolis

    السيارة: daewoo juliet 2003

    السيارة[2]: proton persona m/t

    الحالة : M.almaghraby غير متواجد حالياً

    افتراضي -

    الف شكر علي اثارة الموضوع

    بالعكس انا حاسس انها غالية جدا جدا عليها السعر دا

    [rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]


    You 're beautiful , Its true



  7. #7

    الصورة الرمزية tutankhamoun

    رقم العضوية : 2452

    تاريخ التسجيل : 04Oct2007

    المشاركات : 8,022

    النوع : ذكر

    الاقامة : ج ع ع .... للآسف الشديد

    السيارة: Proton Gen2 ...2007

    السيارة[2]: Proton Gen2 ...2007

    دراجة بخارية: لا يوجد

    الحالة : tutankhamoun غير متواجد حالياً

    افتراضي -

    عند شرائي الجين 2 حدث الآتي
    الأقارب و الأصحاب اللي مش بيفهموا حاجة في العربيات و خصوصا الشباب منهم ..
    بستفوني ........ علشان ما جبتش لانسر !!!!!!!!!!!!

    و راجل كبير قريبي في مقام الجد ..... قالي يابني هات 504 !!!!!!!!!!!!!!!!!

    و بعدين نص الناس اللي مكنتش مقتنعة بموضوع الجين 2 و بعد شرح طويل و بعد ترجبة السيارة ....... الحمد لله كلهم سكتوا دلوقتي و محدش بيقول حاجة و بطلوا موضوع اللانسر ....... و الحمد لله قدرت أغير نظرتهم و أثنين منهم كانوا ناويين يشتروا لانسر لمجرد أنتشارها ...... و رشحتلهم عربيات تانية مع اللانسر ..... و بعد المقارنة
    أشتروا الحاجات التانية !!!!!!!!

    و بالنسبة لبقية موضوعك يا أستاذ عمرو
    فكله صحيح و تمام و كلام في الجون .......
    و أحنا شعب سلبي جدا ........
    و الله العظيم تلاتة أنا أعرف واحد صاحبي
    بيستلف فلوس و بيدين ......... علشان يفرش الشقة أم 6 غرف فرش من أغلى الفرش الموجود في السوق
    و قعدت معاه ييجي أسبوع أفهم فيه و أشرحله و أقوله بلاش الدين و بلاش تستلف .
    يعني حتى الفشخرة ........ و أنت مش معاك فلوس !!!!!!!!!!!!!!

    الشعب المصري شعب مريض نفسيا بالفشخرة ....... و كره النظام . ( الكلام ده بينطبق على العرب برضه بنسب متفاوتة )

    في الخارج أوروبا و الدول المتقدمة و الناس اللي بتأكل مع الكباب طحينة
    تلاقيهم يبدأو حياتهم بما قل و نفع الحياة
    مش طقم صيني و عشرة بطاطين ......... و خمسين ألف كوب لم و لن يستخدم كما أسلفت و قلت يا أخي .

    و لكن أنها العادات السخيفة الغبية المصرية و العربية في المغالاه في المهور والمغالاة في الفشخرة و التظاهر بالغنى و الكذب .

    مشاكل نفسية كثيرة تحتاج إلى مئات السنين للعلاج ......
    شكرا على الموضوع الجميل

    [img2]http://i59.tinypic.com/2vxpukz.jpg[/img2]


  8. #8

    الصورة الرمزية mobitic

    رقم العضوية : 9734

    تاريخ التسجيل : 28Apr2008

    المشاركات : 628

    النوع : ذكر

    الاقامة : Egypt - Qina

    السيارة: لا يوجد

    السيارة[2]: Polonez 89

    الحالة : mobitic غير متواجد حالياً

    افتراضي -

    للأسف الشعب المصرى شعب معظمه مقاوم للتغيير وبيخاف من أى شئ جديد حتى ولو مقتنع به تماماً

    محمد الفوال
    أحب الصالحين ولست منهم لعلي أن أنال بهـم شفاعـة
    وأكره من تجارته المعاصي ولو كنا سواء في البضاعة


  9. #9

    الصورة الرمزية amrico

    رقم العضوية : 3484

    تاريخ التسجيل : 29Nov2007

    المشاركات : 2,120

    النوع : ذكر

    الاقامة : مدينة بلا لانسر (بومة) في الشوارع

    السيارة: Daihatsu Sirion 1.3L GLX 2009

    السيارة[2]: BMW 525i 2007

    دراجة بخارية: أحبوش

    الحالة : amrico غير متواجد حالياً

    افتراضي -

    استاذ توت متشكرين لإضافتك اللي فعلا اثرت الموضوع، وكالعادة عاجبني اراء حضرتك جدا

    شكرا على المرور الجميل

    [aldl]http://nileup.com/up/uploads/nilemotors_13899410841.jpg[/aldl]


  10. #10

    الصورة الرمزية amrico

    رقم العضوية : 3484

    تاريخ التسجيل : 29Nov2007

    المشاركات : 2,120

    النوع : ذكر

    الاقامة : مدينة بلا لانسر (بومة) في الشوارع

    السيارة: Daihatsu Sirion 1.3L GLX 2009

    السيارة[2]: BMW 525i 2007

    دراجة بخارية: أحبوش

    الحالة : amrico غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة mobitic مشاهدة المشاركة
    للأسف الشعب المصرى شعب معظمه مقاوم للتغيير وبيخاف من أى شئ جديد حتى ولو مقتنع به تماماً
    كلام حضرتك منطقي جدا وعلى فكرة حكاية الخوف من الجديد دي مصيبة
    لدرجة ان ساعات تلاقي عربية جديدة مثلا ظهر فيها عيب نتيجة عيب استخدام تلاقي العيب ده اخباره انتشرت كالنار في الهشيم واصبحت سمعة بالباطل على العربية
    يا راجل مش قادر انسى واحد ميكانيكي بيتكلم على الأوبل فيكترا الجديدة وبيقولي انها تعبانة !!! سألته تعبانه ليه لقيته بيقولي بتجيب حساسات
    وكان قصده انه اجهزة الاستشعار الخاصة بالركن بتعطل
    سألته شوفتها او تعرف حد عنده العيب ده يقولك لا بس كل الناس اللي متعرفش هم مين بيقولوا كدا
    وزي برضه الإشاعات العجيبة اللي طلعت على ناقل حركة الكورولا
    وشكرا على المرور

    [aldl]http://nileup.com/up/uploads/nilemotors_13899410841.jpg[/aldl]



 
صفحة 1 من 12 1 2 3 4 5 6 11 ... الأخيرةالأخيرة

المواضيع المتشابهه

  1. حملة ايه اللي نفسك فيه
    بواسطة alaamousa في المنتدى هيــونــداى
    مشاركات: 18
    آخر مشاركة: 15-08-2012, 11:54 PM
  2. ادخل قول لنفسك حاجه تكون نفسك فيها
    بواسطة mado83 في المنتدى المنتــــــدى العـــــــــــام للسيــارات
    مشاركات: 19
    آخر مشاركة: 16-02-2012, 10:31 AM
  3. ماذا يمكن أن تفعل في دقيقة واحدة >>>> متحرمش نفسك من الأجر
    بواسطة د.أحمد السعيد في المنتدى المنتــــــدى الاجتمــاعى
    مشاركات: 3
    آخر مشاركة: 28-04-2011, 02:17 PM
  4. إيه العربية اللي نفسك تركبها
    بواسطة ahm2000 في المنتدى المنتــــــدى العـــــــــــام للسيــارات
    مشاركات: 12
    آخر مشاركة: 16-03-2010, 02:32 AM
  5. مسألتش نفسك قبل كده؟! ايه اجزاء العربية اللي بتدخل في الضمان وممكن تغيرها ببلاش
    بواسطة د.محمد في المنتدى المنتــــــدى العـــــــــــام للسيــارات
    مشاركات: 6
    آخر مشاركة: 31-03-2009, 02:54 AM

الكلمات الدلالية لهذا الموضوع

1300, 1500, 1600, 20, 2008, 2009, 2010, 40, 400, 50, 504, ملاك, abs, لازم, مازدا 3, لانسر, لانسر كريستالة, لانوس, متحرمش, مية, ميتسوبيشي, مين, مرتب, مرة؟, مرسيدس, مشاكل, مصر, مع, معلومات, معرض, معرض سيارات, من, منتدى, موضوع, لكل, bmw, ام, اللانسر, اللي, الأولى, الثاني, التو, البنزين, التوكيل, الي, الجديدة, الخطير, الصيانة, العربية, الفئة, اداء, اسعار, اسعار السيارات, انا, انت, انتاج, اكسيل, بجد, بيحب, تجديد, بيع, بين, بدون, بروتون, بس, تغيير, بومة, تويوتا, تويوتا كورولا, بوينتر, بنزين, بنزين 95, توكيلات, بكرة, font, good, gps, حل, يا, حادث, حادثة, دايهاتسو, دايهاتسو سيريون, دايو, خبراء, دى, خدمة, جين2, حساسات, يهاتسو, mmt, رائع, رينو, صاج, شار, شارك, شاهين, سيارات, سيارة, زيت, سيتي, سير, سيريون, زيرو, شيفروليه, شراء, شرح, شنطة, سوق, على, غالية, عداد, غيار, عدة, عربية, عن, في, فيات, فيها, فيكترا, فرق, فولكس, فورد, فورد اسكورت, هل, هاتعيش, هي, هيونداي, هو, هوندا, هوندا سيتي, نيسان, وصف, نفسك, نور, طريقة, قلب, قابل, قطع, قطع الغيار, قطع غيار, قطعة, كل, كام, كاوتش, كيا, كريستالة, كروزر, كورولا

عرض سحابة الكلمة الدلالية

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2