الموضوع: الحمد لله الفيرنا اتخبطت.

الحمد لله على كل شىء

زى ما انتوا قريتوا كدة العربية اتخبطت.

واقف فى إشارة ومفيش ولا عسكرى ولا ظابط ولا اى بتنجان.

واقف فى الاشارة المكونة من اربع حارات وبعون الله واقف لوحدى بمعنى ان التلات حارات التانين مفيهومش نسمة هواء واقفة فيهم.

ومستنى لما الشارع يفضى عشان اعدى وإذا بصوت ديييييييييييييييييييييييي يييييييييييييييييب ببص فى المراية لقيت عربية فاضلها شوية بسيطة وتيجى تقعد ع الكنبة.

نزلت ببص لقيت الحمد لله الاكصدام دخل لجوة من النص عند النمر بالظبط وطبعها الشنطة دخلت لجوة من الحتة دى واتكبست لجوة والفانوس الشمال لقيته مدليل ماسك فى السلك بتاعه بس.

الجانى عبارة عن سيارة 128 ومحدش يسألنى حصلها ايه لأنى مبصتش عليها خااااااالص ولا اعرف الاصابات عنده ايه.

نزل منها ظابط وإتطضح ان البيه نام وهو سايق والحمد لله لم يجد غير الاكصدام بتاعى يصحيه.

قعد يتأسف ويقولى الى عايزه ادفعهولك وكلام من دا رحت قايله هات رخصك لقيته بيديهالى على طول كدة من غير نقاش رحت كاتب بياناته وكل دا وهو مستمر فى الاسف.

بصيت من تحت الاكصدام اشوف اخبار الاكصدام الحديد ايه لقيته دخل لجوة على شكل (8) بالعريى طبعا ووقف قبل التنك بحاجة بسيطة قلت الحمد لله قدر ولطف.

رحت مديلو رخصته وقولتلو اتكل على الله ( انا مأمن الحمد لله ).

بس ومشيت

مجربتش افتح الشنطة لحسن متقفلش تانى.

انا صورتها بس للأسف مش لاقى الكابل فحتصرف فى واحد وابقى ارفعهم.

أهم حاجة فى الموضوع كله حزااااااااام الامان لان بدونه كان زمانى قاعد على الكبوت من أثر الخبطة..


عمال افتكر مين ركب معايا اليومين الى فاتوا وإكتشفت ان احد اصحاب الوالد عينه تتدب فيها صواريخ عابرة القارات ( يا رب اشوفو تحت تريلة ومحدش يعرف ينقزه يا رب قولوا آمين ) من يومين عدى من تحت البيت وبالصدفة كنت انا فى العربية وبيقولى ايه دا انتوا جيتوا عربية جديدة - رحت ساكت ومتنح وبصوت مقطع أيوة بـــــــــــــــــس ومن ساعتها وانا مشغل قرآن فى العربية وبقرا المعوزتين بس الله يحرقه سره باتــع.



ومنجلكوش فى حاجة وحشة.

المشاركة الأصلية كتبت بواسطة Ahmed Anwer

الف سلامة عليك

و الف سلامة علي عربيتك

و بسيطة ان شاء الله


متقلقشي من حكاية البيع دي

طبيعي ان العربية تكون رشه اكصطدامات بعد كام سنة في الشارع

هى كدة حتبقى راشة اكصدام وشنطة ومعرفش دواخل الشنطة حتترش وﻻ ايه النظام فى تصليحها.

دا غير انها اكنت راشة مناطق قبل كدة غير دول