الدكتور اللى قال مزرعه دكتور محترم يا ريت تسمع كلامه
هل حضرتك كمهندس بحرى بتستنشق حاجه فى الشغل مش تمام زى تراب أو صدى خرده ؟؟
عرض للطباعة
الدكتور اللى قال مزرعه دكتور محترم يا ريت تسمع كلامه
هل حضرتك كمهندس بحرى بتستنشق حاجه فى الشغل مش تمام زى تراب أو صدى خرده ؟؟
يبدو أن لديك إلتهاب بالحلق يكاد أن يكون مزمن ، هذا الالتهاب من الممكن أن يكون نتيجة جراثيم سكنت جدار الزور وأنسجته الليمفاوية أو نتيجة تهيج أنسجة الزور بسبب عامل مهيج من الأماكن القريبة منها مثل الأسنان أوالجيوب الأنفية وأحيانا ارتجاع حمض المعدة
لهذا لابد من تقييم حالة الأسنان واللثة بواسطة طبيب أسنان ، وتقييم حالة الجيوب الأنفية بكورس علاج بسيط ثم آشعة مقطعية بالإضافة لتجربة علاج إرتجاع حمض المعدة لمدة أسبوعين
إختفاء الأعراض بعد الكورس الأول ربما كان بسبب استخدام المسكن والغرغرة وليس المضاد الحيوى فربما يكون الموضوع خالى من الجراثيم كما نوهت
فى حال كون ال" صديد" أو المخاط مصدره من الجيوب الأنفية سيكون التخلص منه عن طريق التنخيم وليس الكحة ، كما أنه يعد ملوثا بالجراثيم فى حال كان لونه أصفر أو أخضر ، أما لو كان غامق اللون فغالبا يكون بسبب تلوث الهواء ، ولو كان هذا المخاط هو سبب المرارة فتناول مذيبات المخاط وشرب سوائل بكثرة قد يزيل هذا العرض بإذن الله
مرارة الزور من الممكن أن تكون مصاحبة لكل ماسبق بالاضافة لوجود مشاكل بالغدد اللعابية أو أمراض أخرى فى الجسم لا قدر الله بما يلزم إجراء تحليل روتينى لوظائف الكلى والكبد والسكر بالدم ، كما يمكن أن تكون نتيجة استخدام بعض الأدوية.
لا أنصح بعلاج محدد دون معرفة جميع التفاصيل وكل ما ذكرته لحضرتك كلام عام قد يمثل جزء من حالتك ويبقى الحل فى يد الله ثم من تسأل إستشارته من الأطباء المحيطين بك
وشفاك الله وعافاك
فى البداية اول ما حدث معايا الموضوع دة الدكتور قالى انه التهاب حاد فى الحلق و للاسف ماقلش السبب هو قال نتيجة تغير الجو و افرازات الانف لكن ماطلبش منى اى اشعة او اى تحليل و للاسف انا مناعتى ضعيفة جدا و اى تغير فى درجات الحرارة او التعرض المفاجئ للتكييف بترجع التاثير و بحس بنفس الاعراض و هى صعوبة فى البلع و صعوبة تنفس
راى حضرتك ابدأ بايه؟
ابدأ بعمل مزرعة للتاكد من عدم وجود جراثيم
ولا اعمل اشعة على الجهاز التنفسى و الجيوب الانفية
انا للاسف معرفش دكتور كويس فى التخصص دة لان زى ماذكرت ان الدكاترة الروحتلهم بيكررلى الكورس(مضاد حيوى+مضاد التهابات+مضاد حساسية+طارد بلغم+غرغرة)
مفيش حد قالى الكلام بتاع الاشعة او المزرعة خالص و انا بصراحة مش هقدر اكرر الكورس دة كل شوية
فياريت حضرتك تقولى ابدأ بايه عشان انا خبرتى محدودة فى المجال الطبى
و جزاك الله خير لاهتمامك و توضيحاتك
دلوات نظرا لظروف شغلى مش قادر انزل اروح لدكتور او اعمل الاشعة و موضوع التحليل دة!
لكن جربت مضاد حيوى جديد اسمه zithromax SD و المفروض انه لمشاكل الجيوب الانفية و الالتهابات استخدمته اول يوم بعد الكل بساعتين كما هو مدون بالروشته لكن تانى يوم الصبح لقيت كمية دم من زورى و حرقان خفيف بالحلق و بعدها عملت غرغرة و شربت سوائل ساخنة لقيت موضوع الوجع خف جدا و البلع اصبح طبيعى و موضوع الطعم المعدنى مش موجود بعد 3 يوم من اخذ المضاد الحيوى!
فكنت عاوز اسأل هل كمية الدم دى مقلقة؟لان بصراحة معنديش فرصة انزل و اروح لدكتور استشيره ولا دة طبيعى؟
وهل اكمل كورس المضاد الحيوى(6 اقراص)ولا اوقفه لان بصراحة قلقت من موضوع الحرقان اللى فى الحلق و الدم اللى نزل ولا هو كان بؤرة صديدية و المضاد الحيوى اذابها
وشكرا لكل من افادنى بمعلومات لانى فعلا كنت محتار جدا
والف شكر لدكاترة المنتدى
كمل المضاد الحيوى لمدة 6 أيام كل 24 ساعه قبل الأكل بساعه أو بعد الأكل بساعتين ويفضل زيارة أستاذ أنف وأذن فى أقرب فرصه من فضلك
ياباشا انا مش هقدر اقولك غير ربنا يشفيك و يبعد عنك الالم والمرض ...........وربنا يجزيك خير وثواب على صبرك واحتمالك