ياريت لكل الوحوش ساعدوني في موضوع الدي في دي والزينون للميجان

**midohits** · 05-07-2009 10:30 AM

ازيكم يا وحوش : مستر احمد عبد المقصود ، شاتو وكل الناس الحلوين

المهم ، انا دلوقت والله عايز اظبط العربية بتاعتي شوية ، اول حاجة عايز اعمل للعربية زينون ، بس المشكلة ان الميجان العالي والواطي لمبة واحده ، فأنا مش عارف انواع ايه اللي اشتريها او مين بيشتغل في العربيات دي علشان يركبها ، بصراحه مش عارف حاجة في اي حاجة والأسعار كام وكده ، بس ياريت يا جماعة محدش يبعت لي مواضيع من المنتدي ، انا عايز حد يكون عمل الموضوع داه في عربيته ميجان او حتى عربية العالي والواطي لمبة واحده علشان مش اتعبكم معايه كتير ، وكمان ياريت نفس الموضوع بانالسبة للديفيدي

في ناس بتقول انواع فيه نوع بيتركب في الشمسية وداه بحوالي 800 جنيه ، وفيه نااس بتقول نوع بيتركب فوق المرايه كده بس مش عارف سعرفه بكام ، وانا بفضل موضوع الشمسية او المراية داه علشان مش اوبظ سيتم صوت في العربي وكده ، بس مش عارف ياريت حد يكون ركب عنده دي في دي برده في عربيته ولو فيها غلاسه لو بالصور معلش تاعبكم معايه ، بس انتوا اخواتي وقبل ماعمل اي حاجة بقولكم
وانتو افادتوني كتير بجد في المنتدى هنا ، مستندى ردودكم

**M.Moustafa** · 05-07-2009 11:16 AM

معلش سؤالي اولا مين اللي قال ان لمبة العالي والواطي في الميجان لمبة واحده؟ الميجان اللمبة الواطي لوحدها واللمبة العالي لوحدها وده ممكن تشوفه في تقسيمة الفانوس نفسه.

نيجي بقى لمقاس اللمبة انا كنت الاول مركب في الواطي h7 بس اللمبة كانت طويلة واعتقد انك لو ركبت h1 هيكون افضل والمقاس ده ممكن يركب معاك في الواطي وفي العالي كمان طبعا انت لو هتركب عالي وواطي هتكون محتاج 4 موديول ودول بيركبو تحت الكبوت وفي ناس بتركبهم ورا الفانوس اسعارهم الصراحة معرفش السعر كام دلوقتي.

اما الدي في دي فمش هعرف افيدك فيه نهائي باقي الوحوش بقى ممكن يردو عليك فيه

**ecybrarian** · 05-07-2009 11:28 AM

الميجان العالي لمبة (اعتقد H7) والواطي لمبة تانية...علشان كده ممكن تركب على العالي فقط..بس انت عنك فكرة عن مشاكل الزينون الفنية (مش مرورو فقط)...لاحظ إن العربيات إللي بتنزل فيها زينون اصلي كلها في فوانيسها عداسات وكمان على الفوانيس رشاشات مياه..عارف ليه! علشان الزينون بيلم تراب على وش الفانوس..كلام غريب مش كده!! بس حقيقي

اما الDVD، لو انت عايزة لكل العربية يببقى عند حل من اتنين. اما الشماسة او motorized DVD إللي هو عبارة عن One DIN وشاشته بتطلع منه..وفي الحالتين الأفضل توصيل الصوت على AUX الاصلي بتاع العربية علشان تعرف تتحكم في الصوت من الدريكسيون..لكن لوعايز DVD يشتغل للقاعدين على الكنبة فقط يبقى تجيب DVD يركب مكان مسند الرأس..وبرضه توصله على AUX العربية (وده تمنه من 800 إلى 1000 جنيه)

**M.Moustafa** · 05-07-2009 12:08 PM

المشاركة الأصلية كتبت بواسطة ecybrarian

الميجان العالي لمبة (اعتقد h7) والواطي لمبة تانية...علشان كده ممكن تركب على العالي فقط..بس انت عنك فكرة عن مشاكل الزينون الفنية (مش مرورو فقط)...لاحظ إن العربيات إللي بتنزل فيها زينون اصلي كلها في فوانيسها عداسات وكمان على الفوانيس رشاشات مياه..عارف ليه! علشان الزينون بيلم تراب على وش الفانوس..كلام غريب مش كده!! بس حقيقي

طبعا دي انت شوفتها بعينك اي خدعة

**ecybrarian** · 05-07-2009 01:42 PM

المشاركة الأصلية كتبت بواسطة mohammed moustafa

طبعا دي انت شوفتها بعينك اي خدعة

تلميذك يا ابوحميد :-)))) انت إللي علمتنا

انا كنت في الرحاب يوم الجمعة إللي فاتت مع الاولاد عند المرجيح

**Hegazio** · 05-07-2009 01:47 PM

انا شلت كاست العربية الأصلي ::
و مركب مكانه City Sound فيه DVD - Bluetooth - USB - AUX - Video out - High Power و مركب في الحته اللي فوقه شاشة LCD 7 بوصة بتدخل و تخرج و تتعدل وضعيتها
الليلة كلها اتكلفت 1500 جنيه !!

**Amr_Moh** · 05-07-2009 02:25 PM

DVD
http://www.nilemotors.net/Nile/showthread.php?t=78014

ZENON
حاسس انك بتتكلم عن عربية تانية ؟!! .

**midohits** · 05-07-2009 09:27 PM

معلش يا جماعة انا كتبت موضوع الفانوس لمبة واحده داه غلط هوه فعلا لمبتين ،

-

الموضوع: ياريت لكل الوحوش ساعدوني في موضوع الدي في دي والزينون للميجان

LinkBack

أدوات الموضوع

عرض

ياريت لكل الوحوش ساعدوني في موضوع الدي في دي والزينون للميجان - انشر الموضوع فى :

-

-

-

-

-

-

-

المواضيع المتشابهه

كاسيت الفيرنا بااااظ ياريت مساعده من الوحوش

كاسيت الفيرنا بااااظ ياريت مساعده من الوحوش

زيت الماتور والبوجيهات للميجان ياريت كل الوحوش تشارك

ياريت الوحوش تساعدني في القرار ده

اخيرا جبت ليكم كل اسعار الدي في دي وانواعه ، ياريت المراجعة

الكلمات الدلالية لهذا الموضوع

المفضلات

المفضلات

ضوابط المشاركة